«قازاقستان تەمٸر جولى» ۇلتتىق كومپانيياسى ارىستاعى جارىلىستان كەيٸن تٷركٸستان وبلىسىندا تەمٸرجول قاتىناسى قالاي ۇيىمداستىرىلىپ جاتقانىن ايتتى, دەپ حابارلايدى قازاقپارات تٸلشٸسٸ.
تەمٸرجول كومپانيياسىنا قاراستى «جولاۋشىلار تاسىمالى» اق باسپاسٶز حاتشىسى دياس احمەتشەرٸپتٸڭ ايتۋىنشا, 2 كٷننٸڭ ٸشٸندە تٷركٸستان وبلىسىنىڭ اۋماعىندا جولدان قالعان 11 مىڭ جولاۋشى بالاما باعىتتار مەن اۆتوكٶلٸك ارقىلى تاسىمالدانعان.
جولدان قالعان جولاۋشىلارعا قولايلى جاعداي تۋعىزۋعا تٷركٸستان وبلىسىمەن قاتار كٶرشٸلەس جامبىل وبلىسىنىڭ اتقارۋشى ورگاندارى دا كٶمەكتەسۋدە.
«ارىستاعى تٶتەنشە جاعدايعا بايلانىستى شىمكەنت-ارىس-تٷركٸستان باعىتى بويىنشا بارلىق پويىزدار توقتاتىلعانىن بٸلەسٸزدەر. وسىعان بايلانىستى 13 جولاۋشى پويىزى «جەزقازعان-جارىق» ٷزٸگٸ ارقىلى ٶتكەن. بٷگٸننەن باستاپ جاڭا باعىت تٷزٸلدٸ. 10 جولاۋشى پويىزى «جەسقازعان-سەكسەۋٸل» باعىتى ارقىلى كەتٸپ جاتىر. سونىمەن قاتار شىمكەنت-تٷركٸستان قالالارىنىڭ اراسىنا اۆتوكٶلٸكتەر تاسىمالداپ قاتىناپ تۇر. بۇل ٸستە تٷركٸستان, جامبىل وبلىسى مەن شىمكەنت قالاسىنىڭ ەكٸمدٸگٸ بٸرلەسٸپ كٶمەكتەسۋدە. ەكٸ كٷندە 11 مىڭ جولاۋشى تاسىمالداندى. ونىڭ ەكٸ مىڭى اۆتوكٶلٸك ارقىلى جايلى ورىنعا جەتكٸزٸلدٸ», - دەگەن دياس احمەتشەرٸپ بالاما باعىتتارمەن جولدى جالعاستىرۋعا 11 مىڭ جولاۋشىنىڭ جارتىسىنان استامى كەلٸسكەنٸن ايتادى.
«جولاۋشىلار تاسىمالى» اق-نىڭ سەرۆيس جەنە كليەنتتەرمەن جۇمىس دەپارتەمەنتٸنٸڭ ديرەكتورى ەلٸبەك سۇلتانوۆ جولدى جالعاستىرۋدان باس تارتقانداردىڭ بارلىعىنا بيلەت قۇنى 100 پايىز قايتارىلىپ جاتقانىن ايتادى.
«باس تارتقان جاعدايدا بيلەت قۇنىنىڭ 100 پايىزىن ٶتەپ بەرەمٸز. بۇل جاعىنان ەشقانداي مەسەلە جوق. تٶتەنشە جاعداي كەسٸرٸنەن جوسپارى بۇزىلىپ, جولدان قالعانى ٷشٸن رەنٸش بٸلدٸرگەندەر دە بار. بٸراق ولاردىڭ سانى ساۋساقپەن سانارلىق», - دەيدٸ ۇلتتىق كومپانييا ٶكٸلٸ.
ەسكە سالساق, بۇعان دەيٸن ارىستاعى جارىلىستان ٷشٸنشٸ ادامنىڭ قايتىس بولعانى حابارلانعان بولاتىن.
بٷگٸن پارلامەنت دەپۋتاتتارى ارىس تۇرعىندارىمەن كەزدەسۋ ٷشٸن تٷركٸستان وبلىسىنا اتتاندى.
تٶتەنشە جاعدايدىڭ قاۋپٸ ەلٸ سەيٸلمەگەندٸكتەن, تۇرعىندارعا قالاعا ورالۋعا بولمايتىندىعى ەسكەرتٸلگەن.
