فوتو: گازەتا.رۋ
1 تامىزدا استانا ارەنادا دجەننيفەر لوپەستٸڭ العاشقى جەكە ٸرٸ كونتسەرتٸ الدىندا ۇيىمداستىرۋشىلار كٶرەرمەندەرگە ەسكەرتۋ جاسادى, دەپ حابارلايدى Ult.kz.
25 مىڭعا جۋىق ادام جينالاتىن شارا كەزٸندە ستاديوننىڭ ٶتكٸزۋ قابٸلەتٸ شەكتەۋلٸ بولاتىنىن ەسكەرتكەن ولار, ەرتەرەك كەلۋدٸڭ ماڭىزىن اتاپ ٶتتٸ.
كونتسەرتكە كٸرەتٸن ەسٸكتەر ساعات 16:30-دا اشىلادى. ال كونتسەرت 19:00-دە باستالادى.
«بارلىق 25 000 كٶرەرمەن 19:00-دە كەلسە, ارەنانىڭ ٶتكٸزۋ مٷمكٸندٸگٸ شەكتەۋلٸ بولىپ قالاتىنىن ەسكەرگەن جٶن. سوندىقتان ەسٸكتەر 16:30-دان اشىق بولادى. ەر كٶرەرمەندٸ ٶتكٸزۋگە ۋاقىت كەتەتٸنٸ ەسكەرٸلٸپ, كٸرۋ پروتسەسٸ كەمٸندە 3 ساعاتقا سوزىلۋى مٷمكٸن», – دەپ جازدى "استانا كونتسەرت" پروديۋسەرٸ مەلٸك حاسەنوۆ.
سول سەبەپتٸ كونتسەرتكە ەرتەرەك كەلٸپ, كەزەك پەن كٸرۋ بارىسىندا ۋاقىت جوعالتپاۋعا كەڭەس بەرٸلەدٸ.
دجەننيفەر لوپەستٸڭ كونتسەرتٸ ٶتۋٸنە بايلانىستى استانادا جول قوزعالىسى شەكتەلەتٸنٸن دە ۇمىتپاعان جٶن.
ەسكە سالا كەتەيٸك, دجەننيفەر لوپەستٸڭ الماتىداعى كونتسەرتٸنە ەلەمنٸڭ 29 ەلٸنەن كٶرەرمەندەر كەلەدٸ.
