فوتو: pexels.com
باس پروكۋراتۋرا مەن ٸشكٸ ٸستەر مينيسترلٸگٸنٸڭ قىزمەتكەرلەرٸ قازاقستان رەسپۋبليكاسى سىرتقى ٸستەر مينيسترلٸگٸنٸڭ كٶمەگٸمەن اسا ٸرٸ مٶلشەردە سينتەتيكالىق ەسٸرتكٸ قۇرالدارىن ساقتاعانى جەنە تاسىمالداعانى ٷشٸن قىلمىستىق جاۋاپكەرشٸلٸككە تارتۋ ماقساتىندا گرۋزييادان قازاقستان ازاماتىن ەكستراديتسييالادى. بۇل تۋرالى ۆەدومستوعا سٸلتەمە جاساعان Ult.kz حابارلايدى.
"2023 جىلدىڭ ماۋسىم ايىندا جول پوليتسيياسى قىزمەتكەرلەرٸ استانا قالاسىندا جەدەل-الدىن الۋ ٸس-شارالارىنجٷرگٸزۋ بارىسىندا كٷدٸكتٸ باسقارعاناۆتوكٶلٸكتٸ توقتاتىپ, ونىڭ سالونىندا جالپى سالماعى 18,96 گرامم بولاتىن 15 "مەفەدرون" بايلامدارى تابىلعان", - دەلٸنگەن حاباردا.
سوتقا دەيٸنگٸ تەرگەپ-تەكسەرۋ كەزٸندە قوعامنان وقشاۋلانۋعا بايلانىستى ەمەس بۇلتارتپاۋ شاراسىنىڭ تاڭدالعانىن پايدالانىپ, قاسكٷنەم تەرگەۋدەن جاسىرىنىپ, سوعان بايلانىستى حالىقارالىق ٸزدەۋگە جارييالانعان.
كٷدٸكتٸ بيىلعى قاڭتاردا گرۋزييا اۋماعىندا ۇستالعان.
قازٸرگٸ ۋاقىتتا ول قازاقستانعا ەكستراديتسييالانىپ, استانا قالاسىنىڭ تەرگەۋ يزولياتورىنا قامالدى.
ايىپتالعان قىلمىسى ٷشٸن 3 جىلدان 7 جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
