ٷكٸمەت باسشىسى اسقار مامين جۇمىسى باياۋ ەكٸمدٸكتەردٸ سىنعا الدى, دەپ حابارلايدى "ۇلت اقپارات".
«ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ الدىمىزعا ەكونوميكانىڭ تۇراقتى ٶسٸمٸن قامتاماسىز ەتۋ مٸندەتٸن قويدى. بيىلعى جىلدىڭ 11 ايىنىڭ قورىتىندىسىن ٶتكەن جىلدىڭ وسىنداي كەزەڭٸمەن سالىستىرعاندا جالپى ٸشكٸ ٶنٸم 4,4 پايىزعا ٶستٸ. قۇرىلىستا – 12,1%, ساۋدادا – 7,5%, كٶلٸك سالاسىندا – 5,6%, ٶڭدەۋ سەكتورىندا, ونىڭ ٸشٸندە ماشيناجاساۋدا – 19,2%, اۆتوموبيل جاساۋدا – 64%, جەڭٸل ٶنەركەسٸپتە – 16,6%, تٷستٸ مەتالدار ٶندٸرٸسٸندە – 6,8%, كوكس جەنە مۇناي ٶڭدەۋ ٶنٸمدەرٸندە – 5,3%, مەتالل كەنٸن ٶندٸرۋدە – 15,7%, بايلانىس قىزمەتتەرٸندە – 4,7%, ٶنەركەسٸپتە – 3,6% وڭ ديناميكا بايقالىپ وتىر. ۇلتتىق قور اكتيۆتەرٸ 4,3%-عا, $60,5 ملرد-قا دەيٸن ٶستٸ, رەسپۋبليكالىق بيۋدجەتكە كٸرٸستەر – 9595,7 ملرد تەڭگە (جوسپارعا 100,2%), ٶسۋ قارقىنى 117,6% قۇرادى. سالالىق مينيسترلٸكتەر مەن ٶڭٸرلەردٸڭ باسشىلارىنا كٶرسەتكٸشتەردٸ جوسپارلى دەڭگەيگە جەتكٸزۋ ٷشٸن بارلىق قاجەتتٸ شارانى قابىلداۋدى تاپسىرامىن», - دەدٸ اسقار مامين بٷگٸنگٸ ٷكٸمەت وتىرىسىندا.
پرەمەر-مينيستردٸڭ ايتۋىنشا, جىل باسىنان بەرٸ ەكونوميكانىڭ نەگٸزگٸ بازالىق ٶسۋ كٶرسەتكٸشتەرٸ بويىنشا اقتٶبە, جامبىل, شىعىس قازاقستان, قاراعاندى جەنە تٷركٸستان وبلىستارىنىڭ ەكٸمدٸكتەرٸ جاقسى جۇمىس اتقارعان.
«كٶرسەتكٸشتەرٸ ورتاشا جەنە رەسپۋبليكالىق دەڭگەيدەن تٶمەن ٶڭٸرلەرگە قىزىلوردا, باتىس قازاقستان, قوستاناي, ماڭعىستاۋ وبلىستارى مەن نۇر-سۇلتان, شىمكەنت قالالارىنىڭ ەكٸمدەرٸنە ايتارىم: سٸزدەردٸڭ كٶرسەتكٸشتەرٸڭٸز جىل قورىتىندىسى بويىنشا ەلدەگٸ ورتاشا كٶرسەتكٸشتٸ تٶمەندەتەدٸ. تيٸستٸ قورىتىندى شىعارىپ, ناقتى شارالاردى قابىلداۋلارىڭىز قاجەت. ورىندالعان جۇمىستاردىڭ اكتٸلەرٸن جىل سوڭىنا دەيٸن تاپسىرۋدى قامتاماسىز ەتٸڭٸزدەر», - دەدٸ ول.
