اسقار ورازاۇلى شەكٸروۆ سەنات تٶراعاسىنىڭ ورىنباسارى اتاندى, دەپ حابارلايدى "ۇلت اقپارات".
«ماعان بەرٸلگەن قۇقىقتى پايدالانا وتىرىپ, ول قىزمەتكە اسقار ورازاۇلى شەكٸروۆتى ۇسىنامىن. ونى جاقسى بٸلەسٸزدەر. كٶپ جىلدار بويى ەرتٷرلٸ ساياسي لاۋازىمداردى اتقارىپ كەلدٸ. اتاپ ايتقاندا, سىرتى ٸستەر مينيسترٸنٸڭ ورىنباسارى, قر ادام قۇقىقتارىن قورعاۋ ۋەكٸلٸ قىزمەتتەرٸن جوعارى دەرەجەدە اتقاردى. اعىلشىن, قىتاي تٸلدەرٸن مەڭگەرگەن بٸلٸكتٸ ەرٸ بٸلٸمدٸ مامان. ونىڭ مول تەجٸريبەسٸ سەنات تٶراعاسىنىڭ ورىنباسارى لاۋازىمىنا ٶتە پايدالى ەرٸ قاجەت دەپ ويلايمىن», - دەدٸ داريعا نازارباەۆ پارتامەنت سەناتىنىڭ وتىرىسىندا.
ايتا كەتەيٸك, اسقار شەكٸروۆ 1956 جىلعى 2 اقپاندا قاراعاندى قالاسىندا تۋعان. م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ ازييا جەنە افريكا ينستيتۋتىن, كسرو ٸٸم اكادەميياسىنىڭ كٷندٸزگٸ اديۋنكتۋراسىن بٸتٸردٸ. زاڭ عىلىمدارىنىڭ كانديداتى. اعىلشىن جەنە قىتاي تٸلدەرٸن مەڭگەرگەن. بٸرٸنشٸ ساناتتاعى تٶتەنشە جەنە ٶكٸلەتتٸ ەلشٸ ديپلوماتييالىق رانگٸسٸ بار. 1978 جىلدان 1992 جىلعا دەيٸن كسرو ٸشكٸ ٸستەر مينيسترلٸگٸنٸڭ جٷيەسٸندە جۇمىس ٸستەدٸ.
1992 جىلدان - قازاقستان رەسپۋبليكاسى سىرتقى ٸستەر مينيسترلٸگٸنٸڭ شارتتار-قۇقىقتىق باسقارماسىنىڭ بٶلٸم مەڭگەرۋشٸسٸ, باستىقتىڭ ورىنباسارى, باستىعى, قر سىرتقى ٸستەر مينيسترلٸگٸ القاسىنىڭ مٷشەسٸ.
1995 جىلدان 1996 جىلعا دەيٸن - قازاقستان رەسپۋبليكاسىنىڭ كورەيا رەسپۋبليكاسىنداعى ٸستەرٸندە ۋاقىتشا سەنٸمدٸ ٶكٸل.
1996 جىلدان 1998 جىلعا دەيٸن - قازاقستان رەسپۋبليكاسى سىرتقى ٸستەر مينيسترلٸگٸنٸڭ ەرەكشە تاپسىرمالارى بويىنشا ەلشٸ.
1996 جىلدان 1998 جىلعا دەيٸن - قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى.
1998 جىلدان 2004 جىلعا دەيٸن - قازاقستان رەسپۋبليكاسىنىڭ ٷندٸستانداعى تٶتەنشە جەنە ٶكٸلەتتٸ ەلشٸسٸ, 2004 جىلعى تامىز ايىنان - قازاقستان رەسپۋبليكاسى سىرتقى ٸستەر مينيسترٸنٸڭ ورىنباسارى. 2006 جىلعى اقپاننان 2007 جىلعى ماۋسىمعا دەيٸن - قازاقستان رەسپۋبليكاسى قارجى مينيسترلٸگٸنٸڭ كەدەن كوميتەتٸنٸڭ تٶراعاسى. 2007 جىلعى قىركٷيەكتەن وسى ۋاقىتقا دەيٸن قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل قىزمەتٸن اتقارىپ كەلگەن.
