پاۆلوداردا 26 جاستاعى ەر ادام تۇرعىندارعا جەڭٸلدەتٸلگەن يپوتەكا, اۆتوكرەديت جەنە «دامۋ» قورى ارقىلى نەسيە الىپ بەرۋگە ۋەدە ەتٸپ, شامامەن 80 ملن تەڭگە شىعىن كەلتٸرگەنٸ ٷشٸن سوتتالدى, دەپ حابارلايدى ult.kz.
تەرگەۋ دەرەكتەرٸنە سەيكەس, 2025 جىلعى قىركٷيەكتەن 2026 جىلعى اقپانعا دەيٸن ول ازاماتتاردان بٸرنەشە ميلليون تەڭگەدەن اقشا الىپ, قاراجاتتىڭ باسىم بٶلٸگٸن جەكە قاجەتٸنە جۇمساعان. قىلمىستىق ٸس بويىنشا 24 الاياقتىق دەرەگٸ تٸركەلگەن. اقشانىڭ از عانا بٶلٸگٸ قايتارىلعان.
سوت ەر ادامدى كٸنەلٸ دەپ تانىپ, تٶرت جىلعا باس بوستاندىعىنان ايىردى. الايدا راقىمشىلىق تۋرالى زاڭعا سەيكەس, جازا مەرزٸمٸ ٷش جىلعا دەيٸن قىسقارتىلدى. سوتتالۋشى كٸنەسٸن تولىق مويىنداپ, كەلتٸرٸلگەن زالالدى تولىق ٶتەۋگە مٸندەتتەلدٸ.
ەسكە سالايىق, بۇعان دەيٸن پاۆلوداردا بٸرلەستٸك تٶراعاسى تۇرعىنداردىڭ 2,5 ملن تەڭگەگە جۋىق اقشاسىن جەكە قاجەتٸنە جۇمساعانى حابارلانعان ەدٸ.
