قر پرەزيدەنتٸ جامبىل وبلىسىندا بولعان جارىلىستارعا بايلانىستى شۇعىل جينالىس ٶتكٸزدٸ. جيىنعا پرەمەر-مينيستر, قۇقىق قورعاۋ, قورعانىس, قاۋٸپسٸزدٸك جەنە باسقا دا كٷشتٸك قۇرىلىمداردىڭ باسشىلارى قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ جامبىل وبلىسىندا بولعان تٶتەنشە وقيعا سالدارىنان قازا تاپقان ازاماتتاردىڭ وتباسىلارىنا كٶڭٸل ايتىپ, زارداپ شەككەن ادامداردىڭ تەزٸرەك ساۋىعىپ كەتٸنە تٸلەكتەستٸك بٸلدٸردٸ.
– كەشە جامبىل وبلىسىنىڭ بايزاق اۋدانىندا تٶتەنشە وقيعا بولدى.
قارۋلى كٷشتەرٸمٸزدٸڭ وق-دەرٸسٸ ساقتالاتىن قويمانىڭ بٸرٸنەن ٶرت شىقتى. ارتىنان بٸرنەشە جارىلىس بولدى. جەرگٸلٸكتٸ تۇرعىندار امان-ەسەن. ٶكٸنٸشكە قاراي, ەسكەري قىزمەتشٸلەر مەن قۇتقارۋشىلار اراسىندا ادام شىعىنى بار. ولار قىزمەتتٸك مٸندەتٸن اتقارۋ بارىسىندا ەرلٸكپەن قازا تاپتى. قايتىس بولعان ازاماتتاردىڭ وتباسىنا قايعىلارىنا ورتاقتاسىپ, كٶڭٸل ايتامىن. جاراقات العان ادامداردىڭ تەزٸرەك ساۋىعىپ كەتۋٸن تٸلەيمٸن, – دەدٸ مەملەكەت باسشىسى.
تاعى بٸر ماڭىزدى مەسەلە رەتٸندە اپاتتىڭ سەبەپتەرٸن انىقتاۋ قاجەت ەكەنٸن ايتتى. بۇنداي جاعدايلاردىڭ الدىن الۋ بويىنشا ناقتى شارالار قابىلداۋدى تاپسىردى.
مەملەكەت باسشىسى ەكٸ جىل بۇرىن ارىستا بولعان جارىلىستى ەسكە الىپ, قارۋ-جاراق قويمالارىندا ەلٸ دە شەشٸلمەگەن تٷيٸندٸ مەسەلەلەردٸڭ بار ەكەنٸن ايتتى. پرەزيدەنت ارىس وقيعاسىنان كەيٸن ارنايى تاپسىرما بەرگەنٸن, ەندٸ وسى باعىتتاعى جۇمىستاردى جەدەلدەتٸپ اياقتاۋعا تاپسىرما بەردٸ.
قاسىم-جومارت توقاەۆ جامبىل وبلىسىنداعى تٶتەنشە وقيعاعا بايلانىستى بٸرقاتار شارالاردى شۇعىل قولعا الۋدى تاپسىردى.
– بٸرٸنشٸ. تٶتەنشە جاعدايدىڭ سالدارىن جويۋ ٷشٸن ۆەدومستۆوارالىق مەملەكەتتٸك كوميسسييا قۇرىلسىن. وعان پرەمەر-مينيستردٸڭ ورىنباسارى رومان ۆاسيلەۆيچ سكليار باسشىلىق ەتسٸن. رومان ۆاسيلەۆيچ, سٸزگە قازٸر جينالىس اياقتالعان سوڭ جامبىل ٶڭٸرٸنە شۇعىل بارۋدى تاپسىرامىن. جۇمىستىڭ باسى-قاسىندا بولىپ, بارلىق شارالاردى وقيعا ورنىنان ۇيىمداستىرىڭىز. ەكٸنشٸ. قازا بولعان ازاماتتاردىڭ وتباسىن ەلەۋمەتتٸك قورعاۋ جەنە زارداپ شەككەن تۇرعىندارعا كٶمەك كٶرسەتۋ ٷشٸن بارلىق قاجەتتٸ شارالار قابىلدانسىن. ٷشٸنشٸ. دەنساۋلىق ساقتاۋ مينيسترلٸگٸ تٶتەنشە وقيعا سالدارىنان جاراقات العان ازاماتتارعا جان-جاقتى مەديتسينالىق كٶمەك كٶرسەتۋدٸ ۇيىمداستىرسىن, – دەدٸ مەملەكەت باسشىسى.
سونداي-اق باس پروكۋراتۋرا مەن ٸشكٸ ٸستەر مينيسترلٸگٸنە وقىس وقيعانىڭ مەن-جايىن جەنە كٸنەلٸلەردٸ انىقتاۋ ٷشٸن سوتقا دەيٸنگٸ تەرگەۋ امالدارىنىڭ مۇقييات جٷرگٸزۋدٸ قامتاماسىز ەتۋدٸ, ٸشكٸ ٸستەر مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ, قوعامدىق تەرتٸپتٸ, ازاماتتاردىڭ قاۋٸپسٸزدٸگٸ مەن دٷنيە-مٷلكٸنٸڭ ساقتالۋىن قامتاماسىز ەتۋ ٷشٸن كەشەندٸ شارالار قابىلداۋدى تاپسىردى.
ۇلتتىق قاۋٸپسٸزدٸك كوميتەتٸنە, باس پروكۋراتۋراعا جەنە ٸشكٸ ٸستەر مينيسترلٸگٸ مەن مٷددەلٸ مەملەكەتتٸك ورگاندارعا وقيعا تۋرالى جالعان اقپاراتتىڭ تارالۋىنا جول بەرمەۋ ٷشٸن شارالار قابىلداۋ جٶنٸندە تاپسىرمالار بەرٸلدٸ.
جيىندا, قورعانىس مينيسترٸ نۇرلان ەرمەكباەۆ, تٶتەنشە جاعدايلار مينيسترٸ يۋريي يلين, جامبىل وبلىسىنىڭ ەكٸمٸ بەردٸبەك ساپارباەۆ, ٸشكٸ ٸستەر مينيسترٸ ەرلان تۇرعىمباەۆ جەنە باس پروكۋرور عيزات نۇردەۋلەتوۆ بايانداما جاسادى.
