وسى كٷنٸ ۇلتىمىزدىڭ بولاشاعى ٷشٸن باس كٶتەرگەندەر مەن كٷشتەپ ۇجىمداستىرۋدىڭ سالدارىنان زارداپ شەككەندەردٸڭ رۋحتارىنا تاعزىم ەتۋ – بٸزدٸڭ پەرزەنتتٸك بورىشىمىز. سەنات تٶراعاسى مەۋلەن ەشٸمباەۆ Facebook-تەگٸ پاراقشاسىندا وسىلاي مەلٸم ەتتٸ, دەپ حابارلايدى "ۇلت اقپارات".
«بٷگٸن – تاريحىمىزداعى ەڭ قاسٸرەتتٸ كەزەڭدەردٸڭ بٸرٸ ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸ. وسى كٷنٸ ۇلتىمىزدىڭ بولاشاعى ٷشٸن باس كٶتەرگەندەر مەن كٷشتەپ ۇجىمداستىرۋدىڭ سالدارىنان زارداپ شەككەندەردٸڭ رۋحتارىنا تاعزىم ەتۋ – بٸزدٸڭ پەرزەنتتٸك بورىشىمىز.
سول بٸر زوبالاڭ جىلدار قازاقتىڭ ٶسٸپ-ٶركەندەۋٸنە ٶتە اۋىر سوققى بولىپ تيدٸ. ەلدٸڭ ەرتەڭٸنە الاڭداعان زييالىلارىمىز بەن قايراتكەرلەرٸمٸز قۋعىن-سٷرگٸنگە ۇشىراپ, جازىقسىز جاپا شەكتٸ. ەركٸندٸككە ۇمتىلعان الاش ارىستارى دا توتاليتارلىق جٷيەنٸڭ قۇرساۋىنان قۇتىلا المادى», - دەپ جازدى مەۋلەن ەشٸمباەۆ.
ونىڭ پٸكٸرٸنشە, عاسىرلار بويى قالىپتاسقان دەستٷرلٸ تۇرمىسىمىز ەش نەگٸزسٸز ٶزگەرتٸلٸپ, ۇلتىمىز الاپات نەۋبەتتٸ باستان ٶتكەرگەن.
«اشتىقتىڭ سالدارىنان حالقىمىزدىڭ جارتىسىنا جۋىعىنان ايىرىلدىق. تاعى كٶپ بٶلٸگٸ تۋعان جەرٸن تاستاپ كەتۋگە مەجبٷر بولدى.
بٸز تاريحىمىزعا تاڭبا بولىپ باسىلعان مۇنداي قايعىلى كەزەڭدەردٸ ەشقاشان ۇمىتپاۋىمىز كەرەك. بۇل باعىتتا ەلباسىمىز نۇرسۇلتان ەبٸشۇلى نازارباەۆتىڭ ساياساتى اياسىندا كٶپتەگەن باستاما ٸسكە اسىرىلدى. ارنايى ەسكە الۋ كٷنٸ بەلگٸلەنٸپ, مونۋمەنتتەر اشىلدى. قازاق حالقىنا العىس ايتۋ كٷنٸ دە وسى «تار جول, تايعاق كەشۋلەرمەن» تٸكەلەي بايلانىستى ەكەنٸ انىق.
قازٸرگٸ تاڭدا مەملەكەت باسشىسى قاسىم-جومارت كەمەلۇلى توقاەۆتىڭ باستاماسىمەن ساياسي قۋعىن-سٷرگٸن قۇرباندارىن تولىق اقتاۋ جۇمىستارى قولعا الىندى. سونداي-اق, پرەزيدەنتٸمٸز اشارشىلىق تاقىرىبىن كەڭٸنەن زەرتتەۋدٸ تاپسىردى. سونىڭ اياسىندا جٷرگٸزٸلگەن العاشقى زەرتتەۋلەر ٶز نەتيجەسٸن بەرە باستاعانىن بٸلەمٸز», دەپ جازدى سەنات سپيكەرٸ.
مەۋلەن ەشٸمباەۆ الداعى ۋاقىتتا ۇلتتىق سانامىزدى جاڭعىرتىپ, تاريحىمىزدى تانۋعا جول اشاتىن وسىنداي جۇمىستار جالعاسا بەرەدٸ دەگەن وي ايتتى.
«بٷگٸنگٸ ەسكە الۋ كٷنٸندە ۇلت مۇراتى جولىندا ٶمٸرٸن قيعان جەنە اشارشىلىقتىڭ قۇربانى بولعان جانداردىڭ جاتقان جەرلەرٸ جارىق بولسىن دەپ تٸلەيمٸز. ەندٸ ەشقاشان مۇنداي قايعىلى وقيعالار قايتالانباسىن. تەۋەلسٸز قازاق ەلٸ مەڭگٸ جاساي بەرسٸن!», - دەدٸ ول.
