استانادا اكادەميك رىمعالي نۇرعاليدىڭ قۇرمەتٸنە مەموريالدىق تاقتا ورناتىلدى, دەپ حابارلايدى "ۇلت اقپارات" ەلوردا ەكٸمدٸگٸنە سٸلتەمە جاساپ.
بٷگٸن استانا قالاسى ەكٸمدٸگٸ مەن ل. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ ۇيىمداستىرۋىمەن اسا كٶرنەكتٸ ەدەبيەتتانۋشى عالىم, قر ۇعا اكادەميگٸ, قر مەملەكەتتٸك سىيلىعىنىڭ يەگەرٸ رىمعالي نۇرعالي تۇرعان ٷيگە ەسكەرتكٸش تاقتا ورناتىلدى.
سالتاناتتى شاراعا قاتىسقان ەلوردا ەكٸمٸنٸڭ ورىنباسارى ەرمەك امانشاەۆ اكادەميك رىمعالي نۇرعاليدىڭ قازاق ەدەبيەتٸنٸڭ دامۋىنا جەنە شەكٸرت تەربيەلەۋدە, استانانىڭ رۋحانيياتىنا قوسقان ٷلەسٸ تۋرالى ايتىپ ٶتتٸ.
«مەن دە اعامىزدىڭ شەكٸرتٸمٸن. رىمعالي اعامىزدىڭ ارقاسىندا ۋنيۆەرسيتەت قابىرعاسىندا جٷرٸپ ماعجاننىڭ ٶلەڭدەرٸن, مٸرجاقىپ پەن احمەت بايتۇرسىنۇلىنىڭ ەڭبەكتەرٸمەن تانىسا باستادىق. اعامىزدىڭ قازاق عىلىمىنا, ٶركەنيەتٸنە قوسقان ٷلەسٸ وراسان زور. اعامىزدىڭ ەلورداعا العاشقىلاردىڭ بٸرٸ بولىپ كٶشٸپ كەلٸپ, وسى قالانىڭ مەدەنيەتٸنە, رۋحانيياتىنا قوسقان ٷلەسٸن اتاپ ايتپاۋ مٷمكٸن ەمەس», - دەدٸ ەرمەك امانشاەۆ.
سونىمەن قاتار, ەكٸم ورىنباسارى اكادەميكتٸڭ جەتەكشٸلٸك ەتۋٸمەن كەزٸندە كانديداتتىق ديپلومىن قورعاعانىن ايتىپ ٶتتٸ.
رىمعالي نۇرعالي قازاق تەاترى مەن دراماتۋرگيياسىنىڭ تاريحى, ا. بايتۇرسىنوۆ, م. جۇماباەۆ, ج. ايماۋىتوۆ, م. ەۋەزوۆ جەنە باسقا دا قازاق ەدەبيەتٸ كلاسسيكتەرٸنٸڭ شىعارماشىلىعى تۋرالى ٸرگەلٸ مونوگرافييالىق ەڭبەكتەر جازدى.
«بۇل ٸس-شارانىڭ تەلٸمدٸك, تانىمدىق, تەربيەلٸك مەنٸ زور. اعامىز عىلىمعا ىنتاسى بار ەر قازاقتىڭ بالاسىنا قامقور بولا بٸلدٸ. ەدەبيەتتەگٸ ەڭبەگٸ بٸر بٶلەك اعامىزدى تەاترتانۋشى دەپ تولىق ايتا الامىز. اعامىز الماتى تٶرٸنەن استاناعا كەلگەندەگٸ ماقساتى - ەلورداعا قازاقي رۋحتى ەنگٸزۋ, ونىڭ تاريحى مەن دەستٷرٸن وسى قالاعا سٸڭٸرۋ بولدى. قالاداعى داڭعىلدار مەن كٶشەلەرگە بەرٸلگەن تاماشا اتاۋلاردا دا اعامىزدىڭ قولتاڭباسى بار», - دەدٸ ەۋرازييا ۇلتتىق ۋنيۆەرسيتەتٸنٸڭ رەكتورى ەرلان سىدىقوۆ.
شاراعا سونداي-اق اكادەميك سەيٸت قاسقاباسوۆ, تەلەدراماتۋرگ سۇلتان ورازالين, ر.نۇرعاليدٸڭ شەكٸرتتەرٸ, ەۋرازييا ۇلتتىق ۋنيۆەرسيتەتٸنٸڭ ۇستازدارى مەن ستۋدەنتتەرٸ قاتىستى.
