الماتىداعى تيٸننٸڭ اينالاسىنداعى داۋ ەلٸ دە تىيىلار ەمەس. بۇل جولى «دوم» قايىرىمدىلىق قورىنىڭ نەگٸزٸن قالاۋشى ارۋجان سايىن «اتاكەنت» ماڭىندا ورنالاسقان نىسانعا قاتىستى ٶز پٸكٸرٸن بٸلدٸردٸ. قوعام بەلسەندٸسٸ "تيٸنگە كەتكەن اقشانى بالالاردىڭ دەنساۋلىعىنا جۇمساماي ما" دەپ اشىندى.
«جۇرت جول سالۋعا, باسقاعا اقشا سۇراسا, بٸز بالالار ٷشٸن قاراجات بٶلۋٸن ٶتٸنەمٸز. 2 جىل بولدى جەتٸم, اۋرۋ بالالارعا دەپ اقشا سۇراپ كەلە جاتقانىمىزعا. بٸزگە جوقتان بٶتەندٸ ايتپايدى. الماتىدا مۋكوۆيستسيدوز دەرتٸمەن اۋىراتىن 16 بالا بار. 23 ميلليون تەڭگەگە 21 بالا ەمدەلٸپ شىعار ەدٸ», - دەيدٸ ارۋجان سايىن.
ايتا كەتەيٸك, تيٸندٸ جاساۋعا 23 ميلليون تەڭگە قاراجات جۇمسالعان. ونىڭ 15 ميلليونىن مەملەكەت, ال قالعان 8 ميلليوندى Funk تٶلەگەن. مٷسٸننٸڭ بيٸكتٸگٸ 12 مەتر. تۋىندىنى سالعان اۆتورلاردىڭ ٸشٸندە وڭتٷستٸك افريكادان كەلگەن ماريۋس يانسەن ۆان ۆۋۋرەن بار.
