قر پرەمەر-مينيسترٸ اسقار مامين جاڭعىرتۋ جٶنٸندەگٸ ۇلتتىق كوميسسييا وتىرىسىن ٶتكٸزدٸ, دەپ حابارلايدى "ۇلت اقپارات" ٷكٸمەت باسشىسىنىڭ رەسمي سايتىنا سٸلتەمە جاساپ.
قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ بەس ينستيتۋتسيونالدىق رەفورماسىن ٸسكە اسىرۋ جٶنٸندەگٸ «100 ناقتى قادام» ۇلت جوسپارىنىڭ جەنە مەملەكەت باسشىسى قاسىم-جومارت توقاەۆتىڭ 2020 جىلعى 1 قىركٷيەكتەگٸ قازاقستان حالقىنا ارناعان جولداۋىنىڭ ورىندالۋ بارىسى قارالدى.
اتقارىلىپ جاتقان جۇمىستار تۋرالى پرەمەر-مينيستردٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ, ۇلتتىق ەكونوميكا مينيسترٸ ەسەت ەرعاليەۆ, اۋىل شارۋاشىلىعى مينيسترٸ ساپارحان وماروۆ, ەنەرگەتيكا مينيسترٸ نۇرلان نوعاەۆ, قارجى مينيسترٸ ەرۇلان جاماۋباەۆ, بٸلٸم جەنە عىلىم مينيسترٸ اسحات ايماعامبەتوۆ, يندۋسترييا جەنە ينفراقۇرىلىمدىق دامۋ مينيسترٸنٸڭ بٸرٸنشٸ ورىنباسارى قايىربەك ٶسكەنباەۆ, ەكولوگييا, گەولوگييا جەنە تابيعي رەسۋرستار ۆيتسە-مينيسترٸ احمەتجان پٸرٸمقۇلوۆ باياندادى.
قازٸرگٸ تاڭدا ۇلت جوسپارىنىڭ 100 قادامىنىڭ 72-سٸ ٸسكە اسىرىلدى: «كەسٸبي مەملەكەتتٸك اپپاراتتى قالىپتاستىرۋ» باعىتى بويىنشا 15 قادامنىڭ 13-ٸ, «زاڭ ٷستەمدٸگٸن قامتاماسىز ەتۋ» باعىتى بويىنشا بارلىق 19 قادام, «يندۋسترييالاندىرۋ جەنە ەكونوميكالىق ٶسٸم» بويىنشا 50 قادامنىڭ 27-ٸ, «بٸرەگەيلٸك جەنە بٸرلٸك» باعىتى بويىنشا 6 قادامنىڭ 3-ٸ, «ەسەپ بەرەتٸن مەملەكەتتٸ قالىپتاستىرۋ» باعىتى بويىنشا بارلىق 10 قادام ورىندالدى. بيىل «كەسٸبي مەملەكەتتٸك اپپاراتتى قالىپتاستىرۋ» جەنە «يندۋسترييالاندىرۋ مەن ەكونوميكالىق ٶسٸم» باعىتتارى بويىنشا 9 قادامدى ورىنداۋ كٶزدەلگەن. وتىرىستا مەملەكەتتٸك قىزمەتشٸلەرگە ەڭبەكاقى تٶلەۋدٸڭ جاڭا جٷيەسٸنە كٶشۋ, مەكتەپتە وقىتۋ ستاندارتتارىن جاڭارتۋ جەنە فۋنكتسيونالدىق ساۋاتتىلىقتى دامىتۋ, ەكونوميكانىڭ ەنەرگييا تيٸمدٸلٸگٸن ارتتىرۋ, جەر قويناۋىن پايدالانۋ سالاسىنىڭ اشىقتىعى مەن بولجامدىلىعىن ارتتىرۋ, اۋىل شارۋاشىلىعىندا سۋ شىعىنىن ازايتۋ, سونداي-اق سالىقتىق مٸندەتتەمەلەردٸ ورىنداۋدى, ونىڭ ٸشٸندە تسيفرلاندىرۋ ارقىلى جەڭٸلدەتۋ مەسەلەلەرٸ قارالدى. جاڭا ينفراقۇرىلىمدىق جوبالاردى ٸسكە اسىرۋ, سەرۆيستٸ جەتٸلدٸرۋ جەنە ترانزيتتٸك تاسىمالدار جىلدامدىعىن ارتتىرۋ ارقىلى كٶلٸك-ترانزيتتٸك سەكتوردىڭ بەسەكەگە قابٸلەتتٸلٸگٸن ارتتىرۋ جٶنٸندەگٸ جۇمىستاردىڭ بارىسى تالقىلاندى.
پرەمەر-مينيستر قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ بەس ينستيتۋتسيونالدىق رەفورماسىن ٸسكە اسىرۋ جٶنٸندەگٸ «100 ناقتى قادام» ۇلت جوسپارىن جەنە مەملەكەت باسشىسى قاسىم-جومارت توقاەۆتىڭ 2020 جىلعى 1 قىركٷيەكتەگٸ جولداۋىن تولىق ەرٸ ساپالى ورىنداۋ بويىنشا بەلسەندٸ جۇمىستى جالعاستىرۋدى تاپسىردى.
ەكونوميكانىڭ باسىم سەكتورلارىنداعى جاڭا ٸرٸ جوبالارعا ستراتەگييالىق ينۆەستورلاردى تارتۋ, ٶڭدەۋ سەكتورى مەن ەكسپورتتىق ەلەۋەتتٸ دامىتۋ, نەگٸزگٸ ازىق-تٷلٸك تاۋارلارى بويىنشا ۇلتتىق ەكونوميكانىڭ جەتكٸلٸكتٸ بولۋىن قامتاماسىز ەتۋ جٶنٸندەگٸ تارماقتارعا ەرەكشە نازار اۋدارىلدى.
