6 اقپاندا سىرتقى ٸستەر مينيسترٸنٸڭ ورىنباسارى ەرجان اشىقباەۆ ٶتكەن سەنبٸدە تٷندە نۇر-سۇلتانعا ۇشىپ كەلگەن اقش مەملەكەتتٸك حاتشىسى "مايك پومپەونى قارسى الۋ" كەزٸندەگٸ كيٸمگە بايلانىستى سىنعا جاۋاپ بەردٸ. بۇعان دەيٸن ەلەۋمەتتٸك جەلٸ قولدانۋشىلارى اقش مەملەكەتتٸك حاتشىسىن قارسى العان مينيسترلٸك ٶكٸلدەرٸنٸڭ "ٸسكەرلٸك ەتيكانى" ساقتاماعانىن سىناپ, ولاردىڭ ديپلوماتتاردان گٶرٸ "ەۋەجايدا شەتەل ازاماتىن قارسى العان تاكسيستەرگە كٶبٸرەك ۇقساعانىن" ايتقان ەدٸ.
ەرجان اشىقباەۆ مينيسترلٸك ٶكٸلدەرٸنە ايتىلعان سىننان حاباردار ەكەنٸن جەتكٸزٸپ, دەگەنمەن بۇل مەسەلەدە "ساپاردىڭ مەنٸنە كٶبٸرەك نازار اۋدارعان جٶن بولار ەدٸ" دەدٸ.
- ايتىلعان سىن ورىندى دەپ ايتامىز. اۋا-رايىنىڭ جاعدايىنا بايلانىستى كيٸندٸ. ولاردىڭ ٸشٸندە مەن دە بارمىن. سوندىقتان بۇل مەسەلەدە ەندٸ مەسەلەنٸڭ مەنٸنەن گٶرٸ سەنٸ الدىڭعى جاققا شىعىپ كەتتٸ. سوندىقتان جاسالعان ساپاردىڭ مەنٸنە نازار اۋدارعان جٶن بولار ەدٸ, - دەدٸ ەرجان اشىقباەۆ.
بۇعان دەيٸن ەلەۋمەتتٸك جەلٸ قولدانۋشىلارى قازاقستاندىق ديپلوماتتاردىڭ پومپەونى قارسى الۋ رەسٸمٸن سىناپ, ولارعا "تٷسٸندٸرمە جۇمىستارىن جٷرگٸزۋ كەرەك" دەپ ايتقان.
"پومپەونى قارسى العان ديپلوماتتارعا بەرٸ كٷلٸپ جاتىر. ولار تاكسيستەر سيياقتى - قارا كۋرتكا, قۇلاقشىن كيٸپ, قولدارىن قالتاعا سالىپ تۇردى. اق جەيدە, گالستۋگى بار, پالتومەن تىماقسىز تٷسكەن پومپەو جاستاردىڭ جانىندا وزىق بوپ تۇردى" دەپ جازدى ايدان كەرٸبجانوۆ Facebook پاراقشاسىندا.
بۇرىنعى ديپلومات قازبەك بەيسەباەۆ "ەرينە, اۋا رايى بٸزدە [قارسى الۋ] پروتوكولىن سەل ٶزگەرتۋگە مەجبٷر ەتەتٸن شىعار, بٸراق مەملەكەتتٸك حاتشىنى كۋرتكامەن قارسى المايدى" دەپ قازاقستاندىق ديپلوماتتارعا تٷسٸندٸرمە جۇمىستارى قاجەت ەكەنٸن ايتقان.
"سىرتقى ٸستەر مينيسترلٸك ٶكٸلدەرٸنە ٷلكەن شەنەۋنٸكتەر تٷسٸندٸرمە جۇمىستارىن جٷرگٸزۋ كەرەك, مۇنداي جاعدايدا كٷڭگٸرت تٷستٸ پالتو كييۋ كەرەك. پومپەونىڭ ٶزٸ پالتودا بولدى" دەپ جازدى قازبەك بەيسەباەۆ Facebook-تاعى پاراقشاسىندا.
قازاقستاننان كەيٸن مايك پومپەو ٶزبەكستانعا بارعان. ەلەۋمەتتٸك جەلٸ قولدانۋشىلارى تاشكەنتتە پومپەونى "قاجەتتٸ دەرەجەدە" قارسى العانىن اتاپ ٶتتٸ.
