ەلەۋمەتتٸك جەلٸلەردە مەرزٸمدٸ ەسكەري قىزمەتتەن ورالعان ساربازدىڭ تەمٸرجول ۆوكزالىندا جاقىندارىمەن قاۋىشقان سەتٸ تٷسٸرٸلگەن ۆيدەو كەڭٸنەن تارالىپ جاتىر, دەپ حابارلايدى ult.kz.
ۆيدەودا جاس جٸگٸت اناسىنىڭ جانىنان ٶتٸپ كەتٸپ, الدىمەن سٷيٸكتٸسٸنە بارىپ, ونى قۇشاعىنا الادى.
بۇل سەت جەلٸ قولدانۋشىلارى اراسىندا قىزۋ پٸكٸرتالاس تۋدىردى. كٶپشٸلٸك ەسكەري قىزمەتتەن ورالعان سارباز ەڭ الدىمەن اناسىمەن امانداسىپ, ونى قۇشاقتاۋى كەرەك ەدٸ دەگەن پٸكٸر بٸلدٸردٸ.
ال ەندٸ بٸر توپ قولدانۋشى قىسقا ۆيدەودان اسىعىس قورىتىندى جاساۋعا بولمايتىنىن ايتىپ, مۇنداي روليكتەر وقيعانىڭ تولىق كٶرٸنٸسٸن كٶرسەتە بەرمەيتٸنٸن ەسكە سالدى.
بەينەروليك ميلليونداعان قارالىم مەن مىڭداعان پٸكٸر جيناپ, وتباسىلىق قۇندىلىقتار, اتا-اناعا دەگەن قۇرمەت تۋرالى قىزۋ تالقىلاۋعا سەبەپ بولدى.
