جامبىل وبلىسىندا مۇعالٸم "مەكتەپتە بومبا بار" دەپ جالعان حابار بەرگەن, - دەپ حابارلايدى Tengrinews.kz سايتى كتك تەلەارناسىنە سٸلتەمە جاساپ.
تەلەارنا مەلٸمەتٸنشە, مۇعالٸم اشىق ساباققا دايىن بولماعاندىقتان, "مەكتەپتە بومبا بار" دەپ پوليتسيياعا حابار بەرگەن. مەكتەپ باسشىلىعى وقۋ پروتسەسٸن توقتاتۋعا مەجبٷر بولىپ, 300 ادام قاۋٸپسٸز جەرگە شىعارىلعان.
ال جالعان حابار بەرگەن ۇستاز بالالاردى ەۆاكۋاتسييالاۋعا كٶمەك بەرٸپ جٷرٸپتٸ.
شۋ اۋدانىنىڭ جاس مۇعالٸمٸ باسشىلار الدىندا ٶزٸنٸڭ بٸلٸكتٸلٸگٸن كٶرسەتۋگە تيٸس بولعان. بٸراق وعان ەش دايىندىقسىز كەلگەن سوڭ, ساباقتى توقتاتۋ ٷشٸن وسىنداي قۋلىق ويلاپ تاپقان. بٸلٸم وشاعىندا جارىلعىش زات بار ەكەنٸ جارييالانعان سوڭ, كٷش قۇرىلىمدارى جەدەل جەتٸپ, ۇستازدار مەن وقۋشىلاردى دەرەۋ دالاعا شىعارىپ عيماراتتى تٸنتٸپ شىققان.
بٸراق كٷدٸكتٸ ەشتەڭە تابىلمادى. ەسەسٸنە, جالعان مەلٸمەت بەرگەن ازامات جىلدام انىقتالدى. ول - مەكتەپتٸڭ 25 جاستاعى جاس مامانى بولىپ شىققان. بٷكٸل مەكتەپتٸ دٷرلٸكتٸرگەن ۇستاز قىزمەتٸنەن قۋىلدى. مۇنداي "قىلجاقباستارعا" قىلمىستىق جاۋاپكەرشٸلٸك تە قاراستىرىلعان.
"شۋ اۋدانىنىڭ 25 جاستاعى تۇرعىنى ۇستالىپ, كٸنەسٸن مويىندادى. سوتقا دەيٸنگٸ تەرگەپ-تەكسەرۋ ٸسٸ بويىنشا كٷدٸكتٸ قر قپك 128,131-باپتارىنىڭ تالابىنا سەيكەس شۋ اۋدانى پوليتسييا بٶلٸمٸنٸڭ ۋاقىتشا ۇستاۋ اباقتىسىنا قامالدى", - دەدٸ شۋ اۋدانى پب باستىعىنىڭ تەرگەۋ جٶنٸندەگٸ ورىنباسارى اسحات باقبەرگەنوۆ.
