قازاقستانداعى بالا قۇقىقتارى جٶنٸندەگٸ ۋەكٸلٸ ارۋجان ساين تٶتەنشە جاعداي رەجيمٸندە «مەيٸرٸم» ەرٸكتٸ قوعامى» قورىنىنىڭ جۇمىسى مەن مٷمكٸندٸگٸ شەكتەۋلٸ بالالارعا قالاي كٶمەك كٶرسەتٸلەتٸنٸ تۋرالى ايتتى, دەپ حابارلايدى قازاقپارات.
ونىڭ ايتۋىنشا, قازٸر تٶتەنشە جاعداي كەزٸندە قوردىڭ اتقارىلاتىن جۇمىس اۋقىمدى.
«قازٸرگٸ ۋاقىتتا قور بالا قۇقىقتارى جٶنٸندەگٸ ۋەكٸل كەڭسەسٸنٸڭ جۇمىسىن جٷزەگە اسىرۋدا. قور ەدەتتە اينالىساتىن باعىتىمەن عانا شەكتەلٸپ قالمايدى. الايدا بٸزدە پروبلەما بار. تٶتەنشە جاعدايعا بايلانىستى «بالالارعا ٶمٸر سىيلا» جوباسىنىڭ بالالارى ەمدەلۋگە شەتەلگە شىعا المايدى, ٶيتكەنٸ بارلىق ەلدەر جابىق. قۇدايعا شٷكٸر, جوسپارلى جەنە جاعدايى اۋىر بالالار جوق. ەمدەۋ ساپارلارى كەيٸنگە شەگەرٸلدٸ», - دەيدٸ ارۋجان ساين.
سونىمەن قاتار, ول قورعا قايىرىمدىلىق كٶرسەتەتٸن ازاماتتاردىڭ ازايعانىن اتاپ ٶتتٸ.
«پاندەمييا سالدارىنان ادامداردىڭ قارجىلىق جاعدايى قيىنداپ بارادى. كٶپتەگەن كەسٸپكەرلەردٸڭ بيزنەسٸ توقتاپ قالدى. بٸز قوعامدىق ۇيىمبىز جەنە ازاماتتاردان قايىرىمدىلىق جينايمىز, سوندىقتان كەز كەلگەن داعدارىستى بٸز بٸرٸنشٸ بولىپ سەزٸنەمٸز», - دەدٸ ا.ساين.
ونىڭ ايتۋىنشا, كٶمەك سۇرايتىندار ٶتە كٶپ. بالالاردىڭ دا سانى ارتىپ كەلەدٸ.
«كارانتين اياقتالعاننان كەيٸن بٸز بالالاردى ەمدەلۋگە جٸبەرەمٸز. ەرينە, جاسالاتىن وپەراتسييالارعا اقشا كەرەك. بۇل ٷلكەن مەسەلە. ونى قالاي شەشەمٸز ەزٸرگە بەلگٸسٸز. بٷگٸنگٸ تاڭدا «بالالارعا ٶمٸر سىيلا» جوباسىندا 60-قا جۋىق بالا كٶمەككە زەرۋ. ولاردىڭ اراسىندا ارقا-بيفيدا, ەپيلەپسييا, سيرەك كەزدەسەتٸن گەنەتيكالىق تەرٸ اۋرۋلارى, ەپيدەرموليز, مۋكوۆيستسيدوز اۋرۋىمەن اۋراتىن بالالار بار»,- دەدٸ ول.
ارۋجان سايننىڭ ايتۋىنشا, كارانتينگە بايلانىستى ەلەمدەگٸ كٶپتەگەن كەسٸپورىنداردىڭ جابىلۋى مەن لوگيستيكا مەسەلەسٸ دەرٸ-دەرمەكتٸ جەتكٸزۋدە ايتارلىقتاي قيىندىقتار تۋىنداتىپ وتىر.
«بٸز قازٸر دەمەۋشٸلەر ەسەبٸنەن ەپيلەپسييامەن اۋىراتىن ناۋقاستارعا ارنالعان دەرٸ-دەرمەكتٸ ساتىپ الۋ ٷشٸن ٸزدەستٸرٸپ جاتىرمىز. بٸرقاتار بالالار قازاقستاندا تٸركەلمەگەن دەرٸ-دەرمەكتٸ قابىلدايدى جەنە ولار ٶتە قىمبات. بۇرىن اتا-انالار دەرٸنٸ ٶزدەرٸ تٷركييادان جەنە باسقا ەلدەردەن الدىراتىن. ٶكٸنٸشكە وراي قازٸر ونداي مٷمكٸندٸك جوق. ٶيتكەنٸ كارانتينگە بايلانىستى حالىقارالىق رەيستەر توقتادى. قازٸر «سق-فارماتسييانىڭ» كٶمەگٸمەن كەلٸسسٶزدەر جٷرگٸزٸپ جاتىرمىز. اقشاسىن تٶلەيتٸن دەمەۋشٸلەر تابىلدى, ەندٸ جەتكٸزۋ مەسەلەسٸ تەز شەشٸلەدٸ دەپ ٷمٸتتەنەمٸز. كٶپتەگەن بالالاردىڭ دەرٸسٸ تاۋسىلۋعا جاقىن قالدى», - دەپ تٷسٸندٸردٸ ارۋجان ساين.
سونىمەن قاتار, ول كارانتين كەزەڭٸندە دەرٸگەرلەر مەن كلينيكالارعا كٶرسەتٸلەتٸن كٶمەك تۋرالى ايتتى.
«بٸز قور دەمەۋشٸلەرٸنٸڭ ەسەبٸنەن جەكە قورعانىس قۇرالدارىن, بٸر رەت قولدانىلاتىن جەنە قايتا پايدالانۋعا بولاتىن كيٸمدەردٸ, دەرٸگەرلەرگە ارنالعان قورعانىس ەكراندارىن, دەزينفەكتسييا سۇيىعىن, مەديتسينالىق جابدىقتار ساتىپ الدىق. العاشقى 10 مىڭ دانا پارتييانى الماتى ەمحانالارى مەن بٸرقاتار وبلىستارعا جٸبەردٸك. بۇل ٶتە قاجەت ەدٸ. سەرٸكتەستەرٸمٸزدٸڭ ارقاسىندا تاعى 60 مىڭ قورعانىس ەكرانى ساتىپ الىندى. قىزىلوردا, جامبىل وبلىستارىنا قورعانىس كيٸمدەرٸ مەن باسقا دا كٶمەك جٸبەرٸلدٸ. بۇل ەكٸ ايماق الماتى مەن نۇر-سۇلتاننان كەيٸن ٸندەت جۇقتىرعاندار بويىنشا كٶش باستاپ تۇر. قاراعاندى وبلىسى دا نازاردان تىس قالمادى. شىمكەنت قالاسىمەن دە جۇمىس ٸستەپ جاتىرمىز. دەزينفەكتسييالىق قۇرال مەن مەديتسينالىق ماسكانى ەمحانالارعا, بالالار جەنە قارتتار ٷيلەرٸنە جٸبەردٸك. سونىمەن قاتار, اۋرۋحانالاردان شىقپاي جۇمىس ٸستەپ جاتقان الماتىلىق دەرٸگەرلەرگە تاماق جٸبەرەمٸز», - دەدٸ ول.
بٷگٸنگٸ كٷنٸ قور «بالالارعا ٶمٸر سىيلا» جوباسىنىڭ اياسىندا 1 855 بالاعا كٶمەك كٶرسەتتٸ, كٶپتەگەن بالالاردى ەمدەۋ بٸرنەشە كەزەڭنەن تۇرادى, سەيكەسٸنشە 2 791 وپەراتسييا/ەمدەۋ كۋرسى تٶلەندٸ.
ارۋجان ساين اتاپ ٶتكەندەي, قور ەلەمنٸڭ 70-تەن استام ەلٸندەگٸ كلينيكالارمەن جۇمىس ٸستەيدٸ. نەگٸزگٸ پرينتسيپ - ەمدەۋ ساپاسى مەن قۇنى. قور مٷمكٸندٸگٸنشە كٶپ بالالارعا كٶمەكتەسۋ ٷشٸن قازاقستاندىق كەسٸپكەرلەر كٶرسەتكەن كٶمەكتٸ تيٸمدٸ جۇمساۋعا تىرىسادى.
سٶز سوڭىندا ول بارلىعىن كارانتين رەجيمٸن ساقتاۋعا, ٷيدە بولۋعا شاقىردى.
