Pavlodarda 26 jastaǵy er adam turǵyndarǵa jeńildetilgen ipoteka, avtokredit jáne «Damý» qory arqyly nesie alyp berýge ýáde etip, shamamen 80 mln teńge shyǵyn keltirgeni úshin sottaldy, dep habarlaidy ult.kz.
Tergeý derekterine sáikes, 2025 jylǵy qyrkúiekten 2026 jylǵy aqpanǵa deiin ol azamattardan birneshe million teńgeden aqsha alyp, qarajattyń basym bóligin jeke qajetine jumsaǵan. Qylmystyq is boiynsha 24 alaiaqtyq deregi tirkelgen. Aqshanyń az ǵana bóligi qaitarylǵan.
Sot er adamdy kináli dep tanyp, tórt jylǵa bas bostandyǵynan aiyrdy. Alaida raqymshylyq týraly zańǵa sáikes, jaza merzimi úsh jylǵa deiin qysqartyldy. Sottalýshy kinásin tolyq moiyndap, keltirilgen zalaldy tolyq óteýge mindetteldi.
Eske salaiyq, buǵan deiin Pavlodarda birlestik tóraǵasy turǵyndardyń 2,5 mln teńgege jýyq aqshasyn jeke qajetine jumsaǵany habarlanǵan edi.
