ارىس قالاسىنداعى ەسكەري قويمادا 2019 جىلى بولعان جارىلىسقا كٸنەلٸ دەپ تانىلعان 16 ادام تٷرلٸ مەرزٸمگە باس بوستاندىعىنان ايىرىلدى, دەپ حابارلايدى "ۇلت اقپارات".
سوت ٷش ادامنىڭ ٶمٸرٸن قيىپ, 30 ادامنىڭ جاراقات الۋىنا سەبەپكەر بولعان ارىستاعى جارىلىس بويىنشا قارالعان قىلمىستىق ٸستٸڭ قورىتىندىسىن شىعاردى.
شىمكەنت گارنيزونى ەسكەري سوتىنىڭ باسپاسٶز قىزمەتٸ تاراتقان مەلٸمەت بويىنشا, پروكۋرورلار سوتتالۋشىلارعا 4 جىلدان 10 جىلعا دەيٸن باس بوستاندىعىنان ايىرۋ جازاسىن تاعايىنداۋدى جەنە ازاماتتىق تالاپتاردى قاراۋسىز قالدىرۋدى سۇراعان.
ال جەبٸرلەنۋشٸلەردٸڭ كٶبٸ ٸستٸڭ كٷرمەۋٸن سوتتىڭ ۇيعارىمىنا قالدىرۋعا نيەت بٸلدٸرگەن.
«ايىپتالۋشى تاراپ پەن ونىڭ ادۆوكاتتارى كٷدٸكتٸ رەتٸندە تارتىلعان ازاماتتاردى اقتاپ, قىلمىستىق ٸستٸ توقتاتۋدى سۇرادى. قورعانىس مينيسترلٸگٸ مەن ەسكەري بٶلٸمنٸڭ باسشىلىق قۇرامى قىزمەتكە نەمقۇرايدى قاراعانى ٷشٸن (قىلمىستىق كودەكستٸڭ 453-بابى 2-بٶلٸگٸ), اتاپ ايتقاندا, قىزمەتتٸك مٸندەتتەردٸڭ ورىندالۋىن باقىلاۋ جٶنٸندەگٸ شارالاردى قولدانباي, وق-دەرٸمەن جۇمىس ٸستەۋ ەرەجەسٸن بۇزعانى ٷشٸن (قك 462-بابى 3-بٶلٸگٸ) كٸنەلٸ دەپ تانىلدى», - دەپ جازادى سوتتىڭ باسپاسٶز قىزمەتٸ.
سوتتالعانداردىڭ ٸشٸندە ەڭ ۇزاق مەرزٸمدٸ ەسكەري ماقساتقا بٶلٸنگەن قاراجاتتى جىمقىردى دەپ ايىپتالعان كٷدٸكتەلٸر ارقالادى. ناقتىراق ايتساق, اۋداندىق پايدالانۋ بٶلٸمٸنٸڭ باسشىلىعى مەن ەسكەري بٶلٸم كومانديرٸ تەحنيكالىق كٷزەت قۇالدارىن مونتاجداۋعا بٶلٸنگەن بيۋدجەت اقشاسىن جىمقىرعانى ٷشٸن 7 جەنە 10 جىلعا باس بوستاندىعىنان ايىرىلدى. قوسىمشا جازا رەتٸندە اتالعان تۇلعالارعا مەملەكەتتٸك قىزمەت پەن كۆازيمەملەكەتتٸك سەكتوردا لاۋازىمدى قىزمەت اتقارۋعا تىيىم سالىندى.
سوتقا ٸسپەن بٸرگە ۇسىنىلعان ازاماتتىق تالاپتار قاراۋسىز قالدىرىلدى. ٸستٸڭ بۇل بٶلٸگٸندە جٶندەۋ جۇمىستارىن جٷرگٸزگەن مەردٸگەر ۇيىمدار مەن مەنشٸك يەلەرٸ اراسىنداعى داۋدىڭ بولۋىنا بايلانىستى ازاماتتىق سوت ٶندٸرٸسٸنە جٷگٸنۋ ۇسىنىلدى.
«سوت ٷكٸمٸ ەلٸ زاڭدى كٷشٸنە ەنگەن جوق. تاراپتار ونىمەن كەلٸسپەگەن جاعدايدا قىلمىستىق ٸس جٷرگٸزۋ كودەكسٸنٸڭ 31-بابى بويىنشا جوعارى تۇرعان سوتقا شاعىم بەرۋگە قۇقىلى. قىلمىستىق ٸس 550 تومنان تۇردى. ٸس بويىنشا 1 473 جەبٸرلەنۋشٸدەن جاۋاپ الىندى. سوتقا قاتىسۋشىلاردىڭ كٶپتٸگٸنە جەنە سوت وتىرىستارىن سوعان ساي زالدا ٶتكٸزۋ قاجەتتٸلٸگٸنە بايلانىستى ٸس رەجيمدٸك وبەكتٸ – ەسكەري بٶلٸمدە قارالدى. ونىڭ اۋماعىنا ازاماتتاردى جٸبەرۋ نىساننىڭ قولباسشىلىعىنىڭ رۇقساتىمەن عانا ٸسكە اسىرىلدى», - دەپ جازىلعان رەسمي مەلٸمەتتە.
شىمكەنت گارنيزونى ەسكەري سوتىنىڭ باسپاسٶز قىزمەتٸ ٷكٸمدٸ جارييالاۋ كەزٸندە ونلاين قاتىسۋ مٷمكٸندٸگٸ ۇسىنىلماعانىن مەلٸمدەپ وتىر.
وعان ەسكەري نىساننىڭ جانىندا قىلمىستىق اتقارۋ جٷيەسٸنٸڭ مەكەمەسٸ تۇرۋى سەبەپ بولعان.
«اتالمىش نىساندا ۇيالى بايلانىستى تەجەيتٸن قوندىرعى ورناتىلعان. سوندىقتان ٷكٸم وقۋ كەزٸندە ونلاين قوسىلۋعا تەحنيكالىق مٷمكٸندٸك بولمادى», - دەپ جازادى سوتتىڭ باسپاسٶز قىزمەتٸ.
