ارىس قالاسىن ٷش كەزەڭمەن تولىق گازداندىرۋ جوسپارلانعان. بٷگٸن شاھارداعى «الاتاۋ» تۇرعىن الابىنداعى ٷيلەرگە تابيعي گاز بەرٸلدٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
قالا ەكٸمٸ گٷلجان قۇرمانبەكوۆا تۇرعىنداردىڭ قۋانىشىنا ورتاقتاستى. بٷگٸنگٸ تاڭدا ارىس قالاسىن تابيعي گازعا قوسۋ ٷشٸن ورداباسى اۋدانىنداعى №19 «تەمٸرلان» اگتس-نان ارىس قالاسىنا دەيٸن 41,2 شاقىرىم گاز قۇبىرى تارتىلدى. سونداي-اق, قالانى تابيعي گازبەن قامتاماسىز ەتۋ ٷشٸن 15,6 شاقىرىم جەتكٸزگٸش گاز قۇبىرى جٷرگٸزٸلٸپ, 6 دانا گازدى رەتتەۋ پۋنكتٸ (گرپ) ورناتىلىپ, قىسىمداۋ جۇمىستارى جٷرگٸزٸلدٸ.
تۇرعىندار قۋانىشتارىمەن بٶلٸستٸ. سولاردىڭ بٸرٸ – دوسان جيەنباي قارييا: «ٷيگە گاز كٸرٸپ, قۋانىپ جاتىرمىز. ەندٸ گاز ماماندارى ٷي جىلىتاتىن پەشٸمٸزدٸ گازعا جالعاپ بەرەمٸز دەپ جاتىر. مۇنداي قۋانىش ٶزگە دە جەرلەسٸمٸزگە جۇعىستى بولسىن. قۇجاتتاردى رەسٸمدەۋدٸ تەزدەتٸپ, بارلىق ارىستىقتار گازدىڭ يگٸلٸگٸن كٶرە بەرسٸن», – دەيدٸ.
ايتا كەتەيٸك, «الاتاۋ» تۇرعىن الابىندا گازعا قوسىلۋى تيٸس 185 تۇرعىن ٷي تٸركەلگەن. قازٸرگٸ كەزدە اتالعان اۋماقتاعى ٷيلەردٸڭ قۇجاتتارىن رەسٸمدەۋ جۇمىستارى جٷرگٸزٸلۋدە. ول ٷشٸن ەربٸر ٷي يەسٸ تالاپقا ساي ساقتىق شارالارىن قامتاماسىز ەتە وتىرىپ, گاز كٸرگٸزۋمەن اينالىساتىن كومپانييامەن كەلٸسٸمشارت تٷزۋٸ تيٸس.
