بٷگٸن تۇرعىن ٷي قۇرىلىس جيناق بانكٸ "باقىتتى وتباسى" باعدارلاماسى بويىنشا باسپانالى بولعان ەلوردالىقتاردى قۇتتىقتادى. كٶپبالالى وتباسىلار جىلدىق مٶلشەرلەمەسٸ 2%-تٸك يپوتەكا العان. اي سايىنعى تٶلەم 80 مىڭ تەڭگەدەن اسپايدى.
مەملەكەتتٸك قىزمەتكەر 140 مىڭ تەڭگە جالاقىمەن قالاي ٷيلٸ بولدى
ەركٸنبەك ەبۋوۆ – كٶپبالالى ەكە, جۇبايىمەن تٶرت قىز تەربيەلەپ وتىر. بالالارىنىڭ ٷلكەنٸ 6-سىنىپتا وقىسا, كەنجەسٸ بيىل مەكتەپ تابالدىرىعىن اتتايدى ەكەن.
جامبىل وبلىسىنىڭ تۋماسى وتباسىمەن استاناعا 2011 جىلى قونىس اۋدارعان. سودان بەرٸ پەتەر جالداپ تۇرادى.
"ەڭ العاش كەلگەنٸمٸزدە جاتاقحانادا تۇردىق. كەيٸن قالا شەتٸندەگٸ "لەسنايا پوليانا" اۋدانىنا كٶشتٸك. سەبەبٸ, ول جاقتا ٷيدٸڭ ارەنداسى تٶمەن. سوڭعى كەزدەرٸ اعايىنداردىڭ ٷيٸن پانالادىق. تٶرت بالامەن پەتەر جالداۋ, ەرينە, وڭاي ەمەس. ٷيدٸڭ قوجايىنى تەلەفون سوعىپ, "پەتەردٸ ساتامىن, بٸر اپتا ٸشٸندە بوساتىڭدار" دەپ تە ايتقان كەزدەر بولدى. تٷرلٸ قيىنشىلىق كٶردٸك", - دەپ ەڭگٸمەسٸن باستادى ەلوردا تۇرعىنى.
42 جاستاعى ەبۋوۆ – مەملەكەتتٸك قىزمەتكەر. ۇلتتىق ەكونوميكا مينيسترلٸگٸ ستاتيستيكا كوميتەتٸندە باس ساراپشى بولىپ قىزمەت ەتەدٸ. جارى ۋنيۆەرسيتەتتە وقىتۋشى بولىپ ٸستەگەن, بٸراق قازٸر بالالارعا قاراپ, ٷيدە وتىر.
ەكٸمدٸكتە كەزەكتە تۇرعان كٶپبالالى وتباسى ارزان يپوتەكا جايلى جاڭالىقتاردان ەستٸگەن. ەش ويلانباستان, قاتىسۋعا بەل بۋىپتى.
"باقىتتى وتباسى" باعدارلاماسى تۋرالى ەستٸگەن بويدا, تۇرعىن ٷي قۇرىلىس جيناق بانكٸنە حابارلاستىم. ولار باعدارلامانىڭ شٸلدە ايىندا ٸسكە قوسىلاتىنىن ايتتى. سودان ايىنا ەكٸ رەت مەنەدجەرلەرگە تەلەفون سوعىپ, سۇراپ تۇردىم. 18 شٸلدەدە قۋانىشتى حابار دا كەلٸپ جەتتٸ. بٸردەن ٶتٸنٸش جازىپ, قاجەتتٸ قۇجاتتاردى جينادىق. ٶتٸنٸشٸمٸز ماقۇلدانعاننان كەيٸن, پەتەر ٸزدەۋگە كٸرٸستٸك ", - دەيدٸ ول.
"اتىنا زاتى ساي باعدارلاما"
ەبۋوۆتەر وتباسى باسپانانى ەلوردانىڭ سارىارقا اۋدانىنان تاپقان. ٷش بالاسى وسى اۋدانداعى مەكتەپتە وقيدى ەكەن, سوندىقتان تاڭداۋ دا وسى جەرگە تٷسكەن.
بٸر بٶلمەلٸ پەتەردٸڭ اۋماعى – 50 شارشى مەتر. قولدانىستاعى ٷي التى ايدان بەرٸ بوس تۇر ەكەن. قوجايىنى, باستاپقىدا, باسپانا ٷشٸن 15 ميلليون تەڭگە سۇراپتى. بٸراق, بانك وتباسىنىڭ كٸرٸسٸنە بايلانىستى تەك 14 ميلليون تەڭگە بٶلەتٸن بولعاندىقتان, جومارتتىق تانىتقان.
"مەنٸڭ جالاقىم – 140 مىڭ تەڭگە. بانك ايلىقتى ەسكەرە وتىرىپ, 14 ميلليون تەڭگە بٶلەتٸن بولدى. ٶز اتىمىزدان 10 پروتسەنت باستاپقى جارنانى سالدىق, ياعني 1 ميلليون 400 مىڭ تەڭگە. ەندٸ ون التى جىل بويى اي سايىن 74 600 تەڭگە تٶلەپ تۇرامىز. بىلاي قاراپ وتىرساڭ, بۇل كٶپ ەمەس. ٶيتكەنٸ دەل وسى سارىارقا اۋدانىندا بٸر بٶلمەلٸ پەتەردٸ شامامەن 100-110 مىڭ تەڭگەگە جالعا الاسىڭ. سول اقشانى بٸرەۋگە بەرگەنشە, ٶز ٷيٸڭە تٶلەگەن جاقسى ەمەس پە", - دەيدٸ ەبۋوۆ.
ايتۋىنشا, وتباسىلىق تابىستى ەسەپتەگەن كەزدە, كٶپبالالىلارعا بەرٸلەتٸن جەردەماقى ەسكەرٸلمەيدٸ.
"ٶتە تاماشا, اتىنا زاتى ساي باعدارلاما. سەبەبٸ ٶز كٷشٸمٸزبەن 14 ميلليون تەڭگە جيناي الماس ەدٸك. جٷرەكتٸ قۋانىش كەرنەپ تۇر", -دەيدٸ باسپانالى بولعان مەملەكەتتٸك قىزمەتكەر.
"ٶزٸڭدٸ اناعۇرلىم سەنٸمدٸرەك سەزٸنەسٸڭ"
نۇر-سۇلتان قالاسىنىڭ تۇرعىنى اققايىڭ سىزدىقوۆا دا قونىس تويىن اتاپ ٶتۋگە دايىندىق ٷستٸندە. يپوتەكالىق باعدارلاماعا كٶپبالالى وتباسى رەتٸندە قاتىسقان. جۇبايىمەن ەكٸ ۇل, ەگٸز قىز تەربيەلەپ وتىر.
"باقىتتى وتباسى" باعدارلاماسى تۋرالى تەلەديداردان ەستٸپ بٸلدٸك. كەيٸن تۇرعىن ٷي قۇرىلىس جيناق بانكٸنە حابارلاسىپ, كونسۋلتاتسييا الدىق. مەنەدجەرمەن اقىلداستىق, بٸزگە باعىت-باعدار بەردٸ. قۇجات جيناۋدى 17 شٸلدەدە باستادىق. سودان كەيٸن بانك تٶلەم قابٸلەتتٸگٸن تەكسەردٸ. كٶپ ۇزاماي "پەتەر ٸزدەڭٸز" دەدٸ. نەگٸزٸ, پەتەر ٸزدەۋگە ٷش اي ۋاقىت بەرەدٸ. الايدا مەن ۇزاق جٷرمەي, بٸر-ەكٸ اپتا ٸشٸندە تاۋىپ الدىم",- دەپ كٷلدٸ قۋانىشى قوينىنا سىيماعان جاس انا.
سىزدىقوۆا تٶرت بالاسىنا مەملەكەتتەن اي سايىن 10 مىڭ تەڭگە جەردەماقى الادى. ٶزٸ ەلورداداعى №1 مەكتەپ-ليتسەيدە حاتشى, جالاقىسى 50 مىڭ تەڭگە. كٷيەۋٸ جەكەمەنشٸك كومپانييادا جٷرگٸزۋشٸ بولىپ ٸستەيدٸ. ايلىعى 130 مىڭ تەڭگە.
"پەتەرٸمٸز ەكٸ بٶلمەلٸ, جٶندەلگەن. قولدانىستاعى تۇرعىن ٷيدەن الدىق. توعىزىنشى قاباتتا, ٸشٸ كەڭ, جايلى, اۋلاسى ٷلكەن. اۋماعى 50 شارشى مەتر. يپوتەكا ون التى جىلعا بەرٸلدٸ. ەندٸ اي سايىن 79 مىڭ تەڭگە تٶلەپ تۇرامىز", - دەيدٸ ول.
كٶپبالالى وتباسى باسپانانى 15 ميلليون تەڭگەگە ساتىپ العان. 1 ميلليون 500 مىڭ تەڭگە باستاپقى جارنانى ەرلٸ-زايىپتىنىڭ اتا-اناسى جيناپ بەرٸپتٸ.
"وسىعان دەيٸن اتا-ەنەمٸزدٸڭ ٷيٸندە تۇرىپ كەلدٸك. ەندٸ ٶز شاڭىراعىمىز بار. 2013 جىلدان بەرٸ ەكٸمدٸكتە باسپانا كەزەگٸندە تۇردىم. باستاپقىدا جالپى كەزەكتە 17 مىڭىنشى بولىپ تۇرعان ەدٸك. كەيٸن كٶپبالالى وتباسىلاردى بٶلەك كەزەككە شىعارىپ, ەكٸ مىڭىنشى بولدىم", - دەيدٸ استانالىق تۇرعىن.
سىزدىقوۆا باسپانالى بولۋ ەرەكشە سەزٸم ەكەنٸن ايتادى.
"ٶزٸمدٸ مٷلدەم باسقا ادام سەزٸنەمٸن. بۇرىنعىعا قاراعاندا, اناعۇرلىم سەنٸمدٸرەك سەزٸنەسٸڭ. بالالارىمىز ٷشٸن, ولاردىڭ بولاشاعى ٷشٸن تىرىسىپ جاتىرمىز. ٶزٸمٸزدٸڭ باسپانامىز بولعانىنا ٶتە قۋانىشتىمىن. تۇرعىن ٷي قۇرىلىس جيناق بانكٸنە كەرەمەت مٷمكٸندٸك ٷشٸن ريزامىن", - دەپ العىسىن بٸلدٸردٸ كٶپبالالى انا.
"باقىتتى وتباسى" باعدارلاماسى تۋرالى نە بٸلەمٸز?
"باقىتتى وتباسى" باعدارلاماسىنا كٶپبالالى, تولىق ەمەس جەنە مٷمكٸندٸگٸ شەكتەۋلٸ بالاسى بار وتباسىلار قاتىسا الادى.
10 پروتسەنتتٸك باستاپقى جارنا بولعان جاعدايدا, يپوتەكا جىلدىق 2%-پەن 20 جىلعا دەيٸنگٸ مەرزٸمگە بەرٸلەدٸ.
وتباسىنىڭ ەر مٷشەسٸنە شاققاندا بٸر ايلىق تابىستىڭ مٶلشەرٸ ەڭ تٶمەنگٸ جالاقى – 42 500 تەڭگەدەن اسپاۋى تيٸس. جەردەماقى كٸرٸس رەتٸندە سانالمايدى.
نۇر-سۇلتان, الماتى, شىمكەنت, اقتاۋ جەنە اتىراۋدا قارىزدىڭ ەڭ جوعارى سوماسى – 15 ميلليون تەڭگە. قالعان ٶڭٸرلەردە – 10 ميلليون تەڭگە.
