اقمولا وبلىسىنىڭ قوسشى قالاسىندا ٷش جاڭا مەكتەپ سالىنىپ جاتىر. بٸلٸم سالاسىنا جاۋاپتى جەرگٸلٸكتٸ مامانداردىڭ ايتۋىنشا, وسىنىڭ ارقاسىندا 2023 جىلى 3 اۋىسىممەن بٸلٸم بەرەتٸن نىسانداردىڭ پروبلەماسى شەشٸلەدٸ, دەپ حابارلايدى قازاقپارات.
ەلەۋمەتتٸك جەلٸدە اۋىسىم كەزٸندە مەكتەپكە بالالار سىيماي قالاتىنى تۋرالى ۆيدەو تاراعان بولاتىن. سالاعا جاۋاپتى تسەلينوگراد اۋدانى بٸلٸم بٶلٸمٸنٸڭ ماماندارى وسى جاعدايعا قاتىستى تٷسٸنٸكتەمە بەردٸ.
«قالا بويىنشا ەرقايسى 1200 ورىندىق ٷش مەكتەپ سالىنىپ جاتىر. ولاردىڭ بٸرەۋٸ بيىل جەلتوقساندا سالىنىپ بٸتەدٸ دەپ جوسپارلانۋدا. ەكٸنشٸسٸ «قوسشى-2»-دە, ياعني «لەسنايا پوليانادا» كەلەسٸ جىلى تامىز-قىركٷيەك ايلارىندا دايىن بولادى. ال ٷشٸنشٸ مەكتەپ 2023 جىلى اياقتالادى. سوندا قالانىڭ دامۋ جوسپارى بويىنشا 2023 جىلى قازٸرگٸنٸڭ ٷستٸنە 3600 جاڭا ورىن اشىلادى», - دەيدٸ تسەلينوگراد اۋداندىق بٸلٸم بٶلٸمٸ ەدٸستەمەلٸك كابينەتٸنٸڭ مەڭگەرۋشٸسٸ مايرا بايبولاتوۆا.
ماماننىڭ ايتۋىنا قاراعاندا, Instagram-دا تاراعان ۆيدەودا ەكٸ اۋىسىم وقۋشىلارىنىڭ قاربالاسى تٷسٸپ قالعان.
«جوعارىداعى ۆيدەوعا كەلسەك, ول №1 مەكتەپتە تٷسٸرٸلگەنٸ مەلٸم. بۇل مەكتەپتە جالپى ەكٸ عيمارات بولسا, بٸرٸنشٸسٸ 436 ورىنعا, ەكٸنشٸسٸ 850 ورىنعا شاقتالعان. جيىنى 2347 بالا ٷش اۋىسىممەن بٸلٸم الادى. وسىنداي بالالار اۋىسىمى كەزٸندە قاربالاس بولعان», - دەپ جاۋاپ بەردٸ.
ەسكە سالا كەتەيٸك, قوسشىداعى №2 مەكتەپتٸڭ بٸرٸنشٸ سىنىبىنا بيىل 635 بالا كەلگەن. مۇندا قونىستانۋشى تۇرعىندار سانى جىلدان جىلعا ارتىپ كەلەدٸ. سول سەبەپتٸ قوسشىعا بيىل وبلىستىق دەڭگەيدەگٸ ماڭىزى بار قالا ستاتۋسى بەرٸلگەن بولاتىن.
