ارىس قالاسىنداعى ۆاگون جٶندەۋ دەپوسى فيليالىنىڭ بازاسىندا ۆاگون دوڭعالاقتارىن كٷردەلٸ جٶندەۋدەن ٶتكٸزەتٸن شەبەرحانا اشىلدى. سالا ماماندارىنىڭ ايتۋىنشا, بۇل رەسپۋبليكا بويىشا 13-شٸ, ال وڭتٷستٸك ٶڭٸردە ٸسكە قوسىلعان العاشقى جٶندەۋ شەبەرحاناسى.
سالتاناتتى جيىنعا قالا ەكٸمٸنٸڭ ورىنباسارى ەرعالي قۋاندىق پەن «قتج-جٷك تاسىمالى» جشس-نٸڭ «شىمكەنت جٷك تاسىمالى بٶلٸمشەسٸ» فيليالىنىڭ ديرەكتورى امانكەلدٸ ارىسباەۆ, «قازتەمٸرترانس» اق باس ينجەنەرٸ نۇرلان جٷسٸپوۆ پەن ٶزگە دە سەرٸكتەس كەسٸپورىن باسشىلارى جەنە تەمٸرجول سالاسىنىڭ مايتالماندارى مەن ۆاگون دەپوسىنىڭ قىزمەتكەرلەرٸ قاتىستى.
قالا ەكٸمٸنٸڭ ورىنباسارى قازاقستانداعى تەمٸرجول سالاسىندا ارىس قالاسىنىڭ الار ورنى ەرەكشە ەرٸ ماڭىزى جوعارى ەكەندٸگٸن اتاپ ٶتتٸ. بٷگٸندە 270 ادامدى جۇمىسپەن قامتىپ وتىرعان بۇل كەسٸپورىندا جاڭا ٶندٸرٸستٸك تسەحتىڭ اشىلۋى نەتيجەسٸندە, تاعى 25 ادام تۇراقتى جۇمىسقا ورنالاسادى دەپ جوسپارلانعان.
جالپى, بۇل شەبەرحانا قىزمەتٸ وبلىس اۋماعىنداعى تەمٸرجول سالاسىندا عانا ەمەس, رەسپۋبليكا بويىنشا سۇرانىسقا يە. «Astana Railways Services» جشس-نٸڭ باس ديرەكتورى باۋىرجان مۇساعيتوۆتىڭ پٸكٸرٸنشە, مۇنداي كەسٸپورىننىڭ ارىس قالاسىندا ٸسكە قوسىلۋى قۇپتارلىق جايت. ٶيتكەنٸ, قازٸرگٸ كەزدە الماتى مەن قىزىلوردا وبلىسىنىڭ ارالىعىن قامتيتىن تەمٸرجول شارۋاشىلىعىندا مۇنداي دەڭگەيدە قىزمەت كٶرسەتەتٸن كەسٸپورىن جوق.
ال «Astana Railways Services» جشس ارىس ۆاگون جٶندەۋ دەپوسى» فيليالىنىڭ ديرەكتورى ەدٸلحان يبراگيموۆ بولسا, شەبەرحانا دوڭعالاق جۇپتارىن كٷردەلٸ جٶندەۋگە ارنالعان ٶندٸرٸستٸك ستراتەگييالىق نىسان ەكەنٸن تٸلگە تيەك ەتتٸ.
ونىڭ سٶزٸنشە, بۇل جەردە دوڭعالاق جۇپتارى اعىمداعى, ورتاشا جەنە كٷردەلٸ جٶندەۋدەن ٶتكٸزٸلەدٸ. دەمەك, ەندٸگٸ جەردە ۆاگون پاركٸ يەلەرٸ دوڭعالاق جۇپتارى مەن ۆاگونداردى جٶندەۋ ٷشٸن ۋاقىت جوعالتپاي ەرٸ قوسىمشا شىعىندالماي «بٸر تەرەزە» قاعيداسىمەن قىزمەتتٸ تيٸمدٸ پايدالانا الادى.
سالتاناتتى شارا اياسىندا كەسٸپورىن لەنتاسى قيىلعان سوڭ, قوناقتار نازارىنا شەبەرحانانىڭ جۇمىس ٸستەۋ پروتسەسٸ كٶرسەتٸلٸپ, ۆاگون جٶندەۋ دەپوسىنىڭ تىنىس-تٸرشٸلٸگٸ كٶپشٸلٸككە تانىستىرىلدى.
ايتا كەتەيٸك, 600 شارشى مەتر اۋماقتا ورنالاسقان شەبەرحانادا ٷلكەندٸ-كٸشٸلٸ 7 ستانوك جۇمىس ٸستەيدٸ. ٶندٸرٸستٸك-تەحنيكالىق بٶلٸمنٸڭ باستىعى جاندوس جۇماباەۆتىڭ ايتۋىنشا, ۆاگون جٶندەۋ دەپوسىندا قازٸرگٸ كەزدە 270 ادام ەڭبەك ەتەدٸ.
