ارىستا كٶلٸك جٷرگٸزۋشٸسٸ ۆەلوسپەدپەن كەتٸپ بارا جاتقان 12 جاستاعى بالانى قاعىپ كەتٸپ, وقيعا ورنىنان بوي تاسالاعان. اتالمىش جايت بويىنشا پوليتسييا بٶلٸمٸنەن بٸردەن جەدەل تەرگەۋ توبى قۇرىلىپ, جەدەل ۋەكٸلدەر مەن پاترۋلدٸك پوليتسييا توبى وقيعا بولعان جەرگە جەتكەن, دەپ حابارلايدى "ۇلت اقپارات".
تٷركٸستان وبلىستىق پد باسپاسٶز قىزمەتٸنٸڭ مەلٸمەتٸنشە, وسى كەلەڭسٸز جاعداي بويىنشا جەرگٸلٸكتٸ تۇرعىننىڭ بٸرٸ پوليتسيياعا ارىز تٷسٸرگەن. وقيعا ورنىنا جەدەل جەتكەن جەدەل ۋەكٸل, پوليتسييا لەيتەنانتى ەرمەك ەرالىۇلى مەن جپق پپ توبىنىڭ قىزمەت اعا ينسپەكتورى باحىتجان شەكەربەكوۆ, قىزمەت ينسپەكتورى بيبارىس تەجەن تەز ارادا ٸزدەستٸرۋ شارالارىن جٷرگٸزدٸ. قالا ٸشٸندەگٸ بەينەكامەرالاردىڭ جازبالارىن تەكسەرٸپ, كۋەگەرلەردەن سۇراق جاۋاپتار الىندى. وسىلايشا شامامەن 2-3 ساعاتتىڭ كٶلەمٸندە ۆەلوسيپەدشٸنٸ قاعىپ كەتكەن كٷدٸكتٸ ۇستالدى. تەرتٸپ ساقشىلارى سەزٸكتٸنٸڭ كٶلٸگٸن تٸنتۋ كەزٸندە سٶمكەدە تۇرعان كٷمەندٸ زاتتى بايقاپ, تەكسەرۋ جٷرگٸزەدٸ. نەتيجەسٸندە, پاكەتكە سالىنعان حوش يٸسٸ بار, جاسىل تٷستٸ ماريحۋاناعا ۇقساس شٶپ پەن پريكۋرسوردى, قولدانۋعا تىيىم سالىنعان ەسٸرتكٸ تەكتەس بٸرنەشە پرەپاراتتاردى تاۋىپ, تەركٸلەيدٸ. كەيٸننەن انىقتالعانداي, كٷدٸكتٸ ارىس قالاسىنا قۇرىلىس جۇمىستارىنا كەلگەن شىمكەنت تۇرعىنى بولىپ شىقتى.
«بٷگٸنگٸ تاڭدا اتالمىش جايتقا بايلانىستى ارىس اپب-نٸڭ پوليتسەيلەرٸ قر قىلمىستىق كودەكسٸنٸڭ 296-بابى «ەسٸرتكٸ, پسيحوتروپتىق زاتتارمەن, سول تەكتەستەرمەن, پرەكۋرسورلارمەن ٶتكٸزۋ ماقساتىنسىز زاڭسىز جۇمىس ٸستەۋ» بويىنشا تەرگەپ-تەكسەرۋ امالدارىن جٷرگٸزۋدە. ساراپتامالار تاعايىندالدى», دەلٸنگەن حابارلامادا.
