پرەزيدەنت جولداۋى اياسىندا پارلامەنتكە ٷلكەن مٸندەت پەن جاۋاپكەرشٸلٸك جٷكتەلٸپ وتىر. بۇل تۋرالى سەنات تٶراعاسى مەۋلەن ەشٸمباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«كەشە مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا ارناعان جولداۋىن جارييالادى. بۇل جولداۋدىڭ بۇرىنعىلاردان مەنٸ دە, ماڭىزى دا ايرىقشا بولدى. وندا جاڭا قازاقستان قۇرۋدىڭ جەنە جاڭارۋ مەن جاڭعىرۋدىڭ باسىم باعىتتارى ناقتى ايتىلدى. پرەزيدەنتٸمٸز جولداۋدا ەلٸمٸزدٸڭ ساياسي جٷيەسٸن كەشەندٸ جاڭعىرتۋ باعدارلاماسىن ۇسىندى. سوعان سەيكەس كٶپتەگەن ماڭىزدى ساياسي رەفورمالار مەن تىڭ باستامالار تۋرالى سٶز بولدى.
سونىڭ ٸشٸندە پارلامەنتتٸڭ رٶلٸن كٷشەيتۋ كەرەكتٸگٸ دە ايتىلدى.
مۇنداي قادام جاڭارۋ مەن جاڭعىرۋ جولىندا پارلامەنتكە ٷلكەن مٸندەت پەن جاۋاپكەرشٸلٸك جٷكتەيدٸ. سوعان بايلانىستى مەملەكەت باسشىسى سەنات پەن مەجٸلٸستٸڭ جۇمىسى مەن قۇرىلىمىنا قاتىستى رەفورمالارعا توقتالدى. ەندٸ سەناتتاعى پرەزيدەنتتٸك كۆوتانىڭ سانى 15-تەن 10-عا دەيٸن قىسقارادى», - دەدٸ م. ەشٸمباەۆ سەناتتىڭ جالپى وتىرىسىندا.
وسى ورايدا ول ٶڭٸرلەردٸڭ مٷددەسٸ ەڭ باستى باسىمدىقتاردىڭ بٸرٸ بولىپ قالا بەرەتٸنٸن ايتتى.
«پرەزيدەنتٸمٸزدٸڭ شەشٸمٸمەن ٶڭٸرلەردٸڭ سانى كٶبەيەتٸن بولدى. ياعني, بٸزدٸڭ جۇمىسىمىزدىڭ اياسى كەڭەيەدٸ. سوندىقتان الداعى ۋاقىتتا وسى باعىتتاعى ماقسات-مٸندەتٸمٸز بۇرىنعىدان دا ارتا تٷسەدٸ. شىن مەنٸندە, اباي, ۇلىتاۋ, جەتٸسۋ وبلىستارىنىڭ قۇرىلۋى بٸزدٸڭ ۇلت رەتٸندە ٶسۋٸمٸزدٸڭ جارقىن كٶرٸنٸسٸ. سونىمەن بٸرگە قازاقستان حالقى اسسامبلەياسىنىڭ كۆوتاسى مەجٸلٸستەن سەناتقا بەرٸلەدٸ. بۇل شەشٸم قوعامدىق كەلٸسٸم مەن ىنتىماقتاستىقتى نىعايتۋ تۇرعىسىنان بٸزدٸڭ ەلەۋەتٸمٸزدٸ ارتتىراتىنى سٶزسٸز», - دەدٸ سەنات تٶراعاسى.
