28 مامىردا نۇر-سۇلتان قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا "استانا LRT" جوباسى بويىنشا ايىپتالعاندارعا ٷكٸم وقىلدى.
بٷگٸنگٸ سوتتا Astana LRT جوباسىن ٸسكە اسىرۋ كەزٸندە 5,8 ملرد تەڭگەنٸ تالان-تاراجعا سالدى دەگەن كٷدٸكپەن بٸرنەشە لاۋازىمدى تۇلعانىڭ ٸسٸ قارالدى.
ولار - قالالىق جولاۋشىلار كٶلٸگٸ جەنە اۆتوموبيل جولدارى باسقارماسىنىڭ ەكس باسشىسى - ر.م. امانجولوۆ, «MG-Pro» ديرەكتورى - د.س. ەبدٸحاميتوۆ, «Nur Trade Astana» جشس ديرەكتورى - ۋ.ي. اچيلوۆ, «گەوبۋر» عىلىمي-ٶندٸرٸستٸك فيرماسىنىڭ ديرەكتورى - ت.ن. قاساباەۆ, قالالىق قارجى باسقارماسىنىڭ بۇرىنعى باسشىسى - ج.گ. نۇرپەيٸسوۆ, «استانا يننوۆەيشن» اق باسقارما تٶراعاسى - ت.س. ەشٸم, «Rimteks» جشس ديرەكتورى - د.ب. مٷسەنوۆ.
پروكۋرور سوتتالۋشىلارعا 7-دەن 11 جىلعا دەيٸن باس بوستاندىعىنان ايىرۋ جازاسىن تاعايىنداۋدى سۇرادى. ال, جەبٸرلەنۋشٸ تاراپ پروكۋرورمەن كەلٸستٸ.
قورعاۋشى تاراپ سوتتالۋشىلار مٷسەنوۆ پەن ەشٸمدٸ اقتاپ, باس بوستاندىعىنان ايىرۋمەن بايلانىسى جوق جازا تاعايىنداۋدى سۇرادى.
سوت ەر سوتتالۋشىنىڭ قىلمىس جاساۋداعى رٶلٸ مەن قاتىسۋ دەرەجەسٸن جەنە كەلگەن زالال - 5,8 ميلليارد تەڭگەنٸڭ 45 ميلليون تەڭگەسٸ عانا ٶتەلگەنٸن ەسكەردٸ.
سوت ٷكٸمٸ بويىنشا:
- نۇر-سۇلتان قالاسىنىڭ جولاۋشىلار كٶلٸگٸ جەنە اۆتوموبيل جولدارى باسقارماسىنىڭ بۇرىنعى جەتەكشٸسٸ راشيد امانجولوۆ 10 جىلعا باس بوستاندىعىنان ايىرىلدى. وعان مەملەكەتتٸك قىزمەتپەن اينالىسۋىنا تىيىم سالىندى. قاۋٸپسٸزدٸگٸ جوعارى مەكەمەدە (قاتاڭ رەجيمدەگٸ كولونييادا) جازاسىن ٶتەيدٸ;
- نۇر-سۇلتان قالالىق مەسليحاتىنىڭ حاتشىسى, بۇرىنعى دەپۋتات جانات نۇرپەيٸسوۆ 8 جىلعا باس بوستاندىعىنان ايىرىلدى. بەس جىل مەملەكەتتٸك قىزمەتپەن اينالىسۋىنا تىيىم سالىندى. قاۋٸپسٸزدٸگٸ ورتاشا مەكەمەدە جازاسىن ٶتەيدٸ. "قۇرمەت", "پاراسات" وردەنٸنەن ايىرىلدى;
- Astana Innovations كومپانيياسى باسقارماسىنىڭ بۇرىنعى تٶراعاسى تالعات ەشٸمگە 7 جىل تٷرمە جازاسى بەرٸلدٸ;
- ەنشٸلەس كومپانييا ٶكٸلٸ ۇلىقبەك اچيلوۆ 8 جىلعا باس بوستاندىعىنان ايىرىلدى. قاۋٸپسٸزدٸگٸ ورتاشا مەكەمەدە جازاسىن ٶتەيدٸ. ول 642 مىڭ تەڭگە مەملەكەتكە تٶلەۋگە مٸندەتتەلدٸ;
- ەنشٸلەس كومپانييا ٶكٸلٸ تيمۋر قاساباەۆ 8 جىلعا باس بوستاندىعىنان ايىرىلدى. قاۋٸپسٸزدٸگٸ ورتاشا مەكەمەدە جازاسىن ٶتەيدٸ. سوت ونى مەملەكەتكە 574 مىڭ تەڭگە تٶلەۋگە مٸندەتتەلدٸ;
- ەنشٸلەس كومپانييا ٶكٸلٸ دۋلات مٷسەنوۆ 7 جىلعا باس بوستاندىعىنان ايىرىلدى. ول مەملەكەت قازىناسىنا 649 مىڭ تەڭگە تٶلەۋٸ تيٸس;
- ەنشٸلەس كومپانييا ٶكٸلٸ دەۋرەن ەبدٸحاميتوۆ 8 جىلعا باس بوستاندىعىنان ايىرىلدى. ول مەملەكەتكە 15 ملن تەڭگە تٶلەۋگە مٸندەتتەلدٸ. قاۋٸپسٸزدٸگٸ ورتاشا مەكەمەدە جازاسىن ٶتەيدٸ.
سونداي-اق, سوتتالۋشىلار مەن ازاماتتىق جاۋاپكەرلەردەن شىعىن سوماسى 5 833 300 827 تەڭگە ٶندٸرٸپ الىنادى.
سوت ٷكٸمٸ كٷشٸنە ەنگەن جوق, ەكٸ تاراپتىڭ اپەللياتسييالىق شاعىم تٷسٸرۋگە مٷمكٸندٸگٸ بار. ايىپتالۋشىلارعا "ۇيىمداسقان توپ قۇرۋ جەنە وعان جەتەكشٸلٸك ەتۋ" جەنە "ٶزٸنە سەنٸپ تاپسىرىلعان مٷلٸكتٸ يەمدەنۋ جەنە جۇمساۋ" باپتارى بويىنشا ايىپتار تاعىلعان ەدٸ.
جۇما كٷنٸ سوت ٷكٸمٸنەن كەيٸن راشيد امانجولوۆ "كٸنەسٸزدٸگٸمدٸ سوت پروتسەستەرٸ كەزٸندە دەلەلدەدٸم. ٷكٸمەتتٸڭ تاپسىرماسىن عانا ورىندادىم. دەمەك ٷكٸمەت ماعان زاڭسىز تاپسىرما بەردٸ مە?" دەپ ٷكٸمگە قارسىلىق بٸلدٸردٸ. قالعان سوتتالۋشىلار دا ايىپتاۋ اكتٸسٸ مەن سوت ٷكٸمٸ اراسىندا ايىرماشىلىق جوعىن العا تارتىپ, نارازى بولدى.
"ەلدەگٸ ٸرٸ جەمقورلىقتىڭ كٶرٸنٸسٸ" دەپ اتالعان ٸس بويىنشا سوت پروتسەسٸ بىلتىر كٷزدە قارالا باستاعان ەدٸ. بيىل سەۋٸر ايىندا ٸس اياقتالۋعا جاقىن قالعاندا بٸرقاتار جايتتاردى انىقتاۋ ٷشٸن قايتا سوزىلدى.
وسىعان دەيٸن ٸستٸ تەرگەگەن جەمقورلىقپەن كٷرەس ٸس-قيمىل اگەنتتٸگٸ "اقشا جىمقىرۋ سحەماسىن نۇر-سۇلتان قالاسى ەكٸمٸنٸڭ بۇرىنعى ورىنباسارى قانات سۇلتانبەكوۆ, "استانا LRT" كومپانيياسىنىڭ بۇرىنعى باسشىسى تالعات اردان ۇيىمداستىرعان" دەپ مەلٸمدەگەن ەدٸ. ولارعا حالىقارالىق ٸزدەۋ جارييالانعان.
تەرگەۋ ورگاندارىنىڭ مەلٸمەتٸنشە, شەنەۋنٸكتەر كەسٸپكەرلەرمەن بٸرگە جوبا قۇنىن جاساندى تٷردە قىمباتتاتىپ, جالعان كەسٸپورىنداردىڭ كٶمەگٸمەن ميلليارد تەڭگەنٸ قاعاز اقشاعا اينالدىرعان.
LRT جوباسىنىڭ تيٸمدٸلٸگٸ جايلى مەسەلە قىتايدان ينۆەستيتسييا تارتىلىپ, قۇرىلىسى باستالعان سەتتەن (2017 جىل) بەرٸ جيٸ ايتىلىپ كەلەدٸ. قازاقستانداعى العاشقى جەڭٸل رەلستٸ ترانسپورت جٷيەسٸ استانانىڭ سول جاعالاۋىنان ەۋەجاي جەنە تەمٸر جول ۆوكزالىنا دەيٸن جولاۋشىلار تاسىمالداۋى تيٸس بولعان.
2019 جىلى جازدا پرەمەر-مينيستردٸڭ بٸرٸنشٸ ورىنباسارى, قارجى مينيسترٸ ەليحان سمايلوۆ LRT جوباسىن جٷزەگە اسىرۋ ٷشٸن قازاقستاننىڭ قىتايدىڭ دامۋ مەملەكەتتٸك بانكٸنەن 1,5 ملرد دوللار كٶلەمٸندە قارىز العانىن حابارلاعان, ونىڭ 344 ملن دوللارى قۇرىلىسقا جاراتىلىپ قويعان.
بٸراق قىتاي بانكٸ مەردٸگەرلەرگە قاتىسى بار پروبلەماعا بايلانىستى قارجىلاندىرۋدى توقتاتىپ, اقىرى ٷكٸمەت قۇرىلىستى اياقتاۋ ٷشٸن قارجى بٶلەتٸنٸن ايتقان.
پرەزيدەنت قاسىم-جومارت توقاەۆ 2019 جىلى كٷزدە جوبانى اشىق سىناپ, "داۋلى جوبا" دەپ اتاعان.
دەگەنمەن استانا بيلٸگٸ كەيٸنٸرەك LRT قۇرىلىسىن جالعاستىرا بەرەتٸنٸن حابارلادى. ستانتسييالار مەن جەراستى جاياۋ جٷرگٸنشٸلەر ٶتكەلٸ قىسقارادى.
قازتاگ-تىڭ جازۋىنشا, "استانا LRT" جشس جەمقورلىق داۋىنان كەيٸن City Transportation Systems (CTS) بولىپ ٶزگەرتٸلگەن.
