تۇرعىن ٷيلەر مەن قوعامدىق ورىنداردا بەينەلەنگەن مۋرالدار ەلوردانىڭ كەلبەتٸن اشىپ, جارقىن بوياۋلارمەن, تٷرلٸ كومپوزيتسييالارمەن كٶرٸك بەرٸپ تۇر. نۇر-سۇلتان كٶشەلەرٸندەگٸ ارت-ٶنەر گالەرەياسى قازاقستاندىق جەنە شەتەلدٸك سۋرەتشٸلەردٸڭ تۋىندىلارىنا اسا باي. قالاداعى ەرەكشە مۋرالدارعا ەلوردا ەكٸمدٸگٸنٸڭ رەسمي سايتى شولۋ جاساعان, دەپ حابارلايدى "ۇلت اقپارات".
«عارىش ورتاسى» مۋرالى - وسى جازدا قابانباي باتىر داڭعىلىنداعى دٶڭگەلەك الاڭنىڭ كٶپٸر استىنداعى اۋماعىندا پايدا بولدى. جۇمباق عالام, زەرتتەلمەگەن پلانەتالار مەن عارىشتىق دەنەلەر بۇل جەرگە ەرەكشە اتموسفەرا سىيلايدى.
قازاقتىڭ ۇلى اقىنى ابايدىڭ پورترەتٸ اباي داڭعىلىندا ورنالاسقان كٶپقاباتتى ٷيدٸڭ سەنٸن كەلتٸرٸپ تۇر. بۇل جۇمىس اقىننىڭ 175 جىلدىعىنا وراي بايقوڭىر ەكٸمدٸگٸنٸڭ قولداۋىمەن سالىندى.
كوروناۆيرۋسپەن كٷرەستە الدىڭعى شەپتە جٷرگەن مەديتسينا قىزمەتكەرلەرٸنە ارنالعان «بٸز بٸرگەمٸز» مۋرالى. كومپوزيتسييا سارىارقا جەنە جانگەلدين كٶشەلەرٸنٸڭ قيىلىسىنداعى كٶپقاباتتى ٷيدٸڭ قابىرعاسىندا بەينەلەنگەن.
ەلورداداعى تۇرعىن ٷيلەردٸڭ بٸرٸندە ورىندالعان «يلليۋستراتسييا» كەيٸپكەرلەر گالەرەياسىن سۋرەتشٸ الەكساندرا كالاچەۆا 2018 جىلى Urban Fest Astana اياسىندا سالعان. سۋرەتتەردە قالا تۇرعىندارىنىڭ كٷندەلٸكتٸ ٶمٸرٸ بەينەلەنگەن.
ەزەربايجاندىق سۋرەتشٸ سامير سالاحوۆتىڭ «دالاداعى تٷس» ستريت-ارتىندا(مولداعۇلوۆا كٶشەسٸندەگٸ ٷيدە) بارىس پەن اقبٶكەن بەينەلەنگەن.
ەسەنبەرلين كٶشەسٸندەگٸ ٷيدە Zmogk-تىڭ «تاريح» مۋرالى ورنالاسقان. بۇل مۋرالدىڭ جارقىن تٷستەرٸ كٶز تارتادى. سۋرەتتە تاريحي وقيعالاردى قاعازعا تٷسٸرٸپ وتىرعان قىزدى كٶرۋگە بولادى.
ەۆگەنيي Ches-تٸڭ «تابيعات تاقىرىبىنداعى كوللاجى» بەتون ٷيلەر, شىنى عيماراتتارمەن استاسقان قالالىق كٶرٸنٸسكە تابيعات موتيۆتەرٸن ارالاستىرادى.
