كٷشەيتٸلگەن كارانتين كەزٸندە الماتىلىقتار ناۋرىز مەركەسٸنە وراي ەرەكشە قۇتتىقتاۋ الدى. ۇشقىشسىز ۇشۋ اپپاراتىنىڭ كٶمەگٸمەن جارىق شوۋى ۇيىمداستىرىلدى. مەگاپوليستٸڭ كەشكٸ اسپانىندا گٷل, قازاقستان كارتاسى مەن شاڭىراق پايدا بولدى, دەپ حابارلايدى قازاقپارات.
22 ناۋرىزدا رەسپۋبليكا سارايىنىڭ الدىنان 300 درون ۇشىرىلدى. الماتىلىقتار تٷنگٸ اسپاننان: «الماتى سٸزدەرمەن بٸرگە», «ناۋرىز مەرەكەسٸ قۇتتى بولسىن», «كاك تەبە تاكوە, يلون ماسك», دەگەن جازۋدى, سونداي-اق شاڭىراق, قازاقستان كارتاسى مەن گٷلدٸ تاماشالادى.
تۇرعىندار ەرەكشە كٶرٸنٸستٸ ۆيدەوعا تٷسٸرٸپ, ەلەۋمەتتٸك جەلٸلەردە بٶلٸستٸ.
شوۋ ۇيىمداستىرۋشىلاردىڭ ايتۋىنشا, بۇل قازاقستانداعى العاشقى دروندار شوۋى.
«بٸز قازاقستاندىقتاردى ناۋرىز مەيرامىمەن قۇتتىقتاعىمىز كەلدٸ, بٸراق پاندەمييا مەن لوكداۋن جاعدايىندا ونى جٷزەگە اسىرۋ وڭاي بولعان جوق. سوندىقتان تٷنگٸ اسپاندا جارىق شوۋىن ۇيىمداستىرۋ يدەياسى كەلدٸ. بٸز بۇل شوۋ ارقىلى الماتىلىقتارعا توسىنسىي جاساعىمىز كەلگەن. الايدا, بٸزدٸڭ دايىندىق جۇمىستارىمىزدى بٸرەۋلەر ۆيدەوعا تٷسٸرٸپ, ەلەۋمەتتٸك جەلٸدە تاراتىپ جٸبەرٸپتٸ. سوندىقتان قالا تۇرعىندارى بۇل شوۋدى تاعاتسىزدانا كٷتتٸ. بٸزدٸڭ ماقساتىمىز - قازاقستان حالقىن تاڭعالدىرىپ, قۋانتۋ بولدى. پاندەمييانىڭ بارلىق قيىندىقتارىنا قاراماستان, بٸز بٸرگەمٸز. يدەياعا سەنٸپ, جوبانى قولداعانى ٷشٸن الماتى ەكٸمدٸگٸنە العىسىمىزدى بٸلدٸرەمٸز», - دەدٸ قازاقستانداعى ۇيالى بايلانىس وپەراتورىنىڭ ماركەتينگ جٶنٸندەگٸ ديرەكتورى ماكسيم تسۆىكوۆ.
