ەلوردانىڭ كٶپتەگەن بالاباقشاسى مەملەكەتتٸك ساتىپ الۋ پروتسەدۋرالارىن زاڭ بۇزۋشىلىققا جول بەرە وتىرىپ ٶتكٸزگەن. بۇل تۋرالى قر قارجى مينيسترلٸگٸ ٸشكٸ اۋديت كوميتەتٸنەن مەلٸم ەتتٸ, دەپ حابارلايدى "ۇلت اقپارات".
تەكسەرۋ مەملەكەتتٸك ساتىپ الۋدىڭ ۆەب-پورتالىندا ٶتكٸزٸلگەن. وندا مەكتەپكە دەيٸنگٸ ۇيىمداردا, جەتٸم بالالار مەن اتا-انا قامقورلىعىنسىز قالعان بالالارعا ارنالعان بٸلٸم بەرۋ ۇيىمدارىندا تەربيەلەنەتٸن جەنە بٸلٸم الاتىن بالالاردى تاماقتاندىرۋدى قامتاماسىز ەتۋمەن بايلانىستى تاۋارلاردى ساتىپ الۋ پروتسەدۋرالارى نازارعا الىندى.
انىقتالعانداي, نۇر-سۇلتان قالاسىنىڭ مەكتەپكە دەيٸنگٸ مەكەمەلەرٸ بيىلعى بٸرٸنشٸ توقساندا بالاباقشا تەربيەلەنۋشٸلەرٸ ٷشٸن ازىق-تٷلٸك ساتىپ الۋ رەسٸمدەرٸن كٶپتەگەن بۇزۋشىلىقتارمەن ٶتكٸزگەن. مۇنى نۇر-سۇلتان قالاسى بويىنشا ٸشكٸ مەملەكەتتٸك اۋديت دەپارتامەنتٸنە ساتىپ الۋعا قاتىسقان جەكە جەنە زاڭدى تۇلعالاردان كەلٸپ تٷسكەن كٶپتەگەن ارىز راستايدى.
«جٷرگٸزٸلگەن اۋديتورلىق ٸس-شارالار بارىسىندا مەكتەپكە دەيٸنگٸ كٶپتەگەن مەكەمەدە تاۋار جەتكٸزۋشٸنٸ تاڭداۋ كريتەرييلەرٸن ەسەپتەۋ بٶلٸگٸندە بٸردەي بۇزۋشىلىقتارعا جول بەرٸلگەن. بۇل تيٸسٸنشە ساتىپ الۋ قورىتىندىسىنا ەسەر ەتتٸ.
اۋديت وبەكتٸلەرٸنٸڭ مەكەنجايىنا انىقتالعان بۇزۋشىلىقتاردى جويۋ جەنە ولارعا جول بەرگەن تۇلعالاردىڭ جاۋاپكەرشٸلٸگٸن قاراۋ تۋرالى نۇسقامالار جٸبەرٸلدٸ», - دەلٸنگەن ۆەدومستۆو مەلٸمەتٸندە.
