استانادا ينتەرنەت-الاياقتاردىڭ قىلمىستىق سحەماسىنا قاتىسى بار دەگەن كٷدٸكپەن 19 جەنە 21 جاستاعى ەكٸ تۇرعىن ۇستالدى. تەرگەۋ مەلٸمەتٸنشە, ولار اقشالاي سىياقى ٷشٸن ٶزدەرٸنٸڭ بانكتٸك ەسەپشوتتارىن, ۇيالى تەلەفوندارىن, SIM-كارتالارىن, سونداي-اق بانك قوسىمشالارى مەن كريپتوۆاليۋتا بيرجالارىنداعى اككاۋنتتارىن الاياقتاردىڭ پايدالانۋىنا بەرگە, دەپ حابارلايدى ult.kz.
پوليتسييانىڭ مەلٸمەتٸنشە, اتالعان قۇرالدار كەيٸن ازاماتتاردى الداۋ ماقساتىنداعى قىلمىستىق سحەمادا قولدانىلعان.
جەبٸرلەنۋشٸلەردٸڭ بٸرٸ – 78 جاستاعى ەلوردا تۇرعىنى. وعان ٶزٸن مەملەكەتتٸك ورگان مەن بانك قىزمەتكەرٸ رەتٸندە تانىستىرعان الاياقتار حابارلاسىپ, جيناق اقشاسىن «قاۋٸپسٸز شوتقا» اۋدارۋ قاجەت ەكەنٸنە سەندٸرگەن. بۇدان بٶلەك, ولار زەينەتكەردٸ التىن ەشەكەيلەرٸن ساتىپ, ودان تٷسكەن قارجىنى دا ٶزدەرٸ كٶرسەتكەن ەسەپشوتتارعا جٸبەرۋگە كٶندٸرگەن.
جەدەل-ٸزدەستٸرۋ شارالارى بارىسىندا تەرتٸپ ساقشىلارى جەبٸرلەنۋشٸنٸڭ اقشاسى تٷسكەن بانكتٸك شوتتاردىڭ يەلەرٸن انىقتاپ, ەكٸ كٷدٸكتٸنٸ قولعا تٷسٸردٸ.
تەرگەۋ بارىسىندا ولاردىڭ بٸرٸنٸڭ ەسەپشوتىنا قىلمىستىق جولمەن الىنعان 1 ميلليون تەڭگە, ال ەكٸنشٸسٸنٸڭ شوتىنا 2,5 ميلليون تەڭگە اۋدارىلعانى بەلگٸلٸ بولدى.
اتالعان فاكتٸ بويىنشا دروپپەرلٸككە قاتىستى قىلمىستىق ٸستەر قوزعالىپ, سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
پوليتسييا ازاماتتاردى جەكە بانكتٸك كارتالارىنىڭ دەرەكتەرٸن, SMS ارقىلى كەلەتٸن راستاۋ كودتارىن, موبيلدٸ بانك قوسىمشالارىنىڭ لوگينٸ مەن قۇپيياسٶزٸن بٶگدە ادامدارعا بەرمەۋگە شاقىردى. ۆەدومستۆونىڭ ەسكەرتۋٸنشە, ٶز ەسەپشوتىن نەمەسە جەكە دەرەكتەرٸن ٷشٸنشٸ تۇلعالارعا پايدالانۋعا بەرۋ ازاماتتى قىلمىسقا سىبايلاس قاتىسۋشى رەتٸندە قىلمىستىق جاۋاپكەرشٸلٸككە ەكەلۋٸ مٷمكٸن.
