تٷركٸستان وبلىسىنىڭ پوليتسەيلەرٸ دەرٸ-دەرمەكتٸ جوعارى باعامەن ساتۋدىڭ كەزەكتٸ فاكتٸلەرٸن انىقتادى, دەپ حابارلايدى "ۇلت اقپارات".
تٷركٸستان وبلىسىنىڭ پوليتسەيلەرٸ كارانتين كەزٸندە سۇرانىسقا يە دەرٸ-دەرمەك ساتۋ فاكتٸلەرٸن انىقتاۋ ٷشٸن كەزەكتٸ رەيدكە شىقتى. كٷن سايىن پوليتسەيلەر, دەنساۋلىق ساقتاۋ جەنە جەرگٸلٸكتٸ ورگان ٶكٸلدەرٸنەن تۇراتىن موبيلدٸ توپ رەيد جٷرگٸزەدٸ.
بۇدان بٶلەك, موبيلدٸ توپتار كارانتين كەزٸندە ماسكا رەجيمٸن جەنە باسقا دا سانيتارلىق قاۋٸپسٸزدٸك نورمالارىن ساقتاۋ ٷشٸن پروفيلاكتيكالىق جەنە تٷسٸندٸرۋ جۇمىستارىن جٷرگٸزەدٸ.
مىسالى, ارىس اۋدانىندا موبيلدٸ توپ دەرٸحانالاردىڭ بٸرٸن تەكسەرۋ كەزٸندە بٸرقاتار زاڭبۇزۋشىلىقتاردى انىقتادى. بۇل دەرٸحانا سانيتارلىق نورمالاردى ساقتاماعان, تالاپقا ساي كەلمەيدٸ, ازىق-تٷلٸك دٷكەنٸمەن بٸر عيماراتتىڭ ٸشٸندە ورنالاسقان.
دەرٸحانا قىزمەتكەرٸ دەرٸ-دەرمەكتٸ تيٸستٸ ليتسەنزيياسىز ساتقان. تەكسەرۋ بارىسىندا موبيلدٸ توپ ساتۋشىدان 400-گە جۋىق ورامنان 140 تٷرلٸ دەرٸ-دەرمەك تەركٸلەدٸ.
سول كٷنٸ ارىس اۋداندىق پوليتسييا بٶلٸمٸنە جەرگٸلٸكتٸ دەرٸحانالاردىڭ بٸرٸندە دەرٸ-دەرمەكتەردٸ جوعارى باعامەن ساتاتىنى تۋرالى حابارلاما كەلٸپ تٷستٸ. تەكسەرۋ بارىسىندا دەرٸحانانىڭ ساتۋشىسى «نوۆيگان نەو» جەنە «نيمەسۋليد» دەرٸلەرٸن جوعارى باعامەن ساتقانى انىقتالدى.
بارلىق ماتەريال تيٸستٸ شەشٸم قابىلداۋ ٷشٸن تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنە جٸبەرٸلەدٸ.
سارىاعاش اۋدانىنىڭ پوليتسييا بٶلٸمٸنە سارىاعاش قالاسىندا بەلگٸسٸز تۇلعالار دەرٸ-دەرمەكتەردٸ جوعارى باعامەن ساتاتىنى تۋرالى حابارلاما تٷسكەن. جەدەل-ٸزدەستٸرۋ ٸس-شارالارىن جٷرگٸزۋ بارىسىندا, جەرگٸلٸكتٸ تۇرعىننىڭ «مەروپەنەم» 50 قاپتاماسىن تيٸستٸ قۇجاتسىز 590 مىڭ تەڭگەگە ساتىپ جاتقان جەرٸنەن ۇستادى.
تەرتٸپ ساقشىلارى ايعاقتى تەركٸلەپ الىپ, جاس جٸگٸتتٸ پوليتسييا بٶلٸمٸنە جەتكٸزدٸ. اتالعان جايت سارىاعاش اۋداندىق پوليتسييا بٶلٸمٸنە تٸركەلٸپ, تەكسەرۋ جٷرگٸزٸلۋدە.
تەرتٸپ ساقشىلارى ماقتاارال اۋدانىندا تاعى بٸر دەرٸ-دەرمەكتەردٸ جوعارى باعامەن ساتۋ وقيعاسىن انىقتادى. پوليتسيياعا جەرگٸلٸكتٸ تۇرعىن اتاكەنت كەنتٸندەگٸ دەرٸحانادا دەرٸ-دەرمەكتەردٸ بەلگٸلەنگەن باعادان قىمبات ساتىپ جاتقانى تۋرالى ارىزدانعان. پوليتسييا قىزمەتكەرلەرٸ دەرٸحانا قىزمەتكەرٸ «اسكوربين قىشقىلىنىڭ» 2 بۋماسىن 1400 تەڭگەدەن ساتقانىن انىقتادى (بەلگٸلەنگەن باعاسى - 700 تەڭگە).
جيناقتالعان ماتەريالدى پوليتسەيلەر زاڭدى شەشٸم قابىلداۋ ٷشٸن تٷركٸستان وبلىسى بويىنشا فارماتسەۆتيكالىق باقىلاۋ بٶلٸمٸنە جولدادى.
ٶز كەزەگٸندە تٷركٸستان وبلىسىنىڭ پوليتسەيلەرٸ ازاماتتارعا كارانتين مەن ماسكا رەجيمٸن ساقتاۋ قاجەتتٸگٸن ەسكەرتەدٸ.
