بالا قۇقىقتارى جٶنٸندەگٸ ۋەكٸل ارۋجان ساين قازاق تٸلدٸ جۋرناليستەردەن كەشٸرٸم سۇرادى, دەپ حابارلايدى Sputnik قازاقستان.
بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ارۋجان ساين ٶزٸنٸڭ الداعى جوسپارىن تانىستىردى. جارتى ساعاتتان استام ۋاقىت سٶيلەگەن ۋەكٸل ٶز بايانداماسىن تولىعىمەن رەسمي تٸلدە جاسادى. وسىدان كەيٸن قازاق تٸلدٸ جۋرناليستەر وعان ەسكەرتۋ جاساپ, مەملەكەتتٸك تٸلدە سٶيلەۋ كەرەكتٸگٸن جەتكٸزدٸ.
"مەنٸڭ قازاق تٸلٸم ەلٸ ونشا جاقسى ەمەس. سپەتسيفيكا جاعىنان... تەرميندەردٸ پايدالانعاندا ماعان قيىن. سٸزدەرمەن جاي سٶيلەسە الامىن. بٸراق بٸزدٸڭ مەسەلەلەرٸمٸز تۋرالى ەلٸ ايتا المايمىن. ەرينە, كٷن سايىن قازاق تٸلٸندەگٸ مەتٸندەردٸ وقىپ, جاتتاپ, سٶيلەۋگە تىرىسامىن. بٸراق كەشٸرٸڭٸز... بولاشاقتا. بٸرٸنشٸدەن, ۋاقىت كەرەك وعان. قازٸر ۋاقىت جوق", - دەدٸ ساين.
ايتا كەتەيٸك, بٷگٸنگٸ بريفينگتە ساين بارلىق ينتەرناتتى جابۋدى ۇسىندى. ونىڭ ايتۋىنشا, كەسٸبي فوستەرلٸك وتباسىلار بولسا, بالالار ٷيلەرٸن تولىعىمەن جاۋىپ تاستاۋعا بولادى.
"قازاقستانعا شامامەن 350-500 فوستەرلٸك وتباسى قاجەت. سەبەبٸ جىل سايىن 1 500 بالا اتا-اناسىنىڭ اسىراۋىنسىز قالىپ جاتادى. سوندا بٸر فوستەرلٸك وتباسى 3-5 بالانى السا, قازٸرگٸ ينتەرنات مەسەلەسٸن تولىعىمەن شەشۋگە بولادى", - دەيدٸ ساين.
