ەسييا باعدەۋلەتقىزى. مەن «بولاشاققا» قالاي تٷستٸم?

«بولاشاقپەن» وقىپ كەلگەندەردٸڭ الدى قازٸر بيلٸك تٸزگٸنٸن ۇستاي باستادى. مəسەلەن, ۇلتتىق ەكونوميكا مينيسترٸ قۋاندىق بٸشٸمباەۆ 2001 جىلى اقش-تىڭ دج.ۆاشينگتون اتىنداعى ۋنيۆەرسيتەتٸندە بيزنەس-باسقارۋ ماماندىعىنىڭ ماگيستراتۋراسىن تəمامداعان.

Əدٸلەت مينيسترٸ مارات بەكەتاەۆ 2000 جىلى «بولاشاق» باعدارلاماسى بويىنشا لوندون ەكونوميكا جəنە ساياسي عىلىمدار مەكتەبٸندە وقىعان. الماتى قالاسىنىڭ əكٸمٸ باۋىرجان بايبەك 1995 جىلدان 2002 جىلعا دەيٸن گەرمانييادا دəرٸس العان. باتىس قازاقستان وبلىسىنىڭ əكٸمٸ التاي كٶلگٸنوۆ تە «بولاشاقتىڭ» تٷلەگٸ. شىمكەنت قالاسىنىڭ əكٸمٸ عابيدۋللا Əبدٸراحىموۆ 1997-99 جىلدارى گەرمانييادا مەملەكەتتٸك باسقارۋ ماماندىعىن وقىپتى. بەلگٸلٸ بوكسشى سەرٸك سəپيەۆ لوندونداعى بريۋنەل ۋنيۆەرسيتەتٸنە تٷسٸپ, سپورتتىق مەنەدجمەنت ماماندىعىن وقىپ شىقتى. «بولاشاق» ارقىلى بٸلٸم جەتٸلدٸرٸپ قايتقانداردىڭ اراسىندا بٸلٸكتٸ عالىمدارىمىز دا از ەمەس. ال اسىلدىڭ سىنىعى, بانكير ماعجان Əۋەزوۆ «بولاشاق» حالىقارالىق ستيپەنديياسىنىڭ ستيپەندياتتارى قاۋىمداستىعى كەڭەسٸنٸڭ مٷشەسٸ ەكەن. رەسمي مəلٸمەت بويىنشا, «بولاشاق» حالىقارالىق ستيپەنديياسى بويىنشا əلەمنٸڭ 35 ەلٸندەگٸ 170 ٷزدٸك جوعارى وقۋ ورنىندا وقۋ ٷشٸن 12 مىڭنان استام قازاقستاندىققا ستيپەندييا تاعايىندالعان. بۇرناعى كەزدە «بولاشاققا» تٷسۋ ورىندالمايتىن ارمان سيياقتى كٶرٸنەتٸن. ٶيتكەنٸ, ٶڭشەڭ باي-باعلاننىڭ بالاسى وقيدى دەپ ەستيتٸنبٸز. اعىلشىنشا ەركٸن كٶسٸلۋٸڭ كەرەك ەكەن. اۋىل مەكتەبٸندە وقىعاندار وعان دəمەلەنۋدٸ جٶنسٸز سانايتىنبىز. تەك سوڭعى جىلدارى «بٸز دە تاپسىرىپ كٶرسەك قايتەدٸ?» دەگەن ويدىڭ تۋعانى راس. ٶيتكەنٸ, بٸرەر جىل بۇرىن مارات تəجين مەملەكەتتٸك حاتشى بولىپ تۇرعاندا, قۇداي وڭداپ جۋرناليستەردٸ سىناپ, «بۇلاردى شەتەلدە دايىنداۋ كەرەك» دەپ پəرمەن بەرگەن. سٶيتٸپ, اياق استىنان «بولاشاقتا» «مەملەكەتتٸك قىزمەت-كەر», «پەداگوگيكالىق قىزمەتكەر», «ٶنەر قىزمەتكەرٸ» دەگەن كاتەگورييالارمەن بٸرگە «باق رەداكتسيياسىنىڭ قىزمەتكەرٸ» دەگەن سانات اشىلدى. دەمەك, جۋرناليستەرگە دە جەڭٸلدەتٸلگەن تالاپتارمەن وقۋعا مٷمكٸندٸك تۋدى. ول قانداي جەڭٸلدٸك? كٶپتەگەن شەتەل ۋنيۆەرسيتەتتەرٸ IELTS-تەن جيعان بالىڭىز 6,5-7-دەن تٶمەن بولسا, وقۋعا قابىلدامايدى. ال «بولاشاق» بىلتىر – 4, بيىل 5 بالمەن شەتەلگە وقۋعا تٷسٸرە باستادى. تٷسٸرگەندە, قاجەتتٸ 1,5-2 بالدى جيناۋ ٷشٸن سەنٸڭ اعىلشىنشاڭدى كٶتەرۋدٸ ٶز موينىنا الادى.

مٷمكٸندٸكتەرٸمٸزدٸ سارالادىق. ەڭبەك ٶتٸلٸ, ديپلوم كٶرسەتكٸشٸ, تاعى دا باسقا تالاپتارىنا سايمىز. ۇستاتپاي تۇرعانى – IELTS. بۇرىن دا اعىلشىن تٸلٸن وقىعىمىز كەلەتٸن. نە ٷشٸن? مىسالى, بٷكٸل گولليۆۋد اۋزىن اشىپ تامساناتىن رودجەر ەبەرتتٸڭ ماقالالارىن وقۋ ٷشٸن. توعىز سٶزدەن تۇراتىن سٶيلەمدەگٸ سەگٸز سٶزدٸ سٶزدٸكتەن شوقىعان سوڭ ەبەرتكە دەگەن قىزىعۋشىلىق əدٸرەم قالدى. كۋرسقا بارۋعا ەرتەڭٸڭ بٸتپەيتٸن ەرٸنشەكسٸڭ. دەمەك, باسقا ماقسات كەرەك. كانن فەستيۆالٸنە بارىپ, اعايىندى داردەنندەرمەن سۇحباتتاسامىز دەدٸك. نەمەسە «وسكاردىڭ» تاپسىرىلۋ رəسٸمٸندە ال پاچينو مەن كۆەنتين تارانتينو, روبەرت دە نيرو مەن اعايىندى كوەندەرمەن پٸكٸرلەسۋ. جاقسى ماقسات. بٸراق كۋرسقا جەلكەلەپ əكەتپەيدٸ. ٶيتكەنٸ, كاليفورنيياعا  بيلەتٸڭ دايىن تۇرعان جوق.

بٸرٸنشٸ ايالداما.

ۋنيۆەرسيتەت تاڭداۋ

سٶيتٸپ جٷرگەندە «بولاشاقتىڭ» شəكٸرتاقىسى تۋرالى ويلاندىق. ەڭ الدىمەن قايدا, نە وقىعىڭ كەلەتٸنٸن انىقتاپ الۋ كەرەك. شەتەلدٸڭ دە شەتەلٸ بار. وقۋدىڭ دا وقۋى بار. بٸرٸنشٸ قادام, bolashak.gov.kz سايتىنان «بولاشاق» ۇسىنعان ماماندىقتار تٸزٸمٸن شولىپ شىقتىق. «جۋرناليستيكا جəنە كوممۋنيكاتسييالىق مەنەدجمەنت» گرافاسىندا قىرىق شاقتى ماماندىق بار. كەز كەلگەنٸن تاڭدا. سوسىن «بولاشاقتىڭ» «باسىمدىق بەرگەن» جوو تٸزٸمٸنە كٸرٸپ, ٶزٸمٸزدٸ قىزىقتىراتىن ەكٸ مەملەكەت, امەريكا مەن ۇلىبريتانييانىڭ ۋنيۆەرسيتەتتەر تٸزٸمٸنە كٶز جٷگٸرتتٸك. Əر ۋنيۆەرسيتەتتٸڭ سايتىنان, بٸلٸمٸمٸزگە سəيكەس ماماندىقتار ٸزدەدٸك. اقىرىندا ەكٸ ەلدەگٸ وقۋ جٷيەسٸنٸڭ ايىرماشىلىقتارى بەلگٸلٸ بولا باستادى. ەكەۋٸ دەقىزىق, əرينە. بٸراق بٸزگە امبيتسيياسى كٶپ امەريكالىقتاردىڭ ورتاسىنان گٶرٸ مəدەنيەتتٸڭ بەسٸگٸ بولعان ەۋروپاداعى تۇماندى البيون تارتىمدى كٶرٸندٸ. قاي ۋنيۆەرسيتەتتە, قانداي دەپارتامەنت, ول دەپارتامەنتتە (بٸزشە فاكۋلتەت) كٸمدەر ساباق بەرەدٸ, قانداي مودۋلدەر (پəندەر) ۇسىنادى, قايدا ورنالاسقان, مəدەني ورتالىقتارعا الىس-جاقىندىعى, بəرٸن سارالاپ شىعىپ, ٷش-تٶرت ۋنيۆەرسيتەتتٸ نازارعا الدىق. بۇل دا, اعىلشىنشامىزدىڭ اقساپ تۇرعانىن ەسەپكە الماعاندا, ەدəۋٸر ۋاقىتتى, زەيٸندٸ تالاپ ەتەتٸن جۇمىس.

ەكٸنشٸ ايالداما. IELTS

كٶز الدىمىزدا سول ۋنيۆەرسيتەتتەر تۇردى, قولىڭدى سوزساڭ, سونداسىڭ. تەك «بولاشاق» تالابىنان ٶتەتٸن تٶرت بالدى الۋ كەرەك. وسى ماقسات ٷشٸن اعىلشىنعا شىنداپ كٸرٸسۋ كەرەك بولدى. نە كەرەك, سانادان ٶشكەن ەرەجەلەردٸ وياتتىق. بۇرىن باسقاتىرعىش بولىپ كٶرٸنەتٸن اعىلشىن شاقتارىنىڭ لوگيكاسىن تٷسٸندٸك. ينتەرمەدياتقا جەتٸپ جىعىلىپ, «ەمتيحاندى جاقسى تاپسىرۋ ٷشٸن IELTS-كە دايىندىق كۋرسىن وقۋ كەرەك» دەگەن كەڭەسكە قۇلاق استىق. رەپەتيتور تابىلا كەتٸپ, ەمتيحان تاپسىرۋدىڭ قۇيتىرقىلىقتارىنا قانىقتىق. IELTS دەگەن, راسىندا, بٶلەك əلەم ەكەن. جاقسى تاپسىرۋ ٷشٸن سول جٷيەمەن تانىس بولۋ كەرەك. مىسالى, سٶيلەسۋ سەكتسيياسىندا نەعۇرلىم ەركٸن, بەيرەسمي سٶيلەۋٸڭ كەرەك. جازبا سەكتسيياسىنداعى ەكٸ ەسسەڭ اكادەمييالىق ستيلدە بولۋعا تيٸس. دەمەك «جاقسى, جامان, əدەمٸ, كٶرٸكسٸز» ەمەس, «كٶز تارتار كٶركەم, جان تٷرشٸكتٸرەر سۇرقاي». بٸرٸنشٸ ەسسەدە جٷز ەلۋ, ەكٸنشٸ ەسسەدە ەكٸ جٷز ەلۋ سٶز جازۋعا تيٸسسٸڭ. ودان كەم ەمەس. ارتىق بولماسا ٶزٸڭە جاقسى. بٸردٸ ايتىپ بٸرگە كەتۋ, ويدى باستاپ اياعىنا جەتكٸزبەۋ – كەشٸرٸلمەيتٸن «كٷنəلار». كٸرٸسپە مەن قورىتىندى, نەگٸزگٸ ايتار يدەيالارىڭ دا قىسقا-نۇسقا, انىق, دəلەلدٸ-دəيەكتٸ بولۋ كەرەك. جəنە مۇندا عالامدىق جىلىنۋ, بٸلٸم بەرۋ, əلەۋمەتتٸك قامتۋ, گەندٸك ينجەنەرييا, ٶنەر, سپورت ساياساتى, عىلىمي تەحنولوگييا سيياقتى تٷرلٸ تاقىرىپتاردىڭ تٷرلٸ اسپەكتٸلەرٸن تالداۋىڭ سۇرالۋى مٷمكٸن. سوندىقتان ولاردىڭ əرقايسىسىنا دەگەن ٶز كٶزقاراسىڭ بولۋ كەرەك جəنە ونى ساۋاتتى جەتكٸزە بٸلۋ ماڭىزدى. وقۋ سەكتسيياسىندا بەرٸلەتٸن مəتٸندەردٸ شەمٸشكەشە شاعۋ ٷشٸن اكادەمييالىق سٶزدٸك قورىڭىز بەن ازداعان لوگيكا, جىلدام وقۋ قابٸلەتٸڭ بولماسا تاعى بولمايدى.

تىڭداۋ سەكتسيياسىندا قينالۋ زاڭدى. ٶيتكەنٸ اعىلشىنداردىڭ سٶيلەگەنٸ بٸز كٸتاپتان وقىعانداي ەمەس. سٶزدەردٸ بٸرٸكتٸرٸپ, اياعىن جۇتىپ, بوتقا قىلىپ جٸبەرەدٸ, سٶزدٸككە قاراپ جاتتاعان əپ-əدەمٸ سٶزٸڭدٸ تانىماي قالاسىڭ. ەندەشە نە ٸستەۋ كەرەك? تىڭداۋ كەرەك. Əن تىڭداعان جاقسى, كينو كٶرگەن جاقسى, بٸراق National Geographic سيياقتى ارنالاردىڭ دەرەكتٸ فيلمدەرٸن قاراعان تٸپتٸ پايدالىراق. ولار كٶبٸنە عىلىمي كٶپشٸلٸك تٸلدٸ, دەمەك, سٸزگە كەرەكتٸ اكادەمييالىق سٶزدٸكتٸ پايدالانادى. ولاردىڭ بəرٸن يۋتۋبتان تابۋعا بولادى, سۋبتيترلارىن دا قوسۋعا بولادى. بٸراق سونىمەن بٸرگە ororo.com سيياقتى سايتتاردا ازداعان تٶلەمگە جاقسى كونتەنت تابا الاسىز. سوسىن IELTS بٸر مەن IELTS ونعا دەيٸنگٸ تەستتەردٸڭ تاپسىرمالارى دا ينتەرنەتتە بار. ولاردى تىڭداۋ تٸپتٸ پايدالى بولادى. بٸرەر اپتا ٷزبەي تىڭداساڭ, قۇلاعىڭ اشىلادى. بۇرىن ەستٸمەگەن سٶزدٸ ەستيتٸن بولاسىڭ, بۇرىن تٷسٸنبەگەن سٶزدٸ تٷسٸنەتٸن بولاسىڭ. بۇل دا از ولجا ەمەس. دەمەك, تٸل وقۋداعى ەڭ باستى ەرەجە – جاتتىعۋ. كٷن سايىن. ٷزبەي. سوندا عانا نəتيجە بولادى. Əيتپەسە بٸر اي وقىپ, ٷش جىل ۇمىتىپ كەتەتٸن تانىستارىمىز كٶپ, ودان ەش نəتيجە جوق. ەكٸنشٸ ەرەجە. ستيمۋل دۇرىس بولۋ كەرەك. وسىعان دەيٸن بۇيداسىن بەرمەي جٷرگەن شەتەل تٸلٸ ناقتى ماقساتپەن كٸرٸسكەندە بٸر-ەكٸ ايدىڭ ٸشٸندە ىرقىمىزعا كٶنە باستادى. دەمەك, كٶزگە كٶرٸنەتٸن ماقساتتى العا قويۋ كەرەك.

نە كەرەك, British Council-دىڭ كەزەكتٸ ەمتيحانىنا جٷرەگٸمٸز دٷرسٸلدەپ كٸرٸپ, تارسىلداپ شىقتىق. بۇل ەمتيحاندى بٸرٸنشٸ رەت تاپسىرعان بٸز, ولاردىڭ باعالاۋ شكالاسىنان بەيحابار ەدٸك. مەجەلٸ تٶرت بالل الامىن با, المايمىن با?.. ابىروي بولعاندا, «بولاشاق» تالاپ ەتكەن-نەن ەدəۋٸر جوعارى بالل الىپپىز. كٶڭٸلدە تويىم بار ما, «بۇدان جوعارىسىن الۋعا تيٸس ەدٸم» دەپ ٶزٸڭدٸ قامشىلايسىڭ.

بۇل «بولاشاقتىڭ» قۇجات قابىلداۋ كەزەڭٸ اياقتالۋعا بٸر اپتا قالعان كٷن. تەزدەتۋگە تۋرا كەلدٸ: ديپلومدارىڭدى, ەڭبەك كٸتاپشاڭدى نوتاريۋسپەن بەكٸتۋ, جۇمىس ورنىنان انىقتاما الۋ. ەڭ باستىسى, 082 دەگەن فورماداعى مەديتسينالىق انىق-تاما قاجەت. ۆيچ-كە قان ٶتكٸزۋ, پسيحوديسپانسەردەن انىقتاما الۋ كەرەك.

ٷشٸنشٸ ايالداما. قازتەست

نە كەرەك, قۇجات قابىلدايتىن سوڭعى كٷنٸ بارىپ, كەزەككە تۇرىپ, ابىروي بولعاندا كەشكە دەيٸن ٷلگەرٸپ, تاپسىرىپ شىقتىق. تاڭعالۋدىڭ قاجەتٸ جوق, قازاقستاندا بəرٸ ٶزٸمٸز سيياقتى, ەڭ سوڭعى كٷنٸ جٷگٸرەدٸ. اراعا بٸر اي سالىپ, «بولاشاقتىڭ» قىزمەتكەرلەرٸ حابارلاسادى. قاي كٷنٸ قازاق تٸلٸنەن ەمتيحان تاپسىراتىنىڭدى ايتادى. «قاز-تەستتٸ» تاپسىرۋ ٷشٸن استاناعا كەلۋ مٸندەتتٸ. بۇل, əرينە, IELTS ەمەس, ودان تٸلٸ دە, تاپسىرماسى دا جەڭٸلدەۋ. بٸراق وسىنداي ەمتيحاندا قازاق تٸلٸنٸڭ تالاپ ەتٸلۋٸنٸڭ ٶزٸ مەرەيٸڭدٸ تاسىتادى. جاسىراتىن نەسٸ بار, «كٶردٸڭ بە, قازاق تٸلٸن بٸلۋ كەرەك» دەگەندەي, بٸر جاساپ قالاسىڭ. بۇل تەستٸڭ نəتيجەسٸ سول كٷنٸ-اق كەشكە شىعادى, ودان ٶتكەندەر (كٶپشٸلٸگٸ ٶتەدٸ) كەلەسٸ كەزەڭگە – پسيحوتەستكە جٸبەرٸلەدٸ.

تٶرتٸنشٸ ايالداما.

پسيحوتەست

پسيحوتەست əدەتتە بٸرنەشە سەكتسييادان تۇرادى. توپ قىلىپ ٷلكەن اۋديتوريياعا كٸرگٸزەدٸ دە, ەرەجەلەردٸ تٷسٸندٸرٸپ, تٶرت ساعاتقا قامايدى. سوسىن الدىڭا الاقانداي قىلىپ سۇراق كٸتاپشاسى مەن جاۋاپ قاعازىنجايادى. ەڭ الدىمەن «ٶتٸرٸك ايتاتىن كەزٸڭٸز بولا ما?», «كەيدە ٶز ويىڭىزدان ٶزٸڭٸز شوشىناتىن سəتتەر بولا ما?» دەگەن سيياقتى پسيحولوگييالىق سۇراقتاردان باستايدى. باستى ەرەجە – ٶتٸرٸك ايتپاۋ, دەمەك, ارا-تۇرا ٶتٸرٸك ايتىپ تۇراتىنىڭدى اشىق مويىنداۋ. بٸرتٸندەپ لوگيكاڭىزدى, ينتەللەكتٸڭٸزدٸ, كەڭٸستٸكتە ويلاۋىڭىزدى, ماتەماتيكالىق قابٸلەتٸڭٸزدٸ, كەزدەيسوق قاتاردانزاڭدىلىقتاردى تابۋ مٷمكٸندٸگٸڭٸزدٸ, تاعى دا باسقا جايتتاردى تەكسەرەتٸن سۇراقتار بولادى. سوسىن سٸزدٸڭ تابيعاتىڭىز قاي ماماندىققا جاقىن ەكەنٸن انىقتايدى. ٸزٸن الا كوممۋنيكاتسييالىق, كٶشباسشىلىق قاسيەتتەرٸڭٸزدٸ انىقتايتىن سۇراقتار لەگٸ اقتارىلادى. تەست قۇراستىرۋشىلاردىڭ لوگيكاسى تٷسٸنٸكتٸ. ولاردىڭ ىعىنا جىعىلىپ, ٶزٸڭٸزدٸ كەز كەلگەنمەن تٸل تابىسىپ كەتەتٸن ەكستراۆەرت, كەز كەلگەن ورتانى ٷيٸرٸپ əكەتەتٸن ليدەر, شەشەن اداممىن دەپ كٶرسەتۋٸڭٸزگە بولادى. شىنايى جاۋاپ بەرسەڭٸز دە ەركٸڭٸز. بٸز بارىنشا شىنايى جاۋاپ بەردٸك, كەيدە ورتانى اڭساساق, كەيدە جالعىز قالىپ جۇمىس ٸستەگەندٸ جاقسى كٶرەمٸز, بارلىق ورتادا جارقىلداپ اشىق əڭگٸمە ايتپايمىز, جۇرتتى تٷگەل اۋزىما قاراتىپ وتىرمايمىز دەگەندەي, بار بولمىسىمىزدى جاسىرىپ قالمادىق. مۇنىڭ بəرٸ سٸزدٸڭ وقۋعا قابىلدانۋىڭىزعا سونشالىقتى كەرٸ əسەر ەتۋٸ نەعايبىل. بٸراق, ەڭ ماڭىزدى سەكتسييا – سترەسسكە شىدامدىلىق. ەگەر ينتەللەكتٸڭٸز جوعارى بولىپ تۇرىپ, سترەسسكە شىدامايتىنىڭىزدى سەزدٸرٸپ قويساڭىز, ەسٸك جابىلدى دەي بەرٸڭٸز. وسىنىڭ بəرٸن ٶلشەپ-پٸسكەن پسيحوتەستتەن ٶتكەندەر (تاپسىرعانداردىڭ توقسان پايىزى ٶتەدٸ) كەلەسٸ, سوڭعى كونكۋرسقا جٸبەرٸلەدٸ. ول – ۇلتتىق كوميسسييانىڭ الدىنداعى ەمتيحان.

بەسٸنشٸ ايالداما.

اۋىزشا ەمتيحان

«بولاشاقتىڭ» پرەزيدەنتٸ باستاعان ونشاقتى ادامنان تۇراتىن كوميسسييا ٷمٸتكەرلەردٸ كەزەكپەن شاقىرادى. كٶبٸنە كونستيتۋتسييا, قازاقستان زاڭدارىنان, قازاقستان تاريحىنان, جاڭا زامان تاريحىنان سۇراقتار قويادى. تəۋەكەل حاننىڭ قاي جىلدارى باسقارعانىن نەمەسە سوت بيلٸگٸ مەن زاڭ شىعارۋشى بيلٸكتٸڭ ايىرماشىلىعىن ۇيقىدان وياتىپ السا دا ايتىپ بەرەم دەپ سەنٸمدٸ بولساڭىز, دايىندىقسىز بارا بەرٸڭٸز. Əيتپەسە… ٶز ەلٸڭٸزدٸڭ بٷگٸنٸ مەن ٶتكەنٸ جايلى بٸلٸمٸڭٸزدٸ جاڭعىرتۋعا تۋرا كەلەدٸ. بٸراق, ەڭ ماڭىزدى مəسەلە سٸزدٸڭ بولاشاق وقۋىڭىز. تاڭداۋىڭىز. نەگە ماگيستراتۋرا,  نەگە دوكتورانتۋرا (ەمەس)? نەگە ۇلىبريتانييا, نەگە اقش (ەمەس)? نەگە ستەنفورد ۋنيۆەرسيتەتٸ, نەگە نوتتينگەم (ەمەس)? نەگە وسى ماماندىق, نەگە وسى دەپارتامەنت? وندا قانداي مۇعالٸمدەر, پروفەسسورلار ساباق بەرەدٸ, قانداي مودۋلدەر ۇسىنادى? ولار سٸزدٸ نەسٸمەن قىزىقتىردى? بۇل بٸلٸم سٸزدٸڭ بولاشاعىڭىزعا قالاي əسەر ەتەدٸ? سٸزدٸڭ مامان رەتٸندە قۇنىڭىز نەگە ارتادى? ودان قازاقستانعا قانداي پايدا? وسى سۇراقتارعا ناقتى جاۋاپ بولۋى كەرەك. كوميسسييا سٸزدٸڭ جاۋاپتان ٶزٸڭٸزگە ناقتى نە كەرەكتٸگٸن بٸلەتٸنٸڭٸزدٸ ەستٸسە, وڭ شەشٸم قابىلداۋ ىقتيمالدىعى ارتادى. «بولاشاقتىڭ» ستيپەنديياسىن جەڭٸپ الۋ – مەملەكەتتٸڭ اقشاسىنا قىدىرىپ قايتۋ ەمەس, ٶزٸڭٸزدٸڭ انىق ماقساتىڭىزعا جەتكٸزەتٸن جول دەپ قاراۋ كەرەك.

التىنشى ايالداما.

نƏتيجە. كەپٸل قۇجاتى

 بٸرەر ۋاقىتتان كەيٸن نəتيجە شىعادى. ٶزٸڭٸزدەن جىلدام دوستارىڭىز سٸزدٸڭ ەسٸمٸڭٸزدٸ تٸزٸمنەن («بولاشاق» سايتىندا جارييالانادى) كٶرٸپ, سٷيٸنشٸ سۇراۋى مٷمكٸن. بولماسا «بولاشاق» قىزمەتكەرلەرٸ حابارلاسادى. سٸز ستيپەندياتسىز.

ەندٸ ەڭ قيىنى باستالادى. «بولاشاق» بويىنشا وقىعان ازامات قازاقستانعا قايتىپ كەلۋگە جəنە مۇندا بەس جىل ەڭبەك ەتۋگە مٸندەتتٸ. ال سٸزدٸڭ شەتەلدە قالىپ قويماۋىڭىزدى كەپٸلدەۋ ٷشٸن قازاقستانداعى جىلجىمايتىن مٷلٸكتٸ كەپٸلگە قوياسىز.  مٷلٸك سٸزدٸكٸ بولۋى شارت ەمەس, يەسٸ كەز كەلگەن قازاقستان ازاماتى بولۋى مٷمكٸن, تەك رۇقساتى بولسا بولعانى. ەكٸجاقتى (ٷمٸتكەر ٶزٸن ٶزٸ ۇسىنعان جاعدايدا حالىقارالىق باعدارلامالار ورتالىعى اق («بولاشاق») پەن سٸزدٸڭ اراڭىزدا) نەمەسە ٷشجاقتى (كاتەگورييا بويىنشا تاپسىرعان جاعدايدا جۇمىس بەرۋشٸڭٸز, سٸز جəنە «بولاشاقتىڭ» اراسىندا) كەلٸسٸمشارت جاسالادى. بəرٸ: əر əرٸپ, əر ٷتٸر تەكسەرٸلەتٸنٸن ايتۋدىڭ قاجەتٸ جوق شىعار. بٸر بۋما قاعاز جينايسىز, وتباسىڭىز, ٶزٸڭٸز, ٷيٸڭٸزدٸڭ جاعدايى, باعاسى, تاعى دا باسقا قۇجاتتار رəسٸمدەلٸپ بٸتكەندە بارىپ تەرەڭ تىنىستايسىز. ەندٸ سٸزدەن وقۋ عانا تالاپ ەتٸلەدٸ. ٶزگە ۋايىمنىڭ بəرٸن مەملەكەت ٶز موينىنا الادى.

قىردان قىتايلار, جون اسىپ جاپوندار, ويدان ورىستار ەۋروپاعا بارىپ وقيدى. بəرٸ دە ٶز اقشاسىنا. نەمەسە əكە-شەشەسٸنٸڭ اقشاسىنا. مەملەكەتٸ تٶلەپتٸ دەگەندٸ ەستٸگەمٸز جوق. بۇل از دەسەڭٸز, سوڭعى جىلدارى «بولاشاق» باعدارلاماسى اۋىل مەكتەپتەرٸنٸڭ مۇعالٸمدەرٸنە ارنايى كۆوتالار بەرٸپ وتىر. شىنىندا دا, اقىلدى ساياسات. قۇرعاق كٶرسەتكٸشتەردٸ عانا ەمەس, اۋىلدىڭ, دەمەك اۋىلداعى قازاقتىڭ ەرتەڭٸن ويلاعان كٶرەگەن ساياسات. ٶيتكەنٸ «بولاشاقپەن» بٸرگە اۋىلعا بٸلٸم عانا كەلمەيدٸ, كٶزقاراس كەلەدٸ. عالامدىق ماسشتابتا ويلايتىن تۇلعالاردى ٶسٸرە الاتىن پوتەنتسيال كەلەدٸ. بٸزدە پاتريوتتىق تۋرالى, قازاقتى جاقسى كٶرۋ تۋرالى كٶپ ايتىلادى. ايتىلا-ايتىلا جاۋىر بولادى, اقىرىندا قۇرعاق سٶزدەن جٷرەك ايني باستايدى. بٸزدٸڭ وي بىلاي دەيدٸ: ەلٸڭە جاقسىلىق جاساعىڭ كەلسە, ٶز ٸسٸڭنٸڭ مامانى بول, ٶز ٸسٸڭدە نٶمٸرٸ بٸرٸنشٸ بول, ودان ارتىق ەشتەڭەنٸڭ دە كەرەگٸ جوق. ال «بولاشاق» باعدارلاماسى سوعان سەپتەسەمٸن دەيدٸ.

ەسييا باعدەۋلەتقىزى 

«اق جەلكەن» جۋرنالى