ارىس قالاسىنداعى وق-دەرٸ قويماسىندا بولعان جارىلىس سالدارىنان كەلگەن شىعىندى 16 ادام ٶتەيدٸ. مۇنداي شەشٸمدٸ استانا قالاسىنىڭ ەسٸل اۋداندىق سوتى شىعاردى, دەپ حابارلايدى قازاقپارات.
«قازاقستان رەسپۋبليكاسىنىڭ قورعانىس مينيسترلٸگٸ (بۇدان ەرٸ - تالاپكەر, مينيسترلٸك) 2019 جىلعى 24 ماۋسىمدا ارىس قالاسىندا وق-دەرٸلەردٸڭ جارىلۋى سالدارىنان تۋىنداعان 97 ملرد تەڭگەدەن استام زالالدى 16 جاۋاپكەردەن مەملەكەت كٸرٸسٸنە ٶندٸرٸپ الۋ تۋرالى تالاپ ارىزبەن سوتقا جٷگٸندٸ. جاۋاپ بەرۋشٸلەر - بۇرىنعى ەسكەري قىزمەتشٸلەر. ولار قىزمەت بارىسىندا ٶرت قاۋٸپسٸزدٸگٸ, وق-دەرٸلەردٸ ساقتاۋ, ٶتكٸزۋ جەنە كەدەگە جاراتۋ, تەحنيكالىق باقىلاۋ ٷشٸن جاۋاپتى بولدى. بٸر جاۋاپ بەرۋشٸ كٷزەت-ٶرت دابىلىن ورناتۋدى جٷزەگە اسىرعان جشس باسشىسى سانالادى», - دەلٸنگەن اۋداندىق سوت تاراتقان اقپاراتتا.
تاراتىلعان مەلٸمەتكە سەيكەس, وق-دەرٸ جارىلىسىن جاۋاپ بەرۋشٸلەردٸڭ بارلىعىنىڭ كٸنەسٸ شىمكەنت گارنيزونى ەسكەري سوتىنىڭ 2019 جىلعى 24 ماۋسىمداعى زاڭدى كٷشٸنە ەنگەن ٷكٸمٸمەن انىقتالعان. وسى ٷكٸممەن مينيسترلٸككە ازاماتتىق سوت ٸسٸن جٷرگٸزۋ تەرتٸبٸمەن مٷلٸكتٸك تالاپتاردى قاناعاتتاندىرۋ قۇقىعى بەرٸلگەن. تالاپكەردٸڭ تالابى جارىلىس سالدارىنان قازاقستان رەسپۋبليكاسى قارۋلى كٷشتەرٸنٸڭ, 44859-ەسكەري بٶلٸمنٸڭ, 16752-ەسكەري بٶلٸمنٸڭ, 74884-ەسكەري بٶلٸمنٸڭ تەڭگەرٸمٸندەگٸ عيماراتتاردى, قۇرىلىستاردى, ينفراقۇرىلىمدى بۇزۋ, وق-دەرٸلەردٸ جويۋ تٷرٸندە مەملەكەتكە مٷلٸكتٸك زالال كەلتٸرٸلگەندٸگٸمەن نەگٸزدەلگەن. سوت تاعايىنداعان ساراپتامانىڭ قورىتىندىسىنا سەيكەس, زالالدىڭ جالپى سوماسى 96 373 286 573, 37 تەڭگەنٸ قۇرايدى.
«قر ازاماتتىق كودەكسٸنٸڭ 932-بابىندا بٸرلەسٸپ كەلتٸرٸلگەن زييان ٷشٸن جاۋاپكەرشٸلٸك كٶزدەلگەن. بٸرلەسٸپ زييان كەلتٸرگەن ادامدار جەبٸرلەنۋشٸنٸڭ الدىندا بٸرگە جاۋاپ بەرەدٸ. سوت بەلگٸلەنگەن جاعدايلاردى ەسكەرە وتىرىپ, تالاپ قويۋدى قاناعاتتاندىرۋ تۋرالى قورىتىندىعا كەلدٸ. استانا قالاسى ەسٸل اۋداندىق سوتىنىڭ 2022 جىلعى 19 قازانداعى شەشٸمٸمەن جاۋاپ بەرۋشٸلەردەن مەملەكەت كٸرٸسٸنە سوت ساراپتاماسىنا سەيكەس, زالال مەن سوت شىعىندارى ىنتىماقتى تەرتٸپپەن ٶندٸرٸلدٸ. سوت شەشٸمٸ زاڭدى كٷشٸنە ەنگەن جوق», - دەپ اتاپ ٶتەدٸ سوتتان.
