ەركٸن كٷرەستەن قازاقستان كومانداسى ٷشٸن بيىلعى ماۋسىم تابىستى اياقتالدى, دەپ حابارلايدى "ۇلت اقپارات".
ەسەت سەرٸكباەۆ باپتايتىن بالۋاندار ازييا چەمپيوناتىنان ەكٸ التىن ەنشٸلەسە, ٶز جەرٸمٸزدە ٶتكەن ەلەم بٸرٸنشٸلٸگٸنەن ٷش مەدال, تٶرت جولداماعا قول جەتكٸزدٸ. Olympic.kz سايتىنا سۇحبات بەرگەن باس باپكەر جىلدىڭ باستى سپورتتىق وقيعالارىنا توقتالىپ, ەرەكشە جەتٸستٸگٸمەن كٶزگە تٷسكەن بالۋاندارعا ٶز باعاسىن بەردٸ.
«2019 جىلعى ماۋسىم بٸز ٷشٸن ٶتە جاۋاپتى بولدى. ٶيتكەنٸ قۇرلىق دوداسىنان بٶلەك, ٶز ەلٸمٸزدە العاش رەت ۇيىمداستىرىلعان ليتسەنزييالىق ەلەم چەمپيوناتىندا باق سىنادىق. مۇنداي ٸرٸ بەسەكەدە جولدامادان بٶلەك, جوعارى دەڭگەيدە ٶنەر كٶرسەتۋ, مەدال الۋ, جانكٷيەر الدىندا ۇياتقا قالماۋ دەگەن فاكتورلار دا بار. قۋانىشقا قاراي, وليمپيادا قارساڭىنداعى ماۋسىمدى سەتتٸ اياقتاپ وتىرمىز. قاڭتار ايىندا شىمكەنت قالاسىندا كٷرەس تٷرلەرٸنەن دەستٷرلٸ سپارتاكيادا ٶتٸپ, سول سىننان سوڭ ازييا چەمپيوناتىنا قاتىساتىن كوماندا جاساقتالدى.
سەۋٸر ايىندا قىتايدا ٶتكەن ازييا چەمپيوناتىندا نۇرعوجا قايپانوۆ پەن دانييار قايسانوۆ جەڭٸمپاز اتاندى. ساياتبەك وقاسوۆ فينالدا ۇتىلدى. سودان سوڭ داعىستانداعى حالىقارالىق تۋرنيرگە, يتالييانىڭ ساسساري قالاسىنداعى رەيتينگٸلٸك جارىسقا قاتىسىپ, جٷلدەلٸ ورىندادان كٶرٸندٸك. ەلەم چەمپيوناتى قارساڭىندا پولشادا ەكٸ اپتالىق وقۋ-جاتتىعۋ جيىنىنا قاتىسقانىمىز دا بار. نۇر-سۇلتانداعى ەلەم چەمپيوناتىنىڭ نەتيجەسٸن بارشاڭىز كٶردٸڭٸزدەر. ەكٸ قازاق بالۋانى فينالدا كٷرەسٸپ, دەۋلەت نييازبەكوۆ پەن نۇرعوجا قايپانوۆ كٷمٸس جٷلدەگەر اتاندى. سونىمەن قاتار, بٸرنەشە بالۋانىمىز قولا جٷلدە ٷشٸن كٷرەسٸپ, نۇريسلام ساناەۆ ٷشٸنشٸ ورىنعا تابان تٸرەدٸ. توكيو وليمپياداسىنا جەڭٸپ العان تٶرت جولدامامىز دا بار.
شىنى كەرەك, بۇعان دەيٸن بٸزدٸڭ بالۋاندار ەلەم چەمپيوناتىنان ەكٸ كٷمٸس, بٸر قولا مەدال الىپ كٶرمەگەن. سول سەبەپتٸ, مۇنى ەڭ ٷلكەن نەتيجە دەپ ايتار ەدٸم. كوماندالىق ەسەپتە رەسەيدەن كەيٸنگٸ ەكٸنشٸ ورىنعا كٶتەرٸلدٸك. بۇل بۇرىن-سوڭدى بولماعان كٶرسەتكٸش. باس باپكەر رەتٸندە نۇرعوجا قايپانوۆتى جىلدىڭ ٷزدٸك سپورتشىسى دەپ ايتار ەدٸم. نەبەرٸ 20 جاستاعى بالۋان بٸر جىلدا مٷمكٸن بولعان تۋرنيرلەردٸڭ بەرٸندە بيٸكتەن كٶرٸندٸ. ازييا چەمپيونى اتانىپ, ەلەم بٸرٸنشٸلٸگٸنٸڭ فينالىندا بەلدەستٸ.
مەسەلەن, دەۋلەت نييازبەكوۆ پەن نۇريسلام ساناەۆتان بٸز جٷلدە كٷتتٸك. سەبەبٸ, دەۋلەت ٷش رەت ازييانى ۇتسا, ساناەۆ ەلەم چەمپيوناتىندا الىسقا بارعان بالۋان. سوندىقتان, ولار جاقسى نەتيجە كٶرسەتۋگە مٸندەتتٸ ەدٸ. ال ەلٸشەر ەرعالي مەن نۇرعوجا قايپانوۆتار كٷتپەگەن جەردەن كەرەمەت جەتٸستٸككە قول جەتكٸزدٸ», - دەيدٸ ەسەت سەرٸكباەۆ.
