«قازاق تيتان» لاقاپ اتىمەن تانىمال الماتىلىق المات جۇمانوۆ 24,5 توننالىق ەسكەري ۇشاقتى سٷيرەپ, قازاقستاننىڭ رەكوردتار كٸتابىنا ەندٸ, دەپ حابارلايدى قازاقپارات.
قازاقستان رەكوردتار كٸتابى تٸركەۋ دەپارتامەنتٸنٸڭ ديرەكتورى باقىتجان تاستٷلەكوۆ المات جۇمانوۆتىڭ نەتيجەسٸن رەسمي تٷردە تٸركەپ, ەسەپكە الىپ, سەرتيفيكاتىن تابىس ەتتٸ.
«بٷگٸن المات كەزەكتٸ رەكوردىن جاسادى. بۇدان بۇرىن ناۋرىز مەيرامىندا وسى ۇشاقتى 6 مەترگە تارتقان ەكەن. سونى قايتالايمىن دەپ, بٸزدٸ شاقىرىپ ەدٸ. بٸراق, 6 مەترگە تارتا المادى. دەگەنمەن, بۇل - قازاقستاندا العاش رەت بولىپ تۇر. سوندىقتان, بٸز ونى رەكورد دەپ ەسەپتەيمٸز جەنە تٸركەيمٸز», - دەدٸ ول.
«ناۋرىز مەرەكەسٸ قارساڭىندا وسى ۇشاقتى 6 مەترگە تارتىپ, جاڭا رەكورد جاساعان بولاتىنمىن. بٷگٸن ٶكٸنٸشكە وراي, بٸر مەترگە عانا تارتا الدىم. سەبەبٸ, بٷگٸن بٸراز جەل سوعىپ تۇردى جەنە كٸشٸگٸرٸم جاراقاتتارىم بار. سول ٷشٸن ٶزٸمدٸ قاتتى قيناعىم كەلگەن جوق. جالپى, بۇل - مەنٸڭ ٷشٸنشٸ رەكوردىم», - دەدٸ المات جۇمانوۆ.
المات جۇمانوۆتىڭ جاسى 24-تە. ول بۇعان دەيٸن دە قازاقستان رەكوردتار كٸتابىنا ەنگەن. اتاپ ايتقاندا, 109 توننالىق پويىز ۆاگونىن 8,5 مەترگە سٷيرەگەن. ودان كەيٸن 300 كەلٸلٸك تٷيەنٸ يىعىنا ارتىپ, بٸر-بٸرٸنە جالعانعان ٷش كٶلٸكتٸ بەلٸنە ارقانمەن بايلاپ, بەرٸن قوسىپ 13 مەترگە قوزعالتادى.
سونداي-اق, ول الداعى ۋاقىتتا ەلەمدٸك دەڭگەيدە رەكورد جاسايتىنىن ايتتى.
«مامىر ايىندا 300 توننالىق پويىزدى تارتقالى جٷرمٸن. ونى ورىنداسام, ەلەمدٸك رەكورد جاسايمىن. سەبەبٸ, ونى ەلٸ ەشكٸم جاساعان جوق. ٶزٸم نەگٸزٸ فيتنەس ترەنەرمٸن. جالپى, بۇلشىق ەتتەرگە جاتتىعۋ جاسايمىن. ماقساتىم - شەتەلگە قازاقستاندا وسىنداي مىقتى جٸگٸتتەر بار ەكەنٸن كٶرسەتۋ. ەلٸمٸزدٸڭ اتىن شىعارۋ», - دەدٸ قارا كٷشتٸڭ يەسٸ.
ايتا كەتسەك, قازاقستان رەكوردتار كٸتابىنا 2,5 مىڭنان استام رەكورد ەنگەن.
«جىلىنا 30-40 رەكورد تٸركەلەدٸ. بٸراق, ونىڭ بەرٸ كٸتاپقا كٸرمەيدٸ. سەبەبٸ, جاڭا رەكورد جاسالعان سوڭ, بٸراز ۋاقىتتان كەيٸن باسقا بٸرەۋ ونى باسىپ وزۋى مٷمكٸن. سوندىقتان, بٸزدٸڭ كٸتاپقا تەك ەڭ ٷزدٸك, ەڭ مىقتى ادامداردىڭ ەسٸمدەرٸ جازىلادى. جالپى, ەلەمدٸك گيننەسس رەكوردتار كٸتابىنا قازاقستاندىق 20-دان استام ادام ەنگەن», - دەدٸ باقىتجان تاستٷلەكوۆ.
