قر پارلامەنتٸ سەناتىنىڭ تٶراعاسى مەۋلەن ەشٸمباەۆ ەلورداداعى مۋزىكالىق جاس كٶرەرمەن تەاترىنىڭ «اباي-توعجان» قويىلىمىنا جوعارى باعا بەردٸ, دەپ حابارلايدى "ۇلت اقپارات".
«بىلتىر ەلٸمٸزدە ابايدىڭ 175 جىلدىعى كەڭٸنەن اتالىپ ٶتتٸ. سونىڭ اياسىندا اۋقىمدى جۇمىس اتقارىلدى. دەگەنمەن, ۇلى ويشىلدىڭ ٶسيەتتەرٸن دەرٸپتەۋ جولىندا بٸر جىلمەن شەكتەلٸپ قالۋعا بولمايتىنى تٷسٸنٸكتٸ. ٶيتكەنٸ بٸزدٸڭ ۇلتتىق بولمىسىمىز بەن دٷنيەتانىمىمىزدىڭ قالىپتاسۋىندا حاكٸم ابايدىڭ رٶلٸ ەرەكشە. بٸز بويىمىزدى دا, ويىمىزدى دا اباي سٶزدەرٸنە قاراپ تٷزەيمٸز. سوندىقتان اقىن مۇراسىن دەرٸپتەۋ, ەسٸرەسە, ونى ٶسكەلەڭ ۇرپاقتىڭ ساناسىنا سٸڭٸرۋ قاشاندا ماڭىزدى», - دەپ جازدى سەنات تٶراعاسى Facebook پاراقشاسىندا.
وسى ورايدا ول ەلوردامىزداعى مۋزىكالىق جاس كٶرەرمەن تەاترىنىڭ يگٸلٸكتٸ ٸسٸن ەرەكشە اتاپ ٶتەدٸ.
«تاياۋدا اتالعان ٶنەر ورداسىندا «اباي-توعجان» قويىلىمىن تاماشالاپ, كەرەمەت رۋحاني كەشتٸڭ كۋەسٸ بولدىم. بۇعان دەيٸن كٶبٸنە اقىننىڭ ۇلعايعان شاعىن كٶرٸپ كەلسەك, بۇل جولى بٸز جاس ابايدى كٶردٸك. ونىڭ كەمەڭگەر بولىپ قالىپتاسۋىنىڭ العاشقى كەزەڭدەرٸنە ٷڭٸلدٸك. اقىن ليريكاسىنىڭ باستاۋىنا نازار اۋداردىق. سول سەبەپتٸ, اتالعان سپەكتاكلدٸ ابايتانۋ ٸلٸمٸنە تىڭ سەرپٸن بەرگەن تۋىندى دەپ قابىلدايمىن. شىن مەنٸندە, ويشىلدىڭ ٶمٸر جولى – كٷرەسكە تولى كٷردەلٸ جول. ونى اباي مەن توعجاننىڭ ماحابباتىنان دا اڭعارۋ قيىن ەمەس. سونداي كەزەڭدەر اقىن فيلوسوفيياسىنىڭ قالىپتاسۋىنا ٷلكەن ەسەرٸن تيگٸزگەنٸ سٶزسٸز. قويىلىمدا سونىڭ بەرٸ ەرەكشە تاپقىرلىقپەن سۋرەتتەلگەن», - دەدٸ مەۋلەن ەشٸمباەۆ.
سەنات سپيكەرٸنٸڭ اتاپ ٶتۋٸنشە, بۇل تەاتردىڭ اشىلعانىنا كٶپ ۋاقىت بولا قويعان جوق. سوعان قاراماستان اباي ٶمٸرٸن ساحنالاۋ ارقىلى كٶرەرمەنگە ايتارى مول ٶنەر ورداسى رەتٸندە تانىلىپ وتىر. ونىڭ رەپەرتۋارىندا مۇقاعاليدٸڭ, شەمشٸنٸڭ شىعارماشىلىعىنا ارنالعان قويىلىمدار دا بار.
«وسى رەتتە تەاتردىڭ اكتەرلەر قۇرامىنا دا توقتالا كەتكەن جٶن. ولاردىڭ قاتارىندا سامال ەسلياموۆا, ايان ٶتەپبەرگەن, اسىلحان تٶلەپوۆ سيياقتى بەلگٸلٸ دارىن يەلەرٸمەن بٸرگە جاس تالانتتار دا بار. ٶنەرسٷيەر قاۋىمعا عاجايىپ كٶڭٸل-كٷي سىيلاپ جٷرگەن تەاتر اكتەرلەرٸنە جەنە وسى ۇجىمنىڭ باسشىسى, كەسٸبي رەجيسسەر, شەبەر ۇيىمداستىرۋشى اسحات مايامەروۆكە ايرىقشا العىسىمىزدى بٸلدٸرەمٸز. تەاتر – كلاسسيكالىق ٶنەر. ال, كلاسسيكا قاشاندا بيٸك تۇرادى. سول سەبەپتٸ, جاس تەاتردىڭ عۇمىرى ۇزاق بولارىنا سەنەمٸز جەنە سوعان تٸلەكشٸمٸز. الار اسۋلارىڭىز كٶپ بولسىن. ٸندەتتەن تەزٸرەك قۇتىلىپ, زال كٶرەرمەنگە لىق تولاتىن كٷن تۋسىن. قازاق ٶنەرٸ جاساي بەرسٸن!», - دەپ ٸزگٸ تٸلەگٸن جەتكٸزەدٸ سەنات تٶراعاسى.
