بٸر كٷندە استانادا ەكٸ بالا كٶپقاباتتى ٷيدٸڭ تەرەزەسٸنەن قۇلاپ كەتتٸ, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنە سٸلتەمە جاساپ.
5 قىركٷيەك كٷنٸ ساعات 13.20-دا ەكٸ جاسار بٷلدٸرشٸن اسٷيدە ٷستەل ٷستٸندە ويناپ جٷرٸپ, تەرەزەگە مٸنٸپ كەتكەن. اناسى وسى كەزدە سول بٶلمەدە بولعان.
اناسىنىڭ ايتۋىنشا, ول بالانى ۇستاپ الايىن دەگەن, بٸراق ٷلگەرمەي قالعان.
ول موسكيت تورىنا بار سالماعىمەن سٷيەنٸپ, 3 قاباتتان تەرەزەدەن قۇلاپ كەتكەن. بٷلدٸرشٸن تٷرلٸ دەنە جاراقاتتارىمەن اۋرۋحاناعا جەتكٸزٸلدٸ.
وسى كٷنٸ ساعات 15.30-دا 4 جاسار بالا اناسىمەن بٸرگە رىسقۇلبەكوۆ كٶشەسٸندە تۋىستارىنىڭ ٷيٸندە قوناقتا بولعان.
بالا جاتىن بٶلمەگە ويناۋعا كەتەدٸ, ول بٶلمەنٸڭ تەرەزەسٸ اشىق قالعان. تەرەزە الدىنا شىعىپ, موسكيت تورىنا سٷيەنگەن بالا 6 قاباتتان قۇلاپ كەتكەن.
كەيٸن اناسى اشىق تۇرعان تەرەزەدەن بالاسىنىڭ جەردە جاتقانىن كٶرەدٸ. بالا جانساقتاۋ بٶلٸمٸنە جەتكٸزٸلدٸ, بٸراق ونى امان الىپ قالۋ مٷمكٸن بولمادى.
پوليتسەيلەردٸڭ ايتۋىنشا, جىل باسىنان بەرٸ 31 بالا كٶپقاباتتى ٷيدٸڭ تەرەزەسٸنەن قۇلاپ كەتكەن, سونىڭ تٶرتەۋٸ كٶز جۇمدى.
تەرتٸپ ساقشىلارى ەرەسەكتەردەن قاۋٸپسٸزدٸك ەرەجەلەرٸن قاتاڭ ساقتاۋدى سۇرايدى.
بالالاردى ەشبٸر جاعدايدا قاراۋسىز قالدىرماي, اشىق تۇرعان تەرەزەنٸڭ قاسىندا ويناۋعا رۇقسات بەرمەۋ كەرەك.
موسكيت تورلارى قاۋٸپسٸز كٶرٸنگەنٸمەن, بالا وعان سٷيەنگەندە سالماقتى كٶتەرە المايدى. تەرەزەگە ارنايى قۇلىپ قوندىرۋ نەمەسە تۇتقاسىن الىپ تاستاۋ قاجەت.
