سولتٷستٸك قازاقستان وبلىسىندا ٷش اۋىسىمدى جەنە اپاتتىق جاعدايداعى مەكتەپتەردٸ جويۋ ماقساتىندا 16 مەكتەپ سالىنادى. بۇل تۋرالى ٷكٸمەت وتىرىسىندا سقو-نىڭ 2021-2025 جىلدارعا ارنالعان ەلەۋمەتتٸك-ەكونوميكالىق دامۋىنىڭ كەشەندٸ جوسپارىن تانىستىرۋ كەزٸندە قر ۇلتتىق ەكونوميكا مينيسترٸ ەسەت ەرعاليەۆ مەلٸم ەتتٸ, دەپ حابارلايدى قازاقپارات.
«دەنساۋلىق ساقتاۋ جەنە بٸلٸم بەرۋ جٷيەلەرٸ قىزمەتتەرٸنٸڭ قولجەتٸمدٸلٸگٸ مەن ساپاسىن ارتتىرۋ ٷشٸن قازٸرگٸ زامانعى ينفراقۇرىلىم قۇرۋ كٶزدەلگەن. وبلىستىق كٶپبەيٸندٸ اۋرۋحانا, سونداي-اق اۋدان ورتالىقتارىندا, تٸرەك جەنە سپۋتنيكتٸك اۋىلدىق ەلدٸ مەكەندەردە 47 مەديتسينالىق نىسان سالىنادى», - دەدٸ مينيستر.
ونىڭ ايتۋىنشا, ٷش اۋىسىمدى جەنە اپاتتىق جاعدايداعى مەكتەپتەردٸ جويۋ ماقساتىندا 16 مەكتەپ سالىنادى. سونداي-اق, ەرەكشە بٸلٸم بەرٸلۋٸنە قاجەتتٸلٸگٸ بار بالالارعا ارنالعان 400 ورىندىق وڭالتۋ مەكتەپ-ينتەرناتىنىڭ قۇرىلىسى جوسپارلانىپ وتىر. سونىمەن بٸرگە, نازارباەۆ ۋنيۆەرسيتەتٸنٸڭ جەنە اكادەمييالىق كٶشباسشى ورتالىعى تەجٸريبەسٸ بويىنشا جوو قۇرىلاتىن بولادى.
بۇدان بٶلەك, كۋرسانتتاردىڭ تۇرعىن ٷي-تۇرمىستىق جاعدايىن جاقسارتۋ جەنە وفيتسەرلەردٸ دايارلاۋ ساپاسىن ارتتىرۋ ماقساتىندا ۇلتتىق ۇلان ەسكەري ينستيتۋتىنىڭ عيماراتتارى مەن قۇرىلىستارىن سالۋ جوسپارلانىپ وتىر.
