جارىلىس بولعان ارىس قالاسىندا بٷگٸندە قالپىنا كەلتٸرۋ جۇمىستارى اياقتالۋعا جاقىن. بۇل تۋرالى جۋرناليستەرگە سۇحبات بەرگەن قالا ەكٸمٸ مۇرات قادىربەك مەلٸم ەتتٸ, دەپ حابارلايدى "ۇلت اقپارات".
قالا باسشىسىنىڭ سٶزٸنشە, قالپىنا كەلتٸرۋ جۇمىستارى 17 سەكتور ارقىلى جٷزەگە اسىرىلعان. قالا بويىنشا 8522 تۇرعىن ٷي بار بولاتىن بولسا, ونىڭ ٸشٸندە 104-ٸ كٶپقاباتتى باسپانا سانالادى. بٷگٸندە تۇرعىن ٷيلەر بويىنشا قۇرىلىس جۇمىستارى تولىعىمەن اياقتالىپ, اعىمداعى جەنە كٷردەلٸ جٶندەۋ جۇمىستارى جالعاسۋدا.
«باستاپقى كەزدە 22 ٷي سٷرٸلٸپ, قايتا سالىنۋى تيٸس بولسا, كەيٸن جٶندەۋ جۇمىستارى كەزٸندە ولاردىڭ سانى 474 ٷيگە جەتتٸ. كٷنٸ بٷگٸنگە دەيٸن بارلىعى سالىنىپ, قابىرعالارى تۇرعىزىلعان. شاتىرلارى جابىلىپ, ٸشكٸ ەرلەۋ جەنە جىلۋ كٸرگٸزۋ جۇمىستارى جٷرگٸزٸلۋدە. قالادا 11 سەكتور جۇمىستارىن تولىعىمەن اياقتاپ, قايتىپ كەتتٸ. قالعان 6 سەكتوردا قۇجاتتاندىرۋ سيياقتى سوڭعى جۇمىستار جٷرگٸزٸلٸپ, اياقتالۋعا جاقىن», - دەيدٸ ارىس قالاسىنىڭ ەكٸمٸ.
مۇرات قابىربەكتٸڭ ايتۋىنشا, قالاداعى ينفراقۇرىلىمدى رەتتەۋ بارىسىندا ارىس قالاسىنىڭ كەرٸز جٷيەلەرٸ تولىق جٶندەۋدەن ٶتٸپ, اۆتوماتتاندىرىلعان. قالا جىلىتۋ ماۋسىمىنا دا تولىق دايىن. زاقىم كەلگەن ارىس كٶشەلەرٸ دە جٶندەۋدەن ٶتتٸ. وندا اياقجولدار سالۋ جۇمىستارى اياقتالىپ, جارىقتاندىرۋ جٷرگٸزٸلٸپ جاتىر.
«قالا كٶشەلەرٸنٸڭ 98 پايىزى جٶندەلٸپ بٸتكەن. 63 كٶشەنٸ جٶندەۋ كەرەك بولسا, سونىڭ 60-ىندا جۇمىستار تولىقتاي اياقتالعان. تاعى 3 كٶشەدە سوڭعى جۇمىستار جٷرگٸزٸلٸپ جاتىر. سونىمەن قاتار قالانىڭ اۋماعىندا 500-دەن اسا كەسٸپكەرلٸك نىسانى بولاتىن بولسا, ولاردىڭ بارلىعىندا كەسٸپكەرلەر ٶز ەسەپتەرٸنەن جٶندەۋ جۇمىستارىن جٷرگٸزٸپ جاتىر. «اتامەكەن» ۇلتتىق كەسٸپكەرلٸك پالاتاسى ارقىلى ولارعا ٶتەماقى تٶلەنۋدە», - دەيدٸ قالا باسشىسى.
ول سونداي-اق, ەلەۋمەتتٸك ماڭىزى بار 64 نىسان «سامۇرىق-قازىنا» ۇلتتىق ەل-اۋقات قورى» ەسەبٸنەن جٶندەلگەنٸن جەتكٸزدٸ. اتالعان قور ارقىلى جارامسىز كٷيگە تٷسكەن 3 نىسان قايتا سالىنعان. ولاردىڭ قاتارىندا سپورتتىق كەشەن, جەدەل جەردەم قىزمەتٸ مەن تٸس ەمدەۋ ورتالىقتارى بار. بۇل نىساندار وسى ايدىڭ سوڭىندا پايدالانۋعا بەرٸلەدٸ دەپ كٷتٸلۋدە.
