بٷگٸن تٷركٸستان وبلىسى, اقجول اۋىلى, جامبىل اتىنداعى ورتا مەكتەپتە تٷركٸستان وبلىسىنىڭ ەكٸمٸ ٶمٸرزاق شٶكەەۆتٸڭ قاتىسۋىمەن باسپاسٶز مەسليحاتى ٶتتٸ, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
جيىنعا وبلىس ەكٸمٸمەن قاتار ««Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ, قر قورعانىس مينيسترٸنٸڭ ورىنباسارى باقىت قۇرمانباەۆ, تجد ٶكٸلٸ, قازاقستان رەسپۋبليكاسىنىڭ باس سانيتار-دەرٸگەرٸ جانداربەك بەكشين, وبلىس پروكۋرورى, ايماقتىق ۆەتەرينارلىق ينسپەتسييا ٶكٸلٸ قاتىستى. وبلىس ەكٸمٸ ەلدٸ مازالاعان ٶتكٸر ەرٸ ٶزەكتٸ سۇراقتارعا جاۋاپ بەرٸپ, ارىستاعى جاعداي تۇراقتالىپ, قاۋٸپتٸڭ بەتٸ سەيٸلگەنٸن مەلٸمدەدٸ.
قازٸرگٸ تاڭدا ارىس قالاسىنداعى تٶتەنشە جاعداي تولىق باقىلاۋعا الىندى. ەلٸمٸزدٸڭ قورعانىس مينيسترلٸگٸ مەن تٶتەنشە جاعدايلار جٶنٸندەگٸ كوميتەت, وبلىس ەكٸمدٸگٸ, ٸشكٸ ٸستەر دەپارتامەنتٸنٸڭ ٶكٸلدەرٸ تاراپىنان ارىس قالاسىندا اۋقىمدى جۇمىستار اتقارىلۋدا. ٶرت تولىق سٶندٸرٸلٸپ, كٶشەلەر مەن ٷيلەر تەكسەرۋدەن ٶتكەن.
«ارىس قالاسىنا تۇرعىنداردى اپتا سوڭىندا كٸرگٸزەتٸن بولامىز. ۋاقىتىن ناقتى 28 ماۋسىم كٷنٸ حابارلاپ ايتامىز. سەبەبٸ, حالىقتىڭ قاۋٸپسٸزدٸگٸ ٷشٸن قالانى ەلٸ دە تولىق تازارتۋىمىز قاجەت. تۇرعىنداردى قالاعا كٸرگٸزۋ ٷشٸن ارىس قالاسى 17 سەكتورعا بٶلٸندٸ. وسى سەكتورلارعا وبلىسىمىزدىڭ 16 اۋدانىنان 640 جاۋاپتى (1 اۋدان - 40 ادام) ازامات بەكٸتٸلدٸ. تۇرعىندار ٷيٸنە ورالعان سوڭ تۇرعىن-جايلارىنا كەلتٸرٸلگەن شىعىندار بويىنشا بەكٸتٸلگەن قىزمەتكەرلەر فوتو-ۆيدەوفيكساتسييا جاسايدى. وسى ماتەريالدار كەلتٸرٸلگەن شىعىنداردى ەسەپتەۋگە كٶمەك بەرەدٸ. تۇرعىنداردى ٷيلەرٸنە ورنالاستىرۋ ٷشٸن وبلىستىق پوليتسييا قىزمەتكەرلەرٸ مەن دەرٸگەرلەر, تٶتەنشە جاعداي دەپارتامەنتٸ مەن قۇزىرلى مەكەمەلەر ٷزدٸكسٸز قىزمەت كٶرسەتەدٸ. ارىس قالاسى تولىق قالپىنا كەلەدٸ. الاڭدايتىن ەشتەڭە جوق. مەملەكەت تاراپىنان ارىستىقتارعا قولداۋ كٶرسەتٸلەدٸ. بۇل قيىندىقتى دا بٸرگە ەڭسەرە الامىز», - دەدٸ ٶ.شٶكەەۆ.
سونداي-اق ارىسقا ارنايى كەلگەن «Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ اپاتقا قاتىستى ٶز ويىن بٸلدٸرٸپ, رەسپۋبليكا بويىنشا اشىلعان گۋمانيتارلىق كٶمەك تۋرالى ايتىپ ٶتتٸ.
«بٷگٸنگٸ تاڭدا 9 وبلىستان گۋمانيتارلىق كٶمەك جەتكٸزٸلدٸ. بارلىق وبلىستاردا ارىس قالاسىنا كٶمەك بەرۋ بٶلٸمدەرٸ اشىلدى. بۇل - قازاقستاندىقتاردىڭ ارىستىقتارعا كٶرسەتٸلٸپ جاتقان قايىرىمدىلىق شاراسى. الداعى ۋاقىتتا قۇرىلىس ماتەريالدارىن جەتكٸزۋگە مۇرىندىق بولامىز», - دەدٸ.
ايتا كەتسەك, ارىستاعى تٶتەنشە جاعدايدىڭ شىعىنى مەن زاردابىن جويۋ ٷشٸن وبلىس ەكٸمدٸگٸ تاراپىنان ارنايى قور قۇرىلدى. قازٸردٸڭ ٶزٸندە بۇل قورعا 200 ملن تەڭگەدەن استام قارجى جينالىپ ٷلگەردٸ. ٶڭٸرلەردەن گۋمانيتارلىق كٶمەكتەر دە جەتكٸزٸلٸپ جاتىر. الداعى ۋاقىتتا شىعىندار كٶلەمٸ انىقتالعان سوڭ نىسانداردى قالپىنا كەلتٸرۋ جۇمىستارى باستالادى.
