قر پرەمەر-مينيسترٸ اسقار مامين اقش-قا جۇمىس ساپارى اياسىندا سان-فرانتسيسكو قالاسىنا بارىپ, وندا تسيفرلىق دامۋ, ۆەنچۋرلىق قارجىلاندىرۋ جەنە ەنەرگەتيكا سالاسىنداعى جەتەكشٸ ەلەمدٸك كومپانييالاردىڭ باسشىلىعىمەن كەزدەسۋلەر ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى دٷنيەجٷزٸلٸك ەكونوميكالىق فورۋمنىڭ (دەف) «تٶرتٸنشٸ ٶنەركەسٸپتٸك رەۆوليۋتسييا ورتالىعىنىڭ» باسشىلىعىمەن كەزدەسٸپ, دەف باسقارۋشى ديرەكتورى ر. سامانسپەن يننوۆاتسييالىق تەحنولوگييالاردى رەتتەۋ سالاسىنداعى ىنتىماقتاستىقتىڭ پەرسپەكتيۆالى باعىتتارىن تالقىلادى.
كەزدەسۋ قورىتىندىسى بويىنشا «تٶرتٸنشٸ ٶنەركەسٸپتٸك رەۆوليۋتسييا ورتالىعى» مەن «استانا» حالىقارالىق قارجى ورتالىعىنىڭ (احقو) اراسىندا زاتتار ينتەرنەتٸن (IoT) دامىتۋدا ستراتەگييالىق ەرٸپتەستٸك تۋرالى قۇجاتقا قول قويىلدى, بۇل 2020 جىلى قازاقستاندا تٶرتٸنشٸ ٶنەركەسٸپتٸك رەۆوليۋتسييا بويىنشا دەف ٷلەستەس ورتالىعىن قۇرۋعا جاسالعان العاشقى قادام بولدى. مۇنداي مەكەمەلەر جاڭا تەحنولوگييالار مەن يننوۆاتسييالىق جوبالاردىڭ دامۋىن جٷيەلٸ مەملەكەتتٸك قولداۋدى قامتاماسىز ەتۋگە ىقپالىن تيگٸزە وتىرىپ, يزرايل, ٷندٸستان, قىتاي, باە, كولۋمبييا, وار, اقش پەن جاپونييادا جۇمىس ٸستەيدٸ.
پرەمەر-مينيستر ا. مامين «500 Startups» ۆەنچۋرلىق قورىنىڭ باسشىسى ك. تسايمەن كەلٸسسٶز ٶتكٸزدٸ, ونىڭ قورىتىندىسى بويىنشا «QazTechVentures» اق قازاقستاندىق ۇلتتىق دامۋ ينستيتۋتىن «500 Startups» V جاھاندىق قورىنا قوسۋ تۋرالى كەلٸسٸمگە قول قويىلدى.
بۇل قۇجات بولاشاقتا قازاقستاندا تاقىرىپتىق ۆەنچۋرلىق قور قۇرۋدى قاراستىرادى. جوبا ۆەنچۋرلىق قارجىلاندىرۋ مەن يننوۆاتسييالىق كەسٸپكەرلٸكتٸڭ دامۋىنا سەرپٸن بەرەدٸ, سٶيتٸپ, ستارتاپ كومپانييالاردى ۆەنچۋرلىق كاپيتالمەن قامتاماسىز ەتەدٸ.
ا. ماميننٸڭ «Bright Sphere Investment Group» (BSIG) ينۆەستيتسييالىق توبىنىڭ قارجى ديرەكتورى س. رانمەن كەلٸسسٶز قورىتىندىسى بويىنشا قازاقستاندىق تٸكەلەي ينۆەستيتسييالار قورى (KIDF) مەن BSIG اراسىندا 2020 جىلى قازاقستان اۋماعىندا ينفراقۇرىلىمدىق جوبالاردى قارجىلاندىرۋ ٷشٸن بٸرلەسكەن قور قۇرۋدا ىنتىماقتاستىق تۋرالى مەموراندۋمعا قول قويىلدى.
قازاقستاندا يننوۆاتسييالىق ەكوجٷيەنٸ, ۆەنچۋرلىق كاپيتال مەن ستارتاپ جوبالاردى دامىتۋ مەسەلەلەرٸ ا. ماميننٸڭ «Plug and Play» كومپانيياسىنىڭ باسشىلىعىمەن ەڭگٸمەسٸ بارىسىندا قاراستىرىلدى, ونىڭ كەڭسەسٸن «Astana Hub» الاڭىندا اشۋ كٶزدەلگەن.
ٷكٸمەت باسشىسى «C3.ai» كومپانيياسىنىڭ باس اتقارۋشى ديرەكتورى ت. سيبەلمەن كەلٸسسٶز كەزٸندە قر مۇنايگاز جەنە باسقا دا سەكتورلارىندا جاساندى ينتەللەكتٸنٸ قولدانۋدا ىنتىماقتاستىق مەسەلەلەرٸن تالقىلادى.
«Cisco» ترانسۇلتتىق كومپانيياسىنىڭ پرەزيدەنتٸ گ. ديدريحپەن كەزدەسۋدە «تسيفرلىق قازاقستان» مەملەكەتتٸك باعدارلاماسىندا بەكٸتٸلگەن ماقساتتارعا قول جەتكٸزۋدە جەنە اقپاراتتىق تەحنولوگييالار سالاسىندا ىنتىماقتاستىقتىڭ جاڭارتىلعان ستراتەگيياسىن ٸسكە اسىرۋ مەسەلەلەرٸ قارالدى.
«One Web» كومپانيياسىنىڭ باس اتقارۋشى ديرەكتورى ا. شتەكەلمەن كەزدەسۋ بارىسىندا قازاقستاننىڭ اۋماعىن, ونىڭ ٸشٸندە شالعايداعى جەنە جەتۋ قيىن اۋدانداردى جەرسەرٸكتٸك بايلانىس ارقىلى جاپپاي جىلدامدىعى جوعارى كەڭ جولاقتى ينتەرنەتپەن قامتۋ جوباسىن ٸسكە اسىرۋ پەرسپەكتيۆالارى قارالدى. كەلٸسسٶز قورىتىندىسى بويىنشا احقو باسقارۋشىسى ق. كەلٸمبەتوۆ جەنە «One Web» باسشىسى ا. شتەكەل جوبانى ودان ەرٸ ٸلگەرٸلەتۋ تۋرالى قۇجاتقا قول قويدى.
«Chevron» كورپوراتسيياسىنىڭ بارلاۋ جەنە كەن ٶندٸرۋ جٶنٸندەگٸ اتقارۋشى ۆيتسە-پرەزيدەنتٸ د. دجونسونمەن ەڭگٸمەلەسۋ كەزٸندە بولاشاق كەڭەيتۋ جوباسى, «تەڭٸزشەۆرويل» جوباسىندا تاۋارلار مەن كٶرسەتٸلەتٸن قىزمەتتەر بويىنشا قازاقستاندىق قامتۋدى ودان ەرٸ ارتتىرۋ, سونداي-اق قازاقستاندىق جۇمىسكەرلەردٸڭ ەلەۋمەتتٸك قامسىزداندىرىلۋى مەن ەڭبەك جاعدايلارىن جاقسارتۋ بويىنشا بٸرلەسكەن شارالار ەزٸرلەۋ مەسەلەلەرٸ تالقىلاندى.
«ValvTechnologies» كومپانيياسىنىڭ پرەزيدەنتٸ ك. حانتپەن كەلٸسسٶز بارىسىندا قازاقستاندا مۇنايگاز سەكتورى ٷشٸن كلاپاندار مەن تيەكتەر شىعارۋ زاۋىتىن اشۋ مٷمكٸندٸگٸ قارالدى. شىعارىلعان ٶنٸمدٸ بولاشاقتا «تەڭٸزشەۆرويل»-دى كەڭەيتۋ جوباسىن ٸسكە اسىرۋ اياسىندا پايدالانۋ, سونداي-اق كٶرشٸلەس ەلدەردٸڭ نارىقتارىنا ەكسپورتتاۋ جوسپارلانعان.
ا. مامين «42» كومپيۋتەرلٸك باعدارلامالاۋ مەكتەبٸنٸڭ جەنە ٸت سالاسىنداعى «Qwasar» بٸلٸم بەرۋ كومپانيياسىنىڭ نەگٸزٸن قالاۋشى ك. يامگنانەمەن كەزدەسۋ ٶتكٸزٸپ, ونىمەن قازاقستاننىڭ تسيفرلىق ەكونوميكاسى ٷشٸن ماماندار دايارلاۋداعى ىنتىماقتاستىق پەرسپەكتيۆالارىن تالقىلادى.
پرەمەر-مينيستر «Tesla» كومپانيياسىنىڭ كەڭسەسٸ مەن زاۋىتىن ارالادى, وندا كومپانييا باسشىلىعىمەن كەزدەسۋ اياسىندا قازاقستاندا جانار-جاعارماي قۇيۋ ستانتسييالارى جەلٸسٸن كەڭەيتۋ جەنە ەلەكتروموبيلدەر ٷشٸن سەرۆيس ورتالىقتارىن اشۋ مەسەلەلەرٸ قارالدى.
