پرەزيدەنتتٸك جاستار كادر رەزەرۆٸنە ٸرٸكتەۋ اشىق ٶتتٸ. بۇل تۋرالى جاستار كادر رەزەرۆٸ جٶنٸندەگٸ ساراپشىلار كوميسسيياسىنا باقىلاۋشى رەتٸندە قاتىسقان «قازاقپارات» حاا» جشس باس ديرەكتورى اسقار ۋماروۆ مەلٸم ەتتٸ.
«جاقىندا پرەزيدەنتتٸك جاستار كادر رەزەرۆٸنە ٸرٸكتەۋدٸڭ قورىتىندى كەزەڭٸ ٶتكەن بولاتىن. مەن كانديداتتارمەن ەڭگٸمەلەسەتٸن ساراپشىلار كوميسسيياسىنىڭ قۇرامىنا باقىلاۋشى رەتٸندە ەنگەن ەدٸم. سونداي-اق, مارات باشيموۆ, ارتۋر پلاتونوۆ, دانييار ەشٸمباەۆ جەنە باسقا دا تانىمال ساراپشىلار, قوعام قايراتكەرلەرٸ دە باقىلاۋشى بولدى. ال كوميسسييا قۇرامى قر پرەزيدەنتٸ ەكٸمشٸلٸگٸ, مەملەكەتتٸك قىزمەت ٸستەرٸ جٶنٸندەگٸ اگەنتتٸك, سونىمەن قاتار اكادەمييالىق ورتا ٶكٸلدەرٸنەن جاساقتالعان. جالپى العاندا بارلىق جۇمىس تسيفرلىق تەحنولوگييالار قولدانىلا وتىرىپ, جەتكٸلٸكتٸ دەڭگەيدە اشىق ٶتتٸ, ياعني داۋىس قۇقىعىنا يە كوميسسييانىڭ ەربٸر مٷشەسٸنە جەكە-جەكە پلانشەتتەر بەرٸلگەن, ولار ٸرٸكتەۋ بارىسىندا كانديداتتارعا قاتىستى كٶرسەتكٸشتەردٸ بٸردەن قويىپ, باعا بەرٸپ وتىردى. بۇل رەتتە مەملەكەتتٸك قىزمەت ٸستەرٸ جٶنٸندەگٸ اگەنتتٸك تاراپىنان جۇمىستاردىڭ جاقسى ۇيىمداستىرىلعانىن دا اتاپ ٶتكٸم كەلەدٸ. ٸرٸكتەۋگە اسا بەلسەندٸ, بٸلٸمٸ تەرەڭ جاستار قاتىستى, وسىنىڭ ٶزٸ كوميسسييا مٷشەلەرٸنە باعا بەرۋدە قيىندىق تۋدىرعانى مەلٸم. سوعان قاراماستان, مەنٸڭ ويىمشا, كوميسسييا ەڭ ٷزدٸكتەردٸ تاڭداي الدى. جالپى العاندا 330 جاس ٸرٸكتەلگەن, ەندٸ وسى جاس مامانداردىڭ 300-ٸ پرەزيدەنتتٸك جاستار كادر رەزەرۆٸنە ەنگٸزۋگە ۇسىنىلادى. ال ودان ارى قاراي رەزەرۆكە ەنگەن تۇلعالار ەلٸمٸزدەگٸ مەملەكەتتٸك قىزمەت سالاسىنىڭ جاڭارۋى مەن جاڭعىرۋىنا جۇمىس ٸستەيدٸ», - دەدٸ ا.ۋماروۆ.
ونىڭ ايتۋىنا قاراعاندا, كوميسسييا ەكٸ اپتا بويى ساعات 9:00-دەن 19:00-گە دەيٸن تاپجىلماي وتىرىپ جۇمىس ٸستەدٸ. ەربٸر ٷمٸتكەرگە شامامەن 7 مينۋت بٶلٸندٸ, وسى ۋاقىت ٸشٸندە كوميسسييا مٷشەلەرٸ سۇراق قويىپ, العان جاۋاپتارى بويىنشا شەشٸم قابىلداپ, ونى ٶزدەرٸنٸڭ قولىنداعى پلانشەتتە بەلگٸلەۋگە ٷلگەرٸپ وتىرۋى تيٸس بولدى.
ەسكە سالا كەتەيٸك, قر پرەزيدەنتٸ قاسىم-جومارت توقاەۆ ٶزٸنٸڭ سايلاۋ الدىنداعى باعدارلاماسىندا پرەزيدەنتتٸك جاستار كادر رەزەرۆٸن قۇرۋ قاجەتتٸگٸن ايقىنداپ, مۇنداي رەزەرۆ جاستار ٷشٸن تيٸمدٸ ەلەۋمەتتٸك ليفت بولۋى كەرەكتٸگٸن اتاپ ٶتكەن ەدٸ.
رەزەرۆكە ٸرٸكتەۋ جۇمىسىنا مەملەكەتتٸك قىزمەتكەرلەر, كۆازيمەملەكەتتٸك سەكتور, جەكە سەكتور جەنە ازاماتتىق قوعام ٶكٸلدەرٸ قاتىستى. ٷمٸتكەرلەردٸ تٸركەۋ بيىلعى جىلى 1-30 قىركٷيەك ارالىعىندا ٶتتٸ. نەگٸزگٸ تالاپ بويىنشا كانديدات جاسى 35-تەن اسپاعان قازاقستان رەسپۋبليكاسىنىڭ ازاماتى بولىپ, بٸلٸمٸ مەن جالپى ەڭبەك ٶتٸلٸ 5 جىلدان كەم بولماۋى تيٸس ەدٸ.
ٷمٸتكەرلەردٸ ٸرٸكتەۋ 6 كەزەڭ بويىنشا ٶتتٸ. بٸرٸنشٸ كەزەڭ – قۇجات قابىلداۋ. ەكٸنشٸ كەزەڭ – كانديداتتاردىڭ كٷردەلٸ مەتٸندٸك جەنە ساندىق اقپاراتتارمەن جۇمىس ٸستەۋ مٷمكٸندٸكتەرٸن انىقتاۋعا ارنالعان تەستٸلەۋ. ٷشٸنشٸ كەزەڭ – تەستٸلەر قورىتىندىسى. تٶرتٸنشٸ كەزەڭ - كانديداتتىڭ ەلەۋەتٸن, سونىڭ ٸشٸندە ونىڭ ليدەرلٸك قاسيەتٸن, ستراتەگييالىق ويلاۋ دەڭگەيٸن, موتيۆاتسييا مەن قۇندىلىق بويىنشا باعالاۋ. بۇل كەزەڭدە ٷمٸتكەرلەر ەسسە جازىپ, ٶزدەرٸنٸڭ ەلەۋمەتتٸك مەنگە يە جوبالارىن تانىستىردى, ال ادام رەسۋرستارى سالاسىنداعى ارنايى ساراپشىلار قاتىسۋشىلاردىڭ قۇزىرەتٸن باعالادى. بەسٸنشٸ كەزەڭ – ٷمٸتكەرلەر ساراپشىلار كوميسسيياسىندا ەڭگٸمەلەسۋدەن ٶتتٸ. بۇل ەتاپقا وسىعان دەيٸنگٸ كەزەڭدەردە بالل جيىنتىقتارى بويىنشا ٷزدٸك نەتيجە كٶرسەتكەندەر جٸبەرٸلدٸ.
ايتا كەتەيٸك, بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر پرەزيدەنتٸ ەكٸمشٸلٸگٸ باسشىسىنىڭ ورىنباسارى مەۋلەن ەشٸمباەۆ پرەزيدەنتتٸك جاستار كادر رەزەرۆٸنە ەنگەن 300 قازاقستاندىقتىڭ انىقتالعانىن جارييا ەتتٸ.
