قازاقستاندىق, ەلەمنٸڭ 47-راكەتكاسى يۋلييا پۋتينتسەۆا Astana Open WTA 250 تۋرنيرٸنٸڭ شيرەك فينالىنا شىقتى, دەپ حابارلايدى قازاقپارات.
جٷلدە قورى 235 مىڭ اقش دوللارىنان اساتىن جارىستىڭ 1-راكەتكاسى بولىپ تٸركەلگەن يۋ.پۋتينتسەۆا ەكٸنشٸ اينالىمدا دٷنيەجٷزٸلٸك رەيتينگتە 408-ورىندا تۇرعان بەلارۋس ٶكٸلٸ ۆەرا لاپكومەن كٷش سىناستى.
بٸرٸنشٸ پارتييادا قازاقستاندىق تەننيسشٸ 6:4 ەسەبٸمەن باسىم تٷستٸ.
ەكٸنشٸسٸندە دە دەل سونداي ەسەپپەن ماتچتى تٷيٸندەدٸ – 6.4.
ساعات جارىمعا سوزىلعان بەسەكە بارىسىندا يۋ.پۋتينتسەۆا 3 ەيس جاساپ, 9 برەيك-پوينتتىڭ ٷشەۋٸن پايدالاندى.
قارسىلاسى 3 ەيس, 1 (3 برەيك-پوينت) برەيكتەن اسا المادى.
يۋ.پۋتينتسەۆا جارتىلاي فينالعا شىعۋ ٷشٸن دٷنيەجٷزٸلٸك رەيتينگتە 160-ورىندا تۇرعان 21 جاستاعى رەسەيلٸك اناستاسييا گاسانوۆامەن تالاسادى.
ول تارتىستى ماتچتا ەلەمنٸڭ 77-راكەتكاسى, حورۆاتييالىق انا كونيۋحتان ايلاسىن اسىرىپ كەتتٸ – 2:6, 7:6 (7:4), 6:2.
