Foto: Polisia.kz
Politseiler Astana meshitinde urlyq jasaǵan er adamdy anyqtady, – dep habarlaidy "Ult aqparat" Polisia.kz portalyna silteme jasap.
Baiqońyr aýdany PB kriminaldyq politsiia qyzmetkerleri meshittegi urlyq deregin ashty. Jedel-izdestirý sharalary barysynda namaz kezinde aqsha urlaǵan 31 jastaǵy er adam ustaldy.
Tergeý barysynda anyqtalǵandai, kúdikti Rahimov kóshesiniń boiyndaǵy meshitke barǵan. Namaz kezinde ol zaldyń eń sońǵy qataryna jaiǵasady. Sol sátte terezeniń aldynda jatqan kúrteshelerge kózi túsedi. Namazǵa jinalǵan jamaǵattyń baiqamai turǵanyn paidalanyp, kúrteshelerdiń birin alyp, qaltasyn teksere bastaǵan. Ámiiannan 600 dollar (270 myń teńge shamasynda) tapqan. Sóitip aqshany alyp, ámiiandy kúrtkeniń qaltasyna qaita salyp, meshitten shyǵyp ketken.
"Atalǵan derekke qatysty QR QK-niń 188-baby (Urlyq) boiynsha sotqa deiingi tergeý amaldary júrgizilip jatyr. Ustalǵan azamat kinásin moiyndady, zattai dáleldemeler tárkilendi, onyń buryn elorda aýmaǵynda jasalǵan osyǵan uqsas qylmystarǵa qatysy bar-joǵy tekserilip jatyr" - delingen habarlamada.
