قر پرەمەر-مينيسترٸ اسقار مامين ارىس قالاسىنا جۇمىس ساپارى بارىسىندا جەرگٸلٸكتٸ تۇرعىندارمەن كەزدەسٸپ, جاعدايلارىن بٸلدٸ. قالالىق حالىققا قىزمەت كٶرسەتۋ ورتالىعىن ارالاۋ كەزٸندە ٷكٸمەت باسشىسىنان ٷيٸ تولىقتاي ٶرتەنٸپ كەتكەن تۇرعىن كٶمەك سۇرادى, دەپ حابارلايدى قازاقپارات تٸلشٸسٸ.
ٸلەسحان مىڭباەۆتىڭ ايتۋىنشا, جارىلىس كەزٸندە ونىڭ ٷيٸنە سنارياد تٷسٸپ, جاڭادان العان ٷش كٶلٸگٸ مەن باسپاناسى, دٷكەنٸ مەن قورا جايى تولىقتاي جانىپ كەتكەن. وسىلايشا, كٷندەلٸكتٸ تابىسىنان ايىرىلعان ازاماتتىڭ ٷش قويى عانا تٸرٸ قالىپتى. قازٸرگٸ تاڭدا بۇل وتباسى اپاتتان كەلگەن شىعىن كٶلەمٸن 100 ملن تەڭگەگە باعالاپ وتىر. وسىنشاما شىعىنعا باتىپ, وتباسىمەن دالادا قالعان ارىستىق تۇرعىن كٶلٸكتەرٸنٸڭ شىعىنىن ەشكٸم ٶتەپ بەرمەي جاتقانىن ايتادى. كٶلٸك ساقتاندىرۋ كومپانييالارى مەن جەرگٸلٸكتٸ بيلٸك شىعىنداردىڭ ٶتەلمەيتٸنٸن ايتىپتى.
«جارىلىستان 2012, 2013 جەنە 2014 جىلى شىعارىلعان ٷش كٶلٸگٸم جانىپ كەتتٸ. سٸزدەن كٶمەك سۇراماساق, باسقا جاقتان كٶمەك بولماي تۇر. سەبەبٸ, ساقتاندىرۋ كومپانيياسى باس تارتىپ جاتىر. ولار تەك جول كٶلٸك وقيعاسى كەزٸندە عانا تٶلەيمٸز دەيدٸ. سوعان كٶمەك بەرسەڭٸز», - دەدٸ ٸلەسحان مىڭباەۆ.
بۇل مەسەلەنٸ ٷكٸمەت باسشىسى اسقار مامين قاراستىرىپ كٶرەتٸنٸن اتاپ ٶتتٸ. ال, ارىستىق تۇرعىننىڭ ٶرتەنگەن ٷيٸ مەن دٷكەنٸن شىعىس قازاقستان وبلىسى سالىپ بەرەتٸنٸن جەتكٸزدٸ.
