فوتو: Tengrinews.kz
ۇلتتىق مۋزەي ديرەكتورى ارىستانبەك مۇحامەديۇلى جانساقتاۋ بٶلٸمٸنەن پالاتاعا اۋىستىرىلدى. بۇل تۋرالى مۋزەيدٸڭ رەسمي ٶكٸلٸ ايدار قىرىقباي مەلٸمدەدٸ, - دەپ حابارلايدى Tengrinews.kz.
"ول شامامەن, بٸر جارىم كٷن جانساقتاۋ بٶلٸمٸندە جاتقانىن بٸلەسٸزدەر. قازٸر ول پالاتاعا اۋىستىرىلدى. جاعدايى ورتاشا. پالاتاسىنا ەلٸ ەشكٸمدٸ كٸرگٸزبەيدٸ, تەك جۇبايىن. جالپى, دەرٸگەرلەر ونى قاراپ جاتىر. قازٸر ٶمٸرٸنە قاۋٸپ تٶنٸپ تۇرعان جوق", - دەدٸ قىرىقباي.
ول ارىستانبەك مۇحامەديۇلىنا قاتىستى قىلمىستىق ٸس قوزعالماعانىن ايتتى.
"سىبايلاس جەمقورلىققا قارسى قىزمەت ۇلتتىق مۋزەيدٸڭ باسشىلىق قۇرامىنا قاتىستى قىلمىستىق ٸس قوزعادى. وعان ديرەكتوردىڭ ورىنباسارلارى, بۇرىنعى ديرەكتورلار جەنە ت.ب. كٸرەدٸ. "التىن ادامنىڭ" ەلەم مۋزەيلەرٸنە شەرۋٸ" 2017 جىلى باستالدى. وسى ۋاقىت ٸشٸندە بٸرنەشە ديرەكتور مەن ورىنباسار اۋىستى. تەكسەرٸس بولعانىن جاسىرمايمىز. تەكسەرٸسكە تۇڭعىشباي جامانقۇلوۆتىڭ شاعىمى (قازاقستاندىق اكتەر. - ەسك.) نەگٸز بولعان. ول مەملەكەت باسشىسىنىڭ اتىنا حات جازدى. وسىدان كەيٸن بٸزدە ەسەپ كوميتەتٸنٸڭ تەكسەرٸسٸ بولدى. ولار ۇساق زاڭبۇزۋشىلىقتار تاپتى, ولاردىڭ ەسكەرتۋلەرٸن ۇلتتىق مۋزەي ورىندادى. كەيٸن باس پروكۋراتۋراعا قارجىلىق اۋديت شاعىمى بويىنشا تەكسەرٸس جٷرگٸزٸلدٸ. وندا دا ۇساق ەسكەرتۋلەر ايتىلىپ, ولار تٷزەلدٸ. جامانقۇلوۆ ٷشٸنشٸ رەت حات جازدى. وندا مۇحامەديۇلىنىڭ ٶزٸن ايىپتاعان", - دەپ تٷسٸندٸردٸ ايدار قىرىقباي.
