تاتۋلىق, بٸرلٸك – بٸزدٸڭ باستى بايلىعىمىز. قازاقستان حالقىنىڭ بٸرلٸگٸ كٷنٸنە وراي قر ۇلتتىق ۇلانى «باتىس» ٶڭٸرلٸك قولباسشىلىعىنا قاراستى 5517-ەسكەري بٶلٸمٸنٸڭ تەربيە جەنە ەلەۋمەتتٸك-قۇقىقتىق جۇمىس بٶلٸمٸنٸڭ اعا وفيتسەرٸ, مايور رومان ابدراحمانوۆ وي-تولعامىن وسىلاي بٸلدٸردٸ, دەپ حابارلايدى قازاقپارات.
ونىڭ ايتۋىنشا, ۇلتى – تاتار, ٶزٸن قازاق ەلٸنٸڭ پاتريوتى دەپ ەسەپتەيدٸ.
«سەبەبٸ بٸزدٸڭ ورتاق ٷيٸمٸز – بيىل تەۋەلسٸزدٸك العانىنا 30 جىل تولاتىن قازاقستان. ەلٸمٸزدەگٸ قول جەتكەن بارشا تولاعاي تابىس وسى حالىقتار دوستىعىمەن تىعىز بايلانىستى. شەتەلدٸكتەر بٸزدٸ اۋىزبٸرشٸلٸگٸ مول, ىنتىماعى جاراسقان ەل دەپ بٸلەدٸ. بۇل, راسىندا دا, سولاي. وسى بٸرلٸكتٸڭ ارقاسىندا ەلٸمٸز دامىپ كەلەدٸ. وسى تاتۋلىقتىڭ ارقاسىندا قازاقستان كٷللٸ ەلەم قىزىعا قارايتىن دەۋلەتتٸ دە سەۋلەتتٸ مەملەكەتكە اينالدى», - دەيدٸ رومان.
سٶزٸنە قاراعاندا, وسىدان ون جىل بۇرىن قازاق قىزى ەليياعا ٷيلەنٸپ, وتباسىن قۇرعان ەكەن. ول دا ەسكەري قىزمەتشٸ. وعان قوسا ەكٸ بالانىڭ تەربيەسٸمەن اينالىسادى. وتباسىندا تاتار جەنە قازاق حالقىنىڭ سالت-دەستٷرٸ مەن ەدەت-عۇرپى قاتار ساقتالادى.
«ەسكەردە قىزمەت ەتكەن 15 جىلدان استام ۋاقىت ٸشٸندە ەر تٷرلٸ لاۋازىمداردا قىزمەت اتقاردىم جەنە كەز كەلگەن ۇجىمدا جاقسى قارىم-قاتىناس, ٶزارا قولداۋ مەن قۇرمەت, ەدەپتٸلٸك بولعانىن اتاپ ٶتكٸم كەلەدٸ. ۇلتتىق ۇلاننىڭ «باتىس» ٶڭٸرلٸك قولباسشىلىعىنىڭ ەسكەري بٶلٸمدەرٸندە 15 ۇلت ٶكٸلٸ وتان الدىنداعى بورىشتارىن ابىرويمەن اتقارىپ جٷر ەكەن. سولاردىڭ قاتارىندا كەيٸنگٸ جاستارعا ٷلگٸ بولىپ, ەلٸمٸزدٸڭ قورعانىسى ودان سايىن نىعايىپ, دامۋىنا لايىقتى ٷلەس قوسا بٸلسەك, ودان ٷلكەن ارمان جوق. ەردايىم ۇيىمشىل دا تەرتٸبٸ مەن بٸرلٸگٸ بەكەم ەسكەري ۇجىمىمىزبەن ماقتانا بەرۋگە جازسىن. ەڭ باستىسى, ەلٸمٸزدە بەيبٸتشٸلٸك پەن كەلٸسٸم سالتانات قۇرا بەرسٸن!» دەدٸ رومان ابدراحمانوۆ.
