استانا قالاسىنىڭ ەكٸمٸ ەسەت يسەكەشەۆ قازاقستاندىقتاردى تەۋەلسٸزدٸك مەرەكەسٸمەن قۇتتىقتادى, دەپ حابارلايدى "ۇلت اقپارات" astana.gov.kz پورتالىنا سٸلتەمە جاساپ.
«تەۋەلسٸزدٸك - بارشا قازاقستان حالقى ەرەكشە قادٸرلەيتٸن, ٶتكەننەن تاعىلىم الىپ, كەلەشەككە بايىپتى قادام جاسايتىن ماڭىزدى كٷن. بۇل مەرەكە - حالقىمىزدىڭ سان عاسىرلىق ارمان-مۇراتتارىمەن ساباقتاسىپ جاتقانىمەن دە قۇندى.
اتا-بابالارىمىز اڭساعان ازاتتىق تاڭىنىڭ اتقانىنا بيىل جيىرما التى جىل تولىپ وتىر. شيرەك عاسىردان استام ۋاقىتتا ەلٸمٸز ەلباسىمىزدىڭ كٶرەگەن ساياساتىنىڭ ارقاسىندا بيٸك بەلەستەردٸ باعىندىرىپ, تولايىم تابىستارعا قول جەتكٸزدٸ. تەۋەلسٸز ەلٸمٸز بەن ەلوردامىزدىڭ ٶسٸپ-ٶركەندەۋٸ, اتقارىلعان ٸرگەلٸ ٸستەر - جەتٸستٸكتەرٸمٸزدٸڭ ايقىن ايعاعى.
ەل مەرەيٸن اسقاقتاتقان ٸلكٸمدٸ دە يگٸ جۇمىستارعا قاراپايىم ازاماتتاردىڭ دا قوسقان ٷلەسٸ زور. سوندىقتان, تەۋەلسٸزدٸك كٷنٸ شىن مەنٸسٸندەگٸ جالپىحالىقتىق مەرەكە. تەۋەلسٸزدٸگٸمٸز تۇعىرلى, بەرەكەمٸز باياندى بولعاي!» دەلٸنگەن ەكٸمنٸڭ قۇتتىقتاۋىندا.
.jpeg)