ەدٸلەت مينيسترٸ مارات بەكەتاەۆ استانا اتاۋىن ٶزگەرتۋ تۋرالى شەشٸم نەگە رەفەرەندۋمسىز قابىلدانعانىن تٷسٸندٸرٸپ, قۇجاتتار مەن ماڭدايشا جازبالاردىڭ قاشان اۋىساتىنى تۋرالى ايتتى, دەپ حابارلايدى Sputnik اگەنتتٸگٸ.
"رەفەرەندۋمعا شىعارۋدى ۇسىندىق"
بەكەتاەۆتىڭ سٶزٸنە سٷيەنسەك, قازاقستان كونستيتۋتسيياسىنىڭ 91-بابىنا سەيكەس, ەلدٸڭ اتا زاڭىنا ٶزگەرتۋلەر مەن تولىقتىرۋلار رەسپۋبليكالىق رەفەرەندۋم ارقىلى ەنگٸزٸلەدٸ. ال رەفەرەندۋم پرەزيدەنتتٸڭ ٶز شەشٸمٸمەن نەمەسە پارلامەنت پەن ٷكٸمەتتٸڭ ۇسىنىسى بويىنشا جٷرگٸزٸلەدٸ.
بٸراق كونستيتۋتسيياعا ٶزگەرتۋلەر مەن تولىقتىرۋلار ەنگٸزۋ تۋرالى زاڭ جوباسى, پرەزيدەنت پارلامەنتتٸڭ قاراۋىنا جٸبەرۋگە شەشٸم قابىلداسا, رەسپۋبليكالىق رەفەرەندۋمعا جٸبەرٸلمەۋٸ مٷمكٸن.
"شىندىعىندا, 48-باپ پرەزيدەنتتٸڭ كونستيتۋتسيياعا ٶزگەرتۋ ەنگٸزۋگە باستاماشى بولۋ قۇقىعىن شەكتەيدٸ, سەبەبٸ ول سايلانعان پرەزيدەنت ەمەس, ۋاقىتشا مٸندەتٸن اتقارۋشى. بۇل ونىڭ قۇقىعىن شەكتەيدٸ. بٸراق كونستيتۋتسييا بۇزىلعان جوق, سەبەبٸ باستامانى 91-شٸ باپقا سەيكەس ٷكٸمەت كٶتەرٸپ وتىر. بٸز زاڭ جوباسىن رەفەرەندۋمدا قاراۋ تۋرالى قاۋلىعا داۋىس بەردٸك. پرەزيدەنت كەلٸسپەدٸ دە, زاڭ جوباسىن پارلامەنتكە جٸبەردٸ. سەبەبٸ بۇل زاڭ جوباسىن رەفەرەندۋمدا دا, پارلامەنتتە دە كونستيتۋتسييادا بەكٸتٸلگەن نورمالاردى ساقتاي وتىرىپ قاراۋعا بولادى", - دەپ اتاپ ٶتتٸ مينيستر.
استانا قاشان نۇرسۇلتان بولادى?
تٸلشٸلەردٸڭ استانا بٷگٸننەن باستاپ نۇرسۇلتان بولىپ ٶزگەرە مە دەگەن سۇراعىنا مينيستر بىلاي دەپ جاۋاپ بەردٸ: "يە, بٷگٸننەن باستاپ".
نۇرسۇلتان تۇرعىندارى قاشان قۇجاتتارىن اۋىستىرادى?
ەدٸلەت مينيسترٸ مەلٸمدەگەندەي, تۇرعىندار قۇجاتتارىن جارامدىلىق مەرزٸمٸ بٸتكەننەن كەيٸن اۋىستىراتىن بولادى. ال مەكەنجايلارى اۆتوماتتى تٷردە ٶزگەرەدٸ.
بەكەتاەۆتىڭ سٶزٸنە سٷيەنسەك, كٶشەدەگٸ سٸلتەمەلەر مەن ماڭدايشالار ٶز ۋاقىتىمەن بٸرتٸندەپ ايىرباستالادى.
"تاريحتا كٶپتەگەن قالانىڭ اتاۋى ٶزگەردٸ, بٸر تٷندە بارلىق اتاۋ مەن ماڭدايشانى اۋىستىرىپ جٸبەرەمٸز دەۋگە كەلمەيدٸ. بٸرتٸندەپ بەرٸ ٶزگەرەتٸن بولادى", - دەپ تٷسٸندٸردٸ ول.
