فوتو: اقوردا
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ قازاقستاندىقتاردى استانا كٷنٸمەن قۇتتىقتادى.
قۇرمەتتٸ وتانداستار!
استانا كٷنٸ قۇتتى بولسىن!
بيىل بۇل مەرەكە دومبىرا كٷنٸمەن تۇسپا-تۇس كەلٸپ وتىر. مۇنىڭ سيمۆولدىق مەنٸ زور. قازاقتىڭ قاسيەتتٸ قارا دومبىراسى ۇلى دالانىڭ مىڭجىلدىق بٸرەگەي مەدەني مۇراسىن ەيگٸلەيدٸ. ال ەلوردامىز قازاقستاننىڭ تۇراقتى ەرٸ قارقىندى ٶسٸپ-ٶركەندەۋٸن جەنە جاسامپاز ۇلتتىڭ جارقىن بولاشاققا ۇمتىلىسىن ايشىقتاي تٷسەدٸ.
بٷگٸندە استانا — ەلٸمٸزدٸڭ قوعامدىق, ساياسي جەنە ٸسكەرلٸك ورداسى. دەل وسى جەردە حالقىمىزدىڭ بولاشاعىنا قاتىستى ماڭىزدى شەشٸمدەر قابىلدانادى, وزىق يدەيالار ٸسكە اسىرىلىپ, بيٸك ماقساتتار ورىندالادى. مۇندا بٸلٸمپازدىق پەن ەڭبەكقورلىق قۇندىلىقتارى بەرٸك ورنىعىپ, جۇرتىمىزدىڭ ىنتىماعى مەن كەلٸسٸمٸ نىعايا بەرەدٸ.
استانا ورتالىق ەۋرازييانىڭ جاۋھارى, زاماناۋي قازاقستاننىڭ كەلبەتٸ سانالادى. حالىقارالىق قاۋىمداستىق باس قالامىزدى بٸتٸمگەرشٸلٸك باستامالاردى جٷزەگە اسىرىپ, جاھاندىق ديالوگ ورناتۋ ٸسٸندە ەرەكشە رٶل اتقاراتىن بەيبٸتشٸلٸك شاھارى رەتٸندە بٸلەدٸ.
ەلوردامىز ەردايىم تٷبەگەيلٸ ٶزگەرٸستەر مەن اۋقىمدى رەفورمالاردىڭ باستاۋىندا تۇرادى. الداعى ۋاقىتتا دا استانامىز ەدٸلەتتٸ, تازا جەنە قۋاتتى قازاقستاندى قۇرۋ جولىنداعى جالپىۇلتتىق جاڭعىرۋ جۇمىستارىنا ۇيىتقى بولا بەرەدٸ دەپ سەنەمٸن.
سٷيٸكتٸ قالامىز ٶركەندەپ, گٷلدەنە بەرسٸن!
بارشاڭىزعا زور دەنساۋلىق, باق-بەرەكە تٸلەيمٸن!
