كٶرنەكٸ فوتو: قر قورعانىس مينيسترلٸگٸ Youtube ارناسىنان
قر باس ەسكەري پروكۋرورىنىڭ بٸرٸنشٸ ورىنباسارى ماقسات قازيەۆ ەسكەردەن جالتارىپ, رەسەيگە كەتٸپ قالعان جاستارعا قاتىستى پٸكٸر بٸلدٸردٸ, دەپ حابارلايدى قازاقپارات.
بٷگٸن سەناتتا ەسكەري قىزمەتشٸلەردٸڭ دەنساۋلىعىن تالقىلاۋ كەزٸندە دەپۋتات سەرگەي ەرشوۆ ەسكەردەن جالتارعاندار تۋرالى سۇرادى.
«بۇقارالىق اقپارات قۇرالدارىندا ەسكەرگە بارماۋ ٷشٸن سولتٷستٸك قازاقستاننان رەسەيگە قاشىپ بارعاندار تۋرالى مەلٸمەت تارادى. مەسەلەن, قازٸرگٸ كەزدە كٶرشٸ مەملەكەتتٸڭ اۋماعىندا كٶكتەمگٸ ەسكەرگە شاقىرىلاتىن 250-گە جۋىق ازامات بار. شىنىمەن دە جاعداي وسىلاي ما? بۇل جٸگٸتتەردٸڭ تاعدىرى نە بولادى?» دەپ سۇرادى سەناتور.
ٶز كەزەگٸندە باس ەسكەري پروكۋروردىڭ بٸرٸنشٸ ورىنباسارى ماقسات قازيەۆ وسىنداي دەرەكتەر بار ەكەنٸن ناقتىلادى.
«راسىندا دا مۇنداي اقپارات باق-تا جارييالانعان. پروكۋراتۋرا ورگاندارى قورعانىس مينيسترلٸگٸنە تيٸستٸ نۇسقاۋ بەردٸ. 200 ادامنىڭ 120-سى رەسەي فەدەراتسيياسىندا بٸلٸم الىپ جاتىر, ياعني ستۋدەنت ساناتىنا جاتادى», - دەدٸ قازيەۆ.
وسى ورايدا ول قورعانىس مينيسترلٸگٸ بۇل باعىتتا تيٸستٸ ٸس-قيمىلدى پىسىقتاپ جاتقانىن ايتتى.
«ەگەر ولار شىنىمەن كٶرشٸ ەلدە وقۋدا جٷرگەنٸ ناقتىلانسا, وندا بۇل جاعداي ەسكەرگە بارۋ مەرزٸمٸن كەيٸنگە شەگەرۋگە سەبەپ بولادى. سونداي-اق, بۇل جٸگٸتتەردٸڭ اراسىندا وقۋعا تٷسپەگەندەرٸ انىقتالسا, قازاقستان اۋماعىنا كەلگەن كەزدە ولار مٸندەتٸنەن جالتارعانى ٷشٸن ايىپتالادى», - دەدٸ باس ەسكەري پروكۋروردىڭ بٸرٸنشٸ ورىنباسارى.
